युहन्ना 3:2 - नोयरी नोवलू नियम

² तिया तो राती येशुउ जागे आवीत तियाहा कोयु, ओ गुरुजी, आमाहा मालुम होय का परमेश्वारापोरोत गुरु होतगोयो आवयू होय, काहाके कोडु आव चिन्ह जे तू देखाडत्लू, जर परमेश्वर तियाआ आरी नाहा ताहा नाहा हिकवीही शकत.

युहन्ना 3:2 Iomraidhean Croise

मत्ती 22:16

फासाडी तिये आपाआ शिष्याआ हेरोदाहा आरी तियाआ जागे ओ कोहू मोक्ल्यीत ओ गुरु, आमाहा जानिलो होये का तू खोरो होय, अने परमेश्वरोओ मार्ग खोरो हिकाडत्लू, अने कोडाआज फिकीर की, काहाके तू मांहाआ सोब पालीत गोठी नाहाकोईत.

मत्ती 23:7

अने बाजारामे सन्मान मिलविलो अने मांहुपोरोत गुरु कोईत लेअलो तियाहा प्रिय लागेहे.

मत्ती 23:8

पण तुमु गुरुजी कोडु नाहा काहाके तुमाआ एकाच गुरु होय अने तुमु आखे पाही होय.

मरकुस 12:14

ते आवीत तियाहा कोयु, “ओ गुरु, आमाहा मालुम होय का तू खोरो होय, अने कोडाआज फिकीर कोईत नाहा; काहाके तू मांहाआ सोब पालीत गोठी नाहाकोईत, परंतु परमेश्वरोओ मार्ग खोरो डोआवाही देखाडत्लू ताहा नाहाकोत कैसराहा कर आपलो योग्य होय काहा नाहा?

युहन्ना 1:38

येशु लेतजा वोलीत तियाहा फासाडी आवातल्या पालील्यो अने तियाहा कोयु तुमु कोडाआ होदिअलो होय “तिये तियाहा कोयु, ओ रब्बी (अर्थात गुरु) तू कोठे रोतलू?”

युहन्ना 10:38

पोन जर आय माआ बाहाआ काम कोईत होय ताहा जर तुमु मापो विश्वास कोईत नाहा ताहा तियाअ कार्यापो ए विश्वास को ज्यापो तुमु ओ अनुभव कोहू सेकेहे अने ओलखुहू शकहू का माआ बाह्हू मामेह होय अने माआ बाह्हामे आय होय.

युहन्ना 12:37

तिये तियाआ आगाडी एहलो चिन्ह देखाये, तेबी तिये तियापो विश्वास कोअयु नाहा;

युहन्ना 14:10

कि तू विश्वास नाहाकोईत का आय बाह्हा माय होय अने बाह्हू माआ माय होय ए गोठी आय ताहु कोत्लू, माआ त्यापोरोत नाहा कोहू शकत, परंतु बाह्हा माआ मायरोत तियाआ काम कोअत्लू.

युहन्ना 15:24

जर आय तीयाम ते काम कोल्यु कायना ओतो जे कोडु कोल्यु नाहा ताहा ते पापी ठरव्येहे कायना ओतो; पण ओमे तिये माहु अने माआ बाह्हाहा बेनुहू पालील्यो अने बेनुआरी द्वेष कोअयु.

युहन्ना 2:11

येशु गालील च्या काना गावून पालील्यो आश्चर्य काम कोईत आपाआ गौरव प्रकट कोअयी जीयाद्वारे तियाआ शिष्यांनी तियापो विश्वास कोअयु.

युहन्ना 20:16

येशु तीही कोयु, “मरिया” ती फासाडी वोलीत तियाहा इब्री माय गोगल्यी, “राब्बुनी” अर्थात ओ गुरुजी,

युहन्ना 3:26

अने ते योहानाही आविलो तियाहा कोयु, “ओ गुरुजी, जो माहहू यरदोनो जागे ताआ आरी ओतु, अने ज्याआ साक्ष आप्यी ओती; पाला, ते बाप्तिस्मे आपित, अने आखे जोओ तियाआ जागे आवत्ले.”

युहन्ना 4:31

याआ माय तियाआ शिष्यांनी येशु ला ए विनंती कोअयी, “ओ रब्बी, किबी खातले.”

युहन्ना 5:36

पोन मांही जी साक्ष होय ती योहानाआ साक्ष पेक्षा वोडी होय काहाके जे काम बाह्हू माहु पुरो कोइला कोअता होपण्ये होय कोअतीज ओ काम जे आय कोअत्लू ते माआ साक्ष होय का बाह्हू माहु मोक्ल्यीत होय.

युहन्ना 6:2

अने एक वोडी गोर्दी तिया फासाडी आवहू लागीई काहाके आश्चर्य काम बिमारीवालापो तो देखाडीत ओतु तियाहा तो पालीत ओतु.

युहन्ना 7:31

तेबी पण गर्दीमेहे केते माहुहु तियापो विश्वास कोअयु अने कोहू लागाडीत, “ख्रिस्त जांहा आविलो ताहा नाहाकोत यांपोरोत जाखो आश्चर्य काम देखाडीही जे इये देखाडीलाआ?”

युहन्ना 9:16

यापोरोत किबी परुसी कोहू लागाडीत, “ओ मांहु देवापो नाहा, काहाके ओ शब्बाथाचा दीही नाहा मानीत.” दिहरावाही कोयु, “पापी मांहु एहलो चिन्ह केहलो देखाडहु शकतो?” आखरी तीयाम फुटी पोडीत गोयी.

प्रेरितो काम 10:38

परमेश्वराने कोडला रीतीवाही येशु नासरीच्या पवित्र आत्माआ अने सामर्थ्यावाही अभिषेक कोअयू सत्कर्मे कोअत्लू अने आखाहा शैतान जे त्रास आप्लु ओते, हाजो कोईत फिर्यु, काहाके परमेश्वर तियाआ आरी ओतु.

प्रेरितो काम 2:22

ऐ इस्राएल, ओ गोठी होमला येशु नासरेथ, एक मांहु ओतु ज्याकोईत देवापो ओनारो प्रमाण तियाअ अदभूत काम अने चिन्हानाकी प्रगट होय, जे देवूही तुमामे तियाआ व्दारे मेलीते देखाये जे तुमामे मालुम होय.

फिलिप्पी 1:14

अने प्रभू मेहे जो पाही, तीयामरोत अधिकतर माआ कैद मेहे होय कोईत धीरावाही परमेश्वरो सुवार्ता निर्भयतावाही कोयु ओते.