प्रकाशितवाक्य 16:5 - नोयरी नोवलू नियम

⁵ तेहलाम आय पाअयोंआ स्वर्गदूतोओ कोत्ले ताहा होमल्यु, “ओ पवित्र, जो होय अने जो ओतु, तू न्याय कोअनारा होय अने तूच ओ न्याय कोअयु.

प्रकाशितवाक्य 16:5 Iomraidhean Croise

युहन्ना 17:25

ओ धोर्मी ओबा, जग ताहु उलखित्लू नाहा परंतु आय ताहु ओलख होय अने माआ शिष्य ओलखीत का तू माहु मोक्ल्यीत होय.

रोमि 2:5

पोन तू आपाआ कठोरपणाने अने एकदम मोनोमेहे कारनोवाही तियाआ क्रोधाअ दिहोकोअता ज्याम परमेश्वरोओ खोरो न्याय प्रगट उवे, आपाहा राग मेलविलो होय.

रोमि 3:5

याकोअता केधी आमाआ अधर्म परमेश्वरोओ धार्मिकता होय ताहा आमाहा नाहाकोत कोहू? नाहाकोत ओच का परमेश्वर जो राग कोअत्लू जुलूम कोअनारो होय? (ओ ताहा आय मांहाहा रीतीवाही कोयु होय)

प्रकाशितवाक्य 1:4

योहान त्यापोरोत आशियातिल सात मंडळी नावे त्यापोरोत जो होय अने जो ओतु अने जो आविलो होय; अने तियाआ सात आत्मा वोलरोत जे तियाआ सिहासना आगाड़ी होय,

प्रकाशितवाक्य 1:8

प्रभू परमेश्वर जो होय अने जो ओतु अने जो आविलो होय, जो सर्वशक्तीमान होय, ओ कोत्लू, आय अल्फा अने ओमेगा होय.

प्रकाशितवाक्य 11:17

ओ आखू लागाडीत, “ओ सर्वशक्तीमान प्रभू परमेश्वर, जो होय अने जो ओतु आमाहा ताआ धन्यवाद कोअत्लू का तू आपाआ वोडी सामर्थ्याआ कामोम लेतआवीत राज्य कोल्यु होय.

प्रकाशितवाक्य 16:4

तिसरु स्वर्गदूत तिया कोटोरू खाडी अने पाअयोंआ झऱ्या उपो रेसव्यू, अने ते रक्त बोणीत गोये

प्रकाशितवाक्य 16:7

काहाके आय वेदी त्यापोरोत ओ शब्द होम्लालू, “होय, ओ आखे सर्वशक्तीमान प्रभू परमेश्वर, ताआ निर्णय ठीक अने खोरो होय.”

प्रकाशितवाक्य 19:2

काहाके का तियाआ निर्णय खोरो अने ठीक ओत तीया वोडा वेश्याच्या, जी आपाआ व्यभिचाराने पृथ्वीही भ्रष्ट कोईत ओते, न्याय कोअयु अने तियाहा आपाआ दासोओ रक्ताआ बदलू लेदो होय.

प्रकाशितवाक्य 4:8

चारू जोनावारा सहा-सहा पंख होय, अने चारीपो अने जागे डोआजे डोआं होय; अने ते रात्रन दीही बिना आराम लेत ओ कोत रोत्ले, पवित्र, पवित्र प्रभू देवा, सर्वशक्तीमान, जो ओतु अने होय अने जो आविलो होय.

प्रकाशितवाक्य 6:10

तिये वोडो शब्दामे आयडीत कोयु, “ओ स्वामी, ओ पवित्र अने खोरो; तू कोयो पर्यंत न्याय नाहा?” अने पृथ्वीई रोणारारी आमा रक्ताआ बदलू कोयो पर्यंत नाहा लेही?