तीतुस 3:9 - नोयरी नोवलू नियम

⁹ पोन मूर्खताआ विवाद, अने वंशावळ्या, अने विरोध अने झगडा सी जे व्यवस्थाच्या विषया माय होय, होंबलीत रो; काहाके ते नीरुपयोगी अने व्यर्थ होय,

तीतुस 3:9 Iomraidhean Croise

1 कुरिन्थि 13:2

अने जर आय भविष्यवाणी कोअनारू अने आखे भेदांना अने आखे एहलाम ज्ञानाह होमजुत्लू अने माहु इहिंजा पुरो विश्वास होय का आय डोगोहो होरकाविलो पण प्रेम कोअनारू नाहा ताहा आय किबी नाहा.

1 कुरिन्थि 8:1

ओमे मूर्ती आगाडी अर्पण वली वास्तु ई विश्वमेहे आमू जाअत्ले होय का आमू आखाआ ज्ञान होय अने ज्ञान घमंड तीयार कोत्लू होय पोन प्रेमोमेहे उन्नति ओवत्ली होय.

1 तीमुथियुस 4:7

पोन अशुद्ध अने डाया माहुहु गोठीपोरोत अलग रो अने हाजा भगत मेहनत कोईत रो.

2 तीमुथियुस 2:14

आव गोठीई ओर तियाहा आप का देव आगाडी निक्षून त्याआरी का शब्दापो लोळाई कोईत रोहू कायना याकोअता किबी फायदा उवनारा नाहा पोन होमलिनारे बिगडीत्लो जातेहे.

2 तीमुथियुस 2:16

पोन अशुद्ध बडबडी पोरोत सेटे रो काहाके एहलो मांहे फासी अभक्ती मेहे वोदतो जानारू,

2 तीमुथियुस 2:23

पोन मूर्खता अने अज्ञानाच्या विवादा पासून जुदो रो काहाके ताहु मालुम होय त्यापरत झगडू निर्माण ओये.

तीतुस 1:14

अने यहुदियाआ कथा गोठी माय अने तिया मांहाहा आज्ञा न माय मोन लागाडहु नाहा, जे खोरो पोरोत भोटकीत जातेहे.

याकूब 4:1

तुमा मेहे लोढाय अने झगडे कारोत आवित गोयी की ते सुख विलासों से ते नाहा जे तुमाआ डीलोमेहे लड़त भिड़त होय?