प्रकाशितवाक्य 17:8 - नोयरी नोवलू नियम

⁸ तो पशु तू पाल्यू, तो पहीले ताहा ओतु पण ओमे नाहा होय, अने अथाह कुण्ड मेऱ्यो निहित विनाशात पोडी; अने पृथ्वीई रोणारे ज्याआ नाव जुगाआ समया पोरोत जिवताज पुस्तकाम लेखिलो नाहा गोये, या जनावर एए दशा पालीत का पहीले ओतु ओमे नाहा होय फासाडी फासी आवीत जाइअलो आश्चर्य कोआ.

प्रकाशितवाक्य 17:8 Iomraidhean Croise

मत्ती 25:34

तेहलाम राजा आपाआ हाजला आथो वोगऱ्याहा कोय, ओ माआ बाह्हू धन्य माहुमे, आव, तियाअ राज्याआ अधिकारी बन्यो जो जुगाआ पेलेरोत तुमा कोअता बनविल्यो होय.

लूका 10:20

तेबी पण यापो आनंदाम नाहा ओवुहू का आत्माआ तुमाआ वंश माय होय, पण यापोरोत आनंदाम रो का तुमाआ नाव होर्गांम लेखिलो होय.”

लूका 8:31

ते तियाहा विनंती कोहू लागाडीत का तियाहा अधोलोक कुण्ड मेहे जाऊ आज्ञा मा आपिही.

युहन्ना 17:24

ओ माआ ओबा, जे मांहे तू माहु आप्लु होय माआ इच्छा होय का जीही आय होय तीही तुमु ते पण माआरी रोअलो याकोअता का ते पण माआ गौरवाला पाल्हू सेकेहे जो तू माहु आप्यू होय काहाके ए जग बोनाळीला आपेल तू माहु प्रेम कोल्यु होय.

प्रेरितो काम 15:18

ए गोठी तेज प्रभू कोयो होय जी वर्षानुवर्षे याआ गोठीकोता तो प्रकट कोअत्लू.

इफिसी 1:4

जेहलो तिये आमाहा जुगाआ उत्पतीई पेले तीयाम निवडीत लेधलो का आमू तियाआ जागे प्रेमाम पवित्र अने निर्दोष रोहू जोवे.

तीतुस 1:2

तिया अनंत जीवनोओ आशा उपो जिया शपथ परमेश्वराने जो उठित गोगू शकत नाहा सनातान सी कोअयी होय,

1 पतरस 1:20

तियाआ ज्ञान ताहा जुगाआ उत्पतिच्या पहीले पोरोत होमज्ये ओते पोन ओमे आव शेवटच्या युगामेहे तुमाआ याकोअता प्रगट ओयो.

प्रकाशितवाक्य 11:7

जाहा ते आपाआ साक्ष आपित बोह्ये, तो पशु अथाह कुण्ड नीही, तियाआ आरी लोळाई कोईत तियाहा जिकीत लेही अने तियाहा माईत टाकही.

प्रकाशितवाक्य 17:11

जो पशु पहीले ओतु, अने ओमे नाहा होय, तो खुद ओर होय अने तियाअ सातीन माय उत्पन्न ओवयू विनाशात पोडी.

प्रकाशितवाक्य 17:2

ज्याआ आरी पुथ्वीच्या राजांई व्याभिचार कोअयु; अने पृथ्वीइ रोहिलो तिया व्याभिचार हारखी मदिरा आरी मस्त उवनारा गोये ओते.

प्रकाशितवाक्य 20:10

तियाहा भटकाडनारू शैतान आग अने गंधकाच्या झील मेहे, ज्याम तो श्वापद अने ठोग संदेष्टा पोन होय टाक्ये जानारू; अने ते रातेन दीही कायम पिडामेह तोडपितू रोय.

प्रकाशितवाक्य 20:12

फासाडी आय हानू वोडो आखे मोल्यो तीहीरोते राजासना आगाडी उभे पालील्यो, अने पुस्तके उघाडित गोयी; ईजि फासी एक पुस्तक उघाडित गोयी, म्हणजे जीवनोओ पुस्तक; अने जेहलो तियाअ पुस्तकाम लेखिलो ओते, तेहलूज तियाआ का मापोरोत मोल्यो तीहीरोते न्याय मिल्यू.

प्रकाशितवाक्य 20:15

अने कोडा नाव जीवनाआ पुस्तकाम लेखाल्या नाहा जोडल्यो ते आगीई झील मेहे टाकी देदु.

प्रकाशितवाक्य 3:10

तू माआ धीराचे वचन उबेराखेहे होय, याकोअता आय पण ताहु परीक्ष्याच्या तियाअ वेले वासाडीत न मेक्ल्ये जो धोरती उपो रोणारे पारखिलो याकोअता आखा जुगोपो आविलो होय.

प्रकाशितवाक्य 3:5

जो जय मिलवीही तियाहा याआ प्रकारे धवले कापडे काल्ये जाइअलो, अने तो तियाआ नाव जीवनाआ पुस्तकामेहे कोडला रीतीवाही नाहा फूसील नाहा पण तियाआ नाव आपाआ बाह्हू अने तियाआ स्वर्गदूताआ एक सारखो मानीत उवे.