प्रकाशितवाक्य 11:12 - नोयरी नोवलू नियम

¹² तेहलाम तियाहा होरगापोरोत एक वोडू शब्द होमलायू, “इही उसे आवा” ओ होमलीत ते वादलापो बोहित आपाआ वैऱ्यी पालता-पालता स्वर्गापो सोडवीत गोये.

प्रकाशितवाक्य 11:12 Iomraidhean Croise

लूका 16:23

अधोलोक जांहा तोडपित ओतलू जाहा तिये आपाआ डोआं उपो कोअयी तेहलाम आब्राहम जाखो सेटे देखाहे ओतु परंतु तिये लाजराहा तियाआ गोदमध्ये पालील्यो.

प्रेरितो काम 1:9

ओ कोत तो तियाआ डोळ्या देखताआ उपो लेदो गोयु एने ढगाआ तियाहा तियाआ डोआ आगाडीरोत निकाडीत लेधलो.

1 थिस्लोनी 4:17

तेहलाम आमू जे जिवंत होय त्याआरी मेघाआरी उचलेले जाऊ का अंतरात प्रभूहु मिलुहु अने यावाही आपु हरेक टेमे प्रभू आरी रोहू.

प्रकाशितवाक्य 12:5

ती पोऱ्या खाली पोडली जो लोखंडाचा राजदंड लेत आखे जाती त्यापो राज्य कोईलापो ओतु, अने ते पोऱ्यो एकाएक परमेश्वरा जागे अने तियाआ सिहासना जागे विसित पुगाड्या;

प्रकाशितवाक्य 3:21

जो जय मिलवीही तियाहा आय माआआरी माआ सिहासनापो बोहाडे, जेहलो आय पण जय मिलवीत आपाआ बाह्हा आरी तियाआ सिहासनापो बोहित गोल्यो.

प्रकाशितवाक्य 4:1

आव गोठीइ फासाडी जी नजर कोअयी ताहा कि पालत्लू का होर्गांम एक दरवाजू उगडालू होय, अने ज्याहा आय पहीले वानिई शब्दामे आपाआ आरी गोठी कोअत्लू तेहलाम होमल्यु ओते, तो कोत्लू, “इही उसे आवीत जा; अने आय तियाअ गोठी ताहु देखाडनारू, ज्याआ आव गोठीइ फासाडी पुरो उवे गरजेए होय.”