प्रकाशितवाक्य 12:11 - नोयरी नोवलू नियम

¹¹ ते कोकऱ्याच्या रक्ताआ अने आपाआ साक्षच्या वचनाआ कोईत तियाआ उपो जयवंत उवे, अने तिये आपाआ जीवोहो प्रिय नाहा जाअये, इही पर्यंत का मोईतगोल्यू पण सहन कोअयु.

प्रकाशितवाक्य 12:11 Iomraidhean Croise

लूका 14:26

जर मा आहने कोडोबी आवीत होय अने आपाआ याह्हीही, बाहापो लाडी अने पोऱ्ये, आपाआ पाही अने बोईहही अने इहिंजा का आपाआ जीवनाहा मांपोरोत जाखा प्रेम कोअत्लू, ताहा तो माआ शिष्य ओवुहू शकत नाहा,

युहन्ना 16:33

आय ए गोठी तुमामे याकोअता कोल्यी का तुमामे मामेह शांती जोडीत जगात तुमामे त्रास होय, पोन धीर तोआ आय जगाला जीक्यू होय.

प्रेरितो काम 20:24

पोन आय आपाआ जीवोहो किबी नाहा होमजाडीत का तियाहा प्रिय माणू नाहा ताहा ओ का आय आपाआ गुगदिला अने तियाअ सेवेला पुरो कोहू जी आय परमेश्वरोओ कृपेणे सुवार्तेपो साक्ष आपलो कोअता प्रभू येशु त्यापोरोत मिलवी.

प्रेरितो काम 21:13

पोन पौलाने उत्तर आप्लु, तुमु नाहाकोत कोअता का रोडीत-रोडीत माआ मोन दुखात्ले? आयताहा प्रभू येशुउ नावाकोअता यरुशलेमाहा नाय ताहा बांधण्या कोअता म्हणजे मयलाकोता पण का तीयार होय.

रोमि 16:20

शांतीचा देव शैतानाहा तुमाआ गुडानिसे वेगुज तडवी आपूह प्रभू येशु ख्रिस्ताची कृपा तुआ होय.

1 कुरिन्थि 15:57

पोन परमेश्वरोओ धन्यवाद होय जे प्रभू येशु ख्रिस्ता वाईही आमाहा विजय मिलवीत आपोहो.

1 यूहन्ना 4:4

हे पोऱ्या, तुमु परमेश्वरोओ होय, अने तुमु तियापो जय मिलन्ये होय; काहाके की जे तुमाआ माय होय ते त्यापोरोत जे जगुमे होय, वोडू होय.

1 यूहन्ना 5:5

संसारो पोओ जय मेलविणारा कोडू होय? फक्त तो ज्याआ ओ विश्वास होय का येशु परमेश्वरोओ पोऱ्या होय.

प्रकाशितवाक्य 1:2

जिये परमेश्वरोओ वचन अने येशु ख्रिस्ताची साक्ष, अर्थात जे किबी तिये पहीले ओते तियाआ कक्षी आप्यी.

प्रकाशितवाक्य 1:9

आय योहान, जो तुमाआ पाही अने येशुउ त्रास अने राज्य अने धीर मेहे आय तुमाआ सहभागी होय, परमेश्वरोओ वचन अने येशुउ साक्षीआ कारण पतमुस नावोओ बेटाम ओतु.

प्रकाशितवाक्य 11:7

जाहा ते आपाआ साक्ष आपित बोह्ये, तो पशु अथाह कुण्ड नीही, तियाआ आरी लोळाई कोईत तियाहा जिकीत लेही अने तियाहा माईत टाकही.

प्रकाशितवाक्य 12:17

तोये अजगर स्त्रीवर क्रोधीत ओवयू अने तीआ शेष सोए, जे परमेश्वरोओ आज्ञाहा मानत्लू अने येशु ची साक्ष आपलो स्थिर होय,

प्रकाशितवाक्य 19:10

तेहलाम आय तियाहा नमन कोइला कोअता तियाआ गुडापो पोडीत गोइयु जागे माहु कोयु, पाला, “एहलो नाहा कोहू, आयताआ अने ताआ पाहीआरी दास होय जो येशुउ साक्ष आपलो कोअता स्थिर होय परमेश्वरोओ दंडवत को” काहाके का साक्ष संदेशाची आत्मा होय.

प्रकाशितवाक्य 2:13

आय ओ ओलखीत्लू का तू तिही रोतलू जीही शैतानो सिहासन होय; तू माआ नावापो स्थिर रोतलू, अने मापो विश्वास कोअल्यानी तियाअ बेनुमे पण फासाडी नाहा ओवयू ज्याआ माय माआ विश्वासयोग्य साक्षी अंतीया, तुमाआ माय तियाआ स्थानापो घात कोअल्यो गोल्यो जीही शैतान रोतलू.

प्रकाशितवाक्य 2:17

ज्याआ कान होय तो होमलित घेवो का आत्माआ मंडळीही कि कोत्लू जे जय मिलवीही तिया आय गुप्त मन्ना मधून आपही, ओमे तियाहा एक धव्लू डोणो पण आपही; अने तियाअ डोणोपो एक नाव लेखाल्या होय, ज्याहा तियाआ मिलविनाराहा शिवाय अने कोडूच ओलखीही नाहा.

प्रकाशितवाक्य 2:26

जो जय मिलवीही माआ कामाआ नुसार आखिर पर्यंत कोईत रोही, आय तियाहा जाती जातीई माहाहूपो अधिकार आपही,

प्रकाशितवाक्य 2:7

ज्याआ कान होय तो होमलित घेवो का आत्माआ मंडली कि कोत्लू जे जय मिलवीही, आय तियाहा जीवनाआ साडोमे रोत जे परमेश्वरोओ स्वर्ग लोकामेहे होय, फोल खाहुं आपही.

प्रकाशितवाक्य 20:4

ताहरू आय सिहासन देखल्यी, अने तियापो मांहे बोहित गोये, अने तियाहा न्याय कोईत अधिकार आप्लु गोये, आय तियाआ आत्माहा पण पहीले, तियाआ मुंडको येशुउ साक्ष आपलो अने देवाच्या वचनाआ कारनो कोईत वाडीलो गोये ओते, अने जिये पण तियाअ पशुउ, अने तियाआ मूर्तीइ उपासना कोअयी नाहाओती अने न तिया छाप आपाआ निडोपो अने आथोपो लेदि ओती, ते जिवंत होतगोयो ख्रिस्ता आरी हजार वर्ष पर्यंत राज्य कोईत रोल्या,

प्रकाशितवाक्य 3:12

जो जय मिलवीही तियाहा आय आपाआ परमेश्वरोओ मंदिराम माय एक खांबु बोनाविही, अने तो फासाडी केधी बारथे नाहा नीही; अने आय आपाआ परमेश्वरोओ नाव अने आपाआ परमेश्वरोओ नगर अर्थात नवो यरुशलेम तियाआ नाव, जो माआ परमेश्वराच्या जागेरोत होर्गामरोत उतरीही होय, अने आपाआ नवो नाव तियापो लिखिलो.

प्रकाशितवाक्य 3:21

जो जय मिलवीही तियाहा आय माआआरी माआ सिहासनापो बोहाडे, जेहलो आय पण जय मिलवीत आपाआ बाह्हा आरी तियाआ सिहासनापो बोहित गोल्यो.

प्रकाशितवाक्य 3:5

जो जय मिलवीही तियाहा याआ प्रकारे धवले कापडे काल्ये जाइअलो, अने तो तियाआ नाव जीवनाआ पुस्तकामेहे कोडला रीतीवाही नाहा फूसील नाहा पण तियाआ नाव आपाआ बाह्हू अने तियाआ स्वर्गदूताआ एक सारखो मानीत उवे.

प्रकाशितवाक्य 6:9

जाहा तिये पाचवी शिक्के उगडाव्यी, ताहा आय वेदीई निसे तियाआ जीवाह पालील्यो जे देवाच्या वचनाआ कारनो कोईत अने तियाअ साक्षच्या कारनो कोईत जी तियाआ आप्लु ओती घात कोअल्यो गोये.