प्रकाशितवाक्य 15:2 - नोयरी नोवलू नियम

² तेहलाम आय आग जडल्यो एक खाचो सार्खू एक दर्या पाल्यू; अने जे मांहे तियाअ श्वापद अने तिया मूर्तीपो अने तियाआ नावाआ अंकावर जयवंत उवे ओते, तियाहा तियाअ खासोओ समुद्राआ जागे परमेश्वरोओ विना लेदलो उभे पालील्यो.

प्रकाशितवाक्य 15:2 Iomraidhean Croise

मत्ती 3:11

“आयताहा तुमाहा पायोंवाही पश्चातापाचा बाप्तिस्मे आपोहो पण माआ नंतर जो आवीत होय, तो मारोत ऐतू सामर्थी होय का आय तियाआ चप्पल विसुंहु पण योग्य नाहा. तो स्वतः तुमामे पवित्र आत्मावांहि अने आगीवाही बाप्तिस्मे आपी.

1 पतरस 1:7

अने ते याकोअता होय का तुमाआ पारखिलो विश्वास, जो आगीवाही नाश उवानारो होनोरोत जाखा मूल्यवान होय, येशु ख्रिस्ताआ प्रगट होय प्रशंसा अने गौरव अने मान याहा कारणी उवे.

1 पतरस 4:12

ओ प्रियांनो, जे दु:ख रूप आग तुमामे पारखिलो याकोअता तुमापो आवयी होय, याही रोत ओ होमजीत नवल नाहा कोहू का अनोळखाती नाऐ गोठी तुमापो आरदज आवयी होय.

प्रकाशितवाक्य 12:11

ते कोकऱ्याच्या रक्ताआ अने आपाआ साक्षच्या वचनाआ कोईत तियाआ उपो जयवंत उवे, अने तिये आपाआ जीवोहो प्रिय नाहा जाअये, इही पर्यंत का मोईतगोल्यू पण सहन कोअयु.

प्रकाशितवाक्य 13:1

तेहलाम आय एक पशु समुद्रामे रोत निकलीत्ले पालील्यो, ज्याआ दहा हिगे अने सात मुंडको ओते, तियाआ शिंगापो दहा मुगुट, अने तियाआ मुंडकापो देव निंदात्मक नावे लेखली ओती.

प्रकाशितवाक्य 13:14

तियाअ चिंन्हाच्या कारनो कोईत, ज्याहा तिया पशुउ आगाडी देखाडीलो अधिकार तियाहा आप्लु गोये ओते, तो धोरतीपो रोणाराहा ढगवत ओतु अने धोरतीपो रोणाराओ कोयु ओतु का ज्या पशुउ तलवार लागीई ओती तो जिवंत ओवयू होय, तियाआ मूर्ती बोनाडा.

प्रकाशितवाक्य 13:17

का तियाहा सोडीत ज्यापो खून म्हणजे तियाअ पशु नाव किंवा तियाआ नावाआ संख्याआ होय, त्याशिवाय कोडु आपलो मिकिलो न कोहू सेकेहे.

प्रकाशितवाक्य 21:18

तियाआ तट यास्पे रत्नाचा बोल्यू ओतु, अने नगर एहला शुद्ध हुनो ओतु जे साफ काचे सारखो ओते.

प्रकाशितवाक्य 4:6

अने आव राजासना आगाडी स्फटिकासारखा खाचोओ दर्या होय राजासणाच्या माय अने राजासनाच्या चारीपो चोर प्राणी होय, ज्याआ आगाडी फासाडी डोआजे डोआं होय.

प्रकाशितवाक्य 5:8

जाहा तिये पुस्तक लेत लेधलो, ताहा ते चारू प्राणी अने चोवीशे प्राचीन तियाअ कोकऱ्याच्या आगाडी पोडीत गोये तियाआ मायरोत आखाआ आथोमेहे विना, अने धूप, जी पवित्र लोकांची प्रार्थना होय, बोल्या बेनाआ धुपाटनी ओती.