प्रकाशितवाक्य 6:9 - नोयरी नोवलू नियम

⁹ जाहा तिये पाचवी शिक्के उगडाव्यी, ताहा आय वेदीई निसे तियाआ जीवाह पालील्यो जे देवाच्या वचनाआ कारनो कोईत अने तियाअ साक्षच्या कारनो कोईत जी तियाआ आप्लु ओती घात कोअल्यो गोये.

प्रकाशितवाक्य 6:9 Iomraidhean Croise

युहन्ना 16:2

एह्ली वेल मंदिर आवीत होय, का जो कोडु तुमामे माईत टाकही तो होमजे का आय परमेश्वरोओ सेवा कोअत्लू.

2 कुरिन्थि 5:8

त्यापोत आमू हिमंत तोईत रोतलू अने डीलोवांही अलग ओतगोयु प्रभू आरी रोहिलो फासी हाजो होमजीत्लू.

फिलिप्पी 1:23

याआ बारामेह आय पेचात होय ईहिरोत हुटोत जात ख्रिस्ता आरी रोणारे माहु उत्कंठा होय काहाके देहामेहे रोहोलोकाजे ओ जाहाकोज हाजो होय

फिलिप्पी 2:17

तुमाआ विश्वास एक बलिदान अने सेवा होसे होय जर माआ रक्त तुमाआ जोरोपे द्राक्षरस ओतीत आप्यू तेबी तो माहु पोटल्यो होय तुमाआ प्रसंन्नते मेहे माआ पोन सहभाग होय.

2 तीमुथियुस 1:8

त्यापोत आमा प्रभूऊ साक्षीवाइहि अने माआ वोजोसे जो आय तिया कैदी होय लाजवायल नाहा पोन तिया परमेश्वरोओ सामर्थ्याआ नुसार सुवार्तेकाजे माआरी दुख सहन को.

2 तीमुथियुस 4:6

काहाके ओमे आय अर्पण उवनारा होय अने माआ प्रयाण काळा जागे आवयू होय.

इब्रानि 12:23

अने तिया पेल्लू उब्जीलेले साधारण मिटीग अने मंडली ज्याआ नाव होर्गाम लेखिलो होय अने आखाआ न्याय कोअनारा पर्मेश्वरारी अने पुरो कोईलो धार्मिकांची आत्मा,

प्रकाशितवाक्य 1:2

जिये परमेश्वरोओ वचन अने येशु ख्रिस्ताची साक्ष, अर्थात जे किबी तिये पहीले ओते तियाआ कक्षी आप्यी.

प्रकाशितवाक्य 1:9

आय योहान, जो तुमाआ पाही अने येशुउ त्रास अने राज्य अने धीर मेहे आय तुमाआ सहभागी होय, परमेश्वरोओ वचन अने येशुउ साक्षीआ कारण पतमुस नावोओ बेटाम ओतु.

प्रकाशितवाक्य 14:18

फासाडी एक फासी स्वर्गदूत, ज्याहा आग उपो अधिकार ओतु वेदी मायरोत निघाल्यू, अने तियाआ जागे तीक्ष्ण दात्लू ओतु तियाहा उचो शब्दावाही कोयु, “आपाआ तीक्ष्ण तोड-तोड दात्लू लागाडी धरतीई द्राक्षा तियाआ कोळी काप, काहाके का तियाआ घड पाकलो होय.”

प्रकाशितवाक्य 16:7

काहाके आय वेदी त्यापोरोत ओ शब्द होम्लालू, “होय, ओ आखे सर्वशक्तीमान प्रभू परमेश्वर, ताआ निर्णय ठीक अने खोरो होय.”

प्रकाशितवाक्य 19:10

तेहलाम आय तियाहा नमन कोइला कोअता तियाआ गुडापो पोडीत गोइयु जागे माहु कोयु, पाला, “एहलो नाहा कोहू, आयताआ अने ताआ पाहीआरी दास होय जो येशुउ साक्ष आपलो कोअता स्थिर होय परमेश्वरोओ दंडवत को” काहाके का साक्ष संदेशाची आत्मा होय.

प्रकाशितवाक्य 2:13

आय ओ ओलखीत्लू का तू तिही रोतलू जीही शैतानो सिहासन होय; तू माआ नावापो स्थिर रोतलू, अने मापो विश्वास कोअल्यानी तियाअ बेनुमे पण फासाडी नाहा ओवयू ज्याआ माय माआ विश्वासयोग्य साक्षी अंतीया, तुमाआ माय तियाआ स्थानापो घात कोअल्यो गोल्यो जीही शैतान रोतलू.

प्रकाशितवाक्य 20:4

ताहरू आय सिहासन देखल्यी, अने तियापो मांहे बोहित गोये, अने तियाहा न्याय कोईत अधिकार आप्लु गोये, आय तियाआ आत्माहा पण पहीले, तियाआ मुंडको येशुउ साक्ष आपलो अने देवाच्या वचनाआ कारनो कोईत वाडीलो गोये ओते, अने जिये पण तियाअ पशुउ, अने तियाआ मूर्तीइ उपासना कोअयी नाहाओती अने न तिया छाप आपाआ निडोपो अने आथोपो लेदि ओती, ते जिवंत होतगोयो ख्रिस्ता आरी हजार वर्ष पर्यंत राज्य कोईत रोल्या,

प्रकाशितवाक्य 8:3

फासाडी एक फासी स्वर्गदूत होना धुपाटना माग्ल्यू आवयू अने वेदीई जागे उबु रोला; अने तियाहा जाअखो धूप आप्यू गोल्यो का आखे पवित्र लोकांची प्रार्थनेच्या आरी, बेनाआ वेदी, उपो, जो सिहासनाच्या आगाडी होय सोडवा.

प्रकाशितवाक्य 9:13

ओमे सहावू स्वर्गदूतांवाही तुरही फुकल्या बेनाआ वेदी जी परमेश्वरा आगाडी होय तियाआ शिंगान मायरोत आय एहेलू शब्द होम्लालू,