प्रकाशितवाक्य 12:4 - नोयरी नोवलू नियम

⁴ तियाआ शेपटीवाही जुगोमेरयो ताऱ्याची एक तृतीवंश ला उडीते धोरतीपो टाकीत आप्यू तो अजगर तियी बुई च्या आगाडी जो तिया आगाडी उबु रोला का जांहा ती पोऱ्यो हुदरीयोहो ताहा तियाअ पोऱ्याहा गीइत लेय.

प्रकाशितवाक्य 12:4 Iomraidhean Croise

युहन्ना 8:44

तुमु आपाआ बाह्हू शैतानाआ पोऱ्ये होय अने तुमु आपाआ बाह्हा इच्छेवही सालन्याआ प्रयत्न कोईत होय तो सुरवातीरोत खुनी होय अने तिये वाटेए बाजू केधी लेदि नाहा काहाके तीयाम खोराआ दाणुजा नाहाजांहा तो खोटो गोगत्लू तेहलाम तो सहज भावनावाही गोगीत रोतो काहाके तो ठोग होय अने आखे खोटाहा जोल्मो आपोहो.

1 पतरस 5:8

सावध रो, अने जागतू रो; काहाके तुमाआ विरोध कोनारो शैतान गोरोजनारो सिहा होस आव होदिला मेहे रोतलू का कोडाआ फाडीत खाही.

प्रकाशितवाक्य 12:7

फासाडी होर्गोम लोढाई उवी, मिखाएल अने तियाआ स्वर्गदूत अजगर आरी लोढाई ला निकलीलू अने अजगर अने तियाआ दूत त्याआरी सुलाइलो,

प्रकाशितवाक्य 12:9

तेहलाम तो वोडू अजगर, अर्थात तोज जुनो हाप जो दिव्याबल अने शैतान कोयु जात्लू अने आखा जगाआ ठोगणारू होय, धोरतीपो पोडीत टाकिला आवयू, अने तियाआ दूत तियाआ आरी पोडीत टाकिला आव्ये.

प्रकाशितवाक्य 13:2

जे पशु आय पालील्यो ते चित्या सारिखे ओते; अने तियाआ गुडू रीसडा सारखे ओते, अने सोब सिंहाआ सभिकोते ओते तियाअ अजगरोओ आपाआ शक्ती अने आपाआ सिहासन अने वोडो अधिकार तियाहा आप्लु.

प्रकाशितवाक्य 13:4

माहु अजगरोओ पूजा कोअयी, काहाके तिये श्वापद आपाआ अधिकार आप्लु, अने ओ कोत पशुउ उपासना कोअयी, “या पशु सारखो कोडू होय? कोडू याआरी लडू शकतो?”

प्रकाशितवाक्य 16:13

ताहरु आय तिया अजगरो सोबिमरोत, अने तिया पशु सोबिमरोत, अने तिया झुटो संदेष्ट्याआ तोडून तीन अशुद्ध आत्माहा डेटकाआ रुपात निहीलावेले पालील्यो.

प्रकाशितवाक्य 17:18

ती बुई, जीही तू पालील्यो होय, तो वोडू नगर होय जो धरतीई राजासनापो होय.

प्रकाशितवाक्य 20:2

तिये तिया अजगर, म्हणजे सुन्या सापाला, जो दियाबल अने शैतान होय, तोईत हजार सालो कोअता बांदी देदु,,

प्रकाशितवाक्य 8:10

तिसऱ्या स्वर्गदूतांवाही तुरही फुकल्या; अने एक वोडू तारू जो मशाल सारखू पेटात होर्गामरोत टूटी गोयो, अने खाडीइ एक तृतीवंश उपो अने पाअयोंआ सातींवर आवित पोड्यू.

प्रकाशितवाक्य 8:11

तिया ताऱ्याचे नाव नाग्दैना होय, अने एक तृतीवंश पाई नाग्दैना कोडवो ओत गोल्यो, अने ईस्तेज मांहे पाई कोडवो ओवलो सी माईत गोये.

प्रकाशितवाक्य 8:12

चौथो स्वर्गदूतनी तुरही फुकल्या, अने दिहोओ एक तृतीवंश, अने चांदोओ एक तृतीवंश अने ताराआ एक तृतीवंश उपो आपत्ती आवयी, ईहि पर्यंत का तियाआ एक तृतीवंश जागू आंदारो ओवयू अने दिहाआ एक तृतीवंश माय उजालो नाहा रोला, अने तेहलूज रात मेहे बी.

प्रकाशितवाक्य 8:7

पहीले स्वर्गदूतोवाही तुरही फुकल्यु, अने रक्तानी मिल्योहो गारे अने आगी उत्पन्न उवे, अने पृथ्वी पोओ एक तृतीअंश बोलीते गोल्यो, अने साडोओ एक तृतीअंश बोलीते गोल्यो, अने आखे निलो खोड पण बोली गोये.

प्रकाशितवाक्य 8:8

दिहरा स्वर्गदूतांवाही तुरही फुकल्या, ताहा नाहा आग सारखू पेटात्लू एक वोडू टेंबु समुद्रामे टाकायू; अने समुद्राचा एक तृतीवंश रक्त ओत गोयो,

प्रकाशितवाक्य 8:9

अने एक तृतीवंश प्राणी माईत गोये, अने एक तृतीवंश जहाज नष्ट ओत गोये.

प्रकाशितवाक्य 9:10

तियाआ शेपूट विसीई हारखी ओते अने तियाआ नांगी ओती, अने तियाहा पाच मोयनु पर्यंत मांहाहा दु:ख द्यायची जी शक्ती जोड़ी ओती, ते तियाआ सेपटाम ओती.

प्रकाशितवाक्य 9:19

काहाके का तिया गोदडाआ सामर्थ्य त्याआं सोब अने तियाआ शेपटी माय ओते याकोअता का तियाआ हापा हारखी ओती, अने तियाअ शेपटी वालू मुंडको ओते अने त्यावाहीज ते पीडा आपते ओते.