प्रकाशितवाक्य 15:4 - नोयरी नोवलू नियम

⁴ ओ प्रभू, कोड़ो ताहु नाहा बित अने ताआ नावाआ गौरव नि कोए काहाके का फक्त तांहुज पवित्र होय आखे जाती आवीत ताआ आगाडी नमन कोअही, काहाके का ताआ न्यायाआ काम प्रगट उवे होय.”

प्रकाशितवाक्य 15:4 Iomraidhean Croise

रोमि 15:9

अने अन्यजाति पण विसारोओ दया परमेश्वरोओ स्तुती केहेलो कोये लेखिलो होय, “याकोअता आय जातीई-जातीई माय ताआ धन्यवाद कोअनारू, अने ताआ नावाआ भजन गावीही”

1 पतरस 1:16

काहाके लेखिलो होय, “पवित्र बन्यो, काहाके आय पवित्र होय”

प्रकाशितवाक्य 11:15

जाहा सातवा स्वर्गदूताहावाही तुरही वाजाडीते तेहलाम होर्गांम आव विषयाहा वोडो-वोडो शब्द आवी लागाडीत जगोआ राज्य आमा प्रभूऊ अने तिया ख्रिस्ताचे होय अने ते कायम राज्य कोअनारू.

प्रकाशितवाक्य 14:7

तिये वोडा शब्दावाही कोयु, “परमेश्वरोहो बीहा अने तियाआ गौरव को, काहाके का तियाआ न्याय कोअला वेल आवीत गोयी; अने तियाआ उपासना को, जीयाहा होर्गा अने धोरती अने दर्याआ झीर बोनाव्युहू.”

प्रकाशितवाक्य 16:5

तेहलाम आय पाअयोंआ स्वर्गदूतोओ कोत्ले ताहा होमल्यु, “ओ पवित्र, जो होय अने जो ओतु, तू न्याय कोअनारा होय अने तूच ओ न्याय कोअयु.

प्रकाशितवाक्य 16:7

काहाके आय वेदी त्यापोरोत ओ शब्द होम्लालू, “होय, ओ आखे सर्वशक्तीमान प्रभू परमेश्वर, ताआ निर्णय ठीक अने खोरो होय.”

प्रकाशितवाक्य 19:2

काहाके का तियाआ निर्णय खोरो अने ठीक ओत तीया वोडा वेश्याच्या, जी आपाआ व्यभिचाराने पृथ्वीही भ्रष्ट कोईत ओते, न्याय कोअयु अने तियाहा आपाआ दासोओ रक्ताआ बदलू लेदो होय.

प्रकाशितवाक्य 19:8

तियाहा शुद्ध अने चंमकीनारो तागाचे मलमल कापडे कालीलोओ अधिकार आप्यू गोल्यो, का तिया महान मलमलचा अर्थ पवित्र मांहोओ धार्मिक काम होय.

प्रकाशितवाक्य 3:7

फिलादेल्फिया मंडलीई स्वर्गदूतोहो लेखे जो पवित्र अने खोरो होय अने जो दाविदाआ किल्ली मेकोहो, ज्याआ उघाडल्य कोडु बंद नाहा कोहू शकत अने बंद कोअल्याहा कोडु उघाडेहे शकत नाहा, तोओ कोत्लू का

प्रकाशितवाक्य 4:8

चारू जोनावारा सहा-सहा पंख होय, अने चारीपो अने जागे डोआजे डोआं होय; अने ते रात्रन दीही बिना आराम लेत ओ कोत रोत्ले, पवित्र, पवित्र प्रभू देवा, सर्वशक्तीमान, जो ओतु अने होय अने जो आविलो होय.

प्रकाशितवाक्य 6:10

तिये वोडो शब्दामे आयडीत कोयु, “ओ स्वामी, ओ पवित्र अने खोरो; तू कोयो पर्यंत न्याय नाहा?” अने पृथ्वीई रोणारारी आमा रक्ताआ बदलू कोयो पर्यंत नाहा लेही?