1 KORINT 1:21 - NIEMNYAN Naga NT (BSI)

²¹ Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 KORINT 1:21 Iomraidhean Croise

MATHIU 11:25

Ere sanpoatko Jisu ma ngatwah, “Ewa, nanga rangkhethung ngale hahtokkhoh Teso! ngama nangnâng dangkoh a ngaeki, chenrãngma ngako, jet ajien hehnâng lekhesok thangma huhriem lohma nokba hehnâng khesok eko.

LUK MA RAANGWAH NGINKONGSEN 10:21

Ere sanpoatko Asâthôanju demnâng Jisu nyahrãng khuhahwah ngale atema ngatwah, “Wa, rangkhethung ngale hahtokkhoh Teso! Ngama nangnâng dangkoh a ngaeki, chenrãngma ngako, nangma jet ajien hehnâng lekhesok thangma huhriem tohpa nokba hehnâng khesok eko. Linlinjô Wa erohpa nanghung junko dangeka.

LUK MA RAANGWAH NGINKONGSEN 12:32

“Loangnejô medang enkomin nekchei en, chenrãngma ngako ne Wa Joban ma nenâng ate Hahsông pa kohhun ehèn.

JON MA RAANGWAH NGINKONGSEN 12:31

Athângheh are hahtokkhoh pa achhih asen rên sanpoat pa; ngale are hahtokkhoh pênte juchhihpa rephe sanpoat.

ROMAN HEHNÂNG POLMA RAANGWAH SITI 1:28

Chenrãngma ngako, ere mihnyan hehma Joban toangtang nginpa thinhung nâng thien hunmah, atema ere mihnyan hehnâng achhihli thonghun thuk eka, erohwah thinma chenpa lemolia erepa moeka.

ROMAN HEHNÂNG POLMA RAANGWAH SITI 11:33

Joban pa chentô techhua! Ate buthi mongthem ngale jet ajien pa chentôlûa! Joban ma themawa ekapa henma tâjienthômin a? Ngale ate lempa henma tâjetloat min a?

1 KORINT 1:18

Chenrãngma ngako henhen mahritte a ereheh rãngma Krista bãngphak khoko riitah nginkongpa aba ata ngin rãngrãng; rohkomin nãngkhu henhen khopete a ereheh rãngma arepa Joban chaan.

1 KORINT 1:23

Nirãngma dangeka, rittek wah Krista nginpa phoangthô eki, phumma erengin pa Jews hehrãngma achhih dangeka, ngale Jews ledangte hehma aba ata ngin rãngrãng tateka;

1 KORINT 1:24

rohkomin henhen Joban ma rooeka, Jews dangkolah ngale Jews ledangte heh dangkolah, arepa Krista nginkong, ngale atea Joban chaan ngale Joban buthi mongthem.

1 KORINT 1:25

Chenrãngma ngako, chenpa Joban nâng aba rãngrãng khekia, erepa mihnyan buthi mongthem nomemin asen, ngale chenpa Joban nâng boan anaa rãngrãng khekia, erepa mihnyan noma achaan.

1 KORINT 1:27

Joban ma hahtokkhoh wah mihnyan hehma chenpa aba ngama huneka ereheh, hahtokkhoh wah jet ajien hehnâng rêsê thukrãng jetlahma ren eka, ngale hahtokkhoh wah mihnyan hehma boan anaa ngama huneka heh ahang lochaan heh rêsê thukrãng ren eka.

1 KORINT 11:32

Rohkomin Teso ma nãngnâng rensû lahma phhekkhên nâkhên hôanehi, erohwah nãnga are hahtokkhoh wah mihnyan chhih heh demnâng lejohroam mahriimin.

1 KORINT 2:14

Henhen nâng Ju ahoa, erehehma Joban Ju ngewah kaera hînhô pa leta chohmin. Ererãngrãng mihnyan hehma areheh leta jetmin, ngale thinrãngma sekhota ngin rãngrãng ethonghun a, chenrãngma ngako, ere Ju chohte hehma lolo jôba tâjetmin.

1 KORINT 4:10

Chenrãngma ngako Krista rãng sênrãngma nia aba rãngrãng dangeki; rohkomin nekhua Krista demnâng roamletma jet ajien dangeken! Nia loboan dangeki, rohkomin nekhua lochaan! Nia thãjõ lembe hôanehi, rohkomin nea dôngsiet re ehèn!

1 KORINT 6:2

Nema jetmetne Joban nâng putedâlemte mihnyan hehma are hahtokkhoh wah achhih asen pa rênmin ngama? Eroh medang ako, nema are hahtokkhoh ko achhih asen ngama metaren enko, are arinchha nginpa chenrãngma leta phensiet dangeken a?

GALATIEN 1:15

Rohkomin Joban ma ate mînchenchaan pumma ngachhat mama rênwah, ngale atenâng soamtô rãng rooehang. Ngale ngama

GALATIEN 4:8

Amako nema Joban lejet dângwah, ngale chenpa Joban ledanga ere haarãng dangletma tôngwah.

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

IFISIEN 3:10

Joban ma thonghun ekapa rangkhethung wah chentô pênte ngale chaan ahang kepte hehma athâng hehwah Asâthem heh junma ate ngewah jatrup buthi mongthem pa chenhea ngama thonghun eka.

KOLOSIEN 1:19

Chenrãngma ngako, Joban ma atedede hungsi ma ate Chha sekkhen nâng Joban chaanpa phangtang chentonga ngama hunwah.

HIBRU 1:14

Eroh medang ako, ngintatte heh chennia? Thin a Joban nâng soam atôteju, ngale Joban ma khope chohte mihnyan hehnâng chohsokrãng chienkat era.

HIBRU 2:3

Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

JEMS 4:4

Joban nâng lepute dâlemte mihnyan heh! Nema jetmetne, hahtokkhoh demnâng lemruchha dangkenpa Joban demnâng ran dangeki ngama? Nema hahtokkhoh demnâng lemruchha dâng mehun enko, nema nedede a Joban ranrãng hôanrii eken.

JEMS 5:15

Putedâlem lahma thinrãng rangsoam koheka junko khunte pa ame erea; Teso ma thinphoang pa engaksensiet a, ngale thinma pap motah hehmin map echoh a.

JEMS 5:20

are nginpa thonghun en: Henma akomin papi mihnyan pa lemkhôchhih wah mengak siethû ako atema papi mihnyan Jupa ritwah pesiet eka ngale ajahthem pap hehmin map chohthuk eka.