इफिसी 5:3 - नोयरी नोवलू नियम

³ जेहलो पवित्र महुअ योग्य होय, तेहलूज तुमामे जारकर्म अने कोडनीबि प्रकारोओ अशुध्द काम किंवा लोभाश्या चर्चा बी उवूंहू नाहा,

इफिसी 5:3 Iomraidhean Croise

मत्ती 15:19

काहाके मोनामेहे रोतुच वाईट विचार खून व्यभिचार, जारकर्मे, चोरी, झूठी साक्ष अने निंदा ए निह्तले.

लूका 12:15

तो तियाहा कोयु, “सावध रो, अने हर एक प्रकारोओ लालासापोरोत आपाआ खुद ला वासाडीत मेका; काहाके कोडाआ जीवोन तियाआ धन पोरोत रोत नाहा”

लूका 16:14

ओमे जांहा लोभी पुजारी परुश्यांहि ओ होमल्यु, तेहलाम तिये येशुउ जाखो मजाक कोअयी.

प्रेरितो काम 15:20

पोन जर आमाहा तियापो लेखित मोकलित का मूर्तीपोरोत अपवित्र कोयु खायलापोरोत सेटे रोअलो अने व्यभिचारापोरोत सेटे रोअलो गोलु दाबीन माअये गोयल्यु प्राणी याहा माहा खाअहू सेटे रोअलो अने रक्ताआ केधी खाऊ कायना.

प्रेरितो काम 20:33

आय कोडाआ चांदी किंवा होनो किंवा कापडाआ लोभ कोअयु नाहा.

रोमि 1:29

याकोअता ते आखे एह्लाम अधर्म अने खराब पणा लोभ अने वाईट पणा पोअल्ये होय अने हेवा, हत्या, चुलाल्यु, छळ अने इर्ष्यानी ओतगोयु गोये, अने लागाडीलो खरिज,

रोमि 16:2

का तुमु जेहलो का पवित्र माहुंहु जोवे तियाहा प्रभूमे ग्रहण को अने ज्याहा कोडला गोठीमेहे तियाहा तुमाआ गोरोज होय तियाआ मदत करा कारण ते पण जाअखो माहुंहु अने माहु पण उपकाराआ कोनारी रोली.

रोमि 6:13

अने न आपाआ डीलोआ अधर्म साधन फेनिकडे पाप होपा करापण स्वतःहा मोल्यामरोत जिवंत ओवल्यु होमजीत देवोहो होपा को अने आपाआ अवयव नीतीची साधन फेनिकडे देवोहो होपा.

1 कुरिन्थि 10:8

अने आमू व्यभिचार कोईओलो जेहलो तीयाम केताहा कोल्यु अने होमला दिहोम तेवीस हजार मोईत गोये.

1 कुरिन्थि 5:1

इही जाआ होमलुहू आव्यो का तुमु मेहे व्यभिचार बी ओवे ओ एहलो व्यभिचारी जो अन्यजाति मेहे बी ने ओतु होय का एक माइहु आपाआ बाह्हाआ लाडीही राखतु होय.

1 कुरिन्थि 6:13

ओन पेटोकोता अने पेट अन्न कोअता पण परमेश्वर याहा अने तियाहा बेनुहू नाश कोअनारू पण डील व्यभिचारा साठी नाहा पोन प्रभू याकोअता होय अने प्रभू डीलाकोता होय.

1 कुरिन्थि 6:18

व्याभिचारा पासून सेटे रो; जेवडे दिहरे पाप मांहु कोअत्लू ते डीलोओ बारथेए होय पोन व्यभिचार कोअनारू आपाहाज डीलोओ विरोधाम पाप कोअत्लू.

2 कुरिन्थि 12:21

अने एहलो उवूंहू नाहा का माआ परमेश्वर माआ फासी तुमाआ इही आविलो मापो वोझो टाकही अने माहु खूप जनासाठी दुख कोईलो लागे जिये पहीले पाप कोल्यु ओते अने वाईट काम अने व्यभिचार, जारकर्म, जो तिये कोल्यु पश्चाताप कोअयु नाहा.

इफिसी 5:12

काहाके का गुप्त का माहा चर्चा बी लाज गोठी होय.

इफिसी 5:5

काहाके काआ तुमु जाआत्ले कोडु जारकर्मी किंवा अशुध्द जोओ, किंवा लोभी माहांआ, जे मूर्ती पुजिलो आरी होय ख्रिस्त अने परमेश्वरोओ राज्यामेहे वारसा नाहा.

फिलिप्पी 1:27

पोन हर एक प्रकारे एहलो को का तुमाआ वागणुक ख्रिस्त सुवार्ताच्या त्यावाईहि अनुकूल रोअलो ज्याआपोरोत जेबी आय ताआरी आविलो तुमामे पाल्हू किंवा जेबी आय तुमाहाहि रोते सेटेरोत तुमा बारामे ओच होमला का तुमु होमला आत्मा मेहे दृढताने स्थिर ओवुहू अने सुवर्ताआ मदतीवाही निर्माणे उवलो विश्वासा एक ओतगोयु संघर्ष कोईत होय,

कुलुस्सी 3:5

याकोअता का तुमामे जे थोडे धरती होय तिया आखिर कोईत व्यभिचार, अशुद्धता, वासना, वाईट इच्छा, अने लोभीपण जे मूर्ती पूजा होए एक प्रकार होय.

1 थिस्लोनी 4:3

काहाके परमेश्वरोओ इच्छा ए होय का तुमु पवित्र बन्यो, म्हणजे व्याभिचारा रोत सेटा-सेटा,

1 थिस्लोनी 4:7

काहाके परमेश्वरोओ आमाहा अशुद्ध उविला कोअता नाहा ताहा पवित्र उविला कोअता हादिलो होय.

1 तीमुथियुस 2:10

पोन हाजा कानोवाही होबाडू काहाके परमेश्वरोओ भक्ती कोअनाऱ्या बोअयीही ओच योग्य होय.

1 तीमुथियुस 3:3

पियक्कड, अने झगड़ालू कोअनारू नाहा पोन सौम्य अने लोळाई कोअनारू नाहा अने द्रव्य लोभी कायनेते.

1 तीमुथियुस 6:10

काहाके रुपयाह लोभ आखे एहलाम आगेच जानारो मुळ होय ज्याहा मीडवीहे प्रयत्न कोईत-कोईत हर एक माहू विश्वास देखऊ भटकून अनेक दुखो मेहे खुपित लेधलो होय.

2 तीमुथियुस 3:2

काहाके मांहु लोभी, स्वार्थी, डींगमार, गर्व कोअनारू, निंदा कोअनारू, याह्ही बाह्हाआ आज्ञा न माननारे, कृतघ्न, अपवित्र,

तीतुस 1:11

त्याआं सोब बंद कोअला जोवे ऐ मांहे अनीतीई कोमाई याकोअता व्यर्थ गोठी हिकाडीत कोओहो बिगाडीत टाकत्ले.

तीतुस 1:7

काहाके अध्यक्षाहा परमेश्वरोओ कारभारी उविलाआ कारनोवाही निर्दोष रोंहु जोवे; हट्ठी नाहा, खोतलागनारू नाहा, होरू पिनारु नाहा, देनारो नाहा, अने अनीतीने पोशा मेलविणारा कायनेते,

तीतुस 2:3

एहला प्रमाणे डायी बुईही पोन हिकडा का ते पवित्र जाहा योग्य अने उत्तम व्यवहार कोअनाऱ्या उवे निंदा कोअनाऱ्या न बनाविलो, तेहलूज जाखो जाखा द्राक्षरस पिहीलोओ सवय तियाहा कायनाहा, तिया हाजी-हाजी गोठी हिकाडनारी जुवे.

इब्रानि 12:16

एहलो नाहा उवूंहू जोवे का कोडु व्याभिचारी किंवा एसावो सार्खू अधर्मी होय जीआ होमला वेलाआ रोटा कोईते आपाआ ज्येष्ठ पनाओ जागा वेसेत टाक्ये.

1 पतरस 5:2

का देवाआ ती झुंड, जी तुमाआ माय होय हम्बालीलो; अने ओ तेहलो नाहा परंतु देवाआ इच्छा नुसार हाजो, अने द्रव्य लाभजाखो नाहा ताहा मोन लागाडी को.

2 पतरस 2:10

विशेष कोईत तियाहा जे अशुद्ध अभिलाषा फासाडी डीलोआ नुसार सालतावाही अने अधिकारोहो तुच्छ मानतेहे ते उद्धट, अने एकदम होय, अने उचो पद वालाहा हाजा बक्ता कोअहू नि बिहत्ले,

2 पतरस 2:14

तियाआ डोंआ माय व्यभिचार बोहीतरोल्यु होय, अने ते पाप कोअल्यो विना उबोरो शकत नाहा चंचल मोन वालाहा फसाविल्यो लत्ले तियाआ मनाहे लोभ कोअलाआ अभ्यास उवनारा गोल्यो होय; ते शैतानाआ पोऱ्या होय.

2 पतरस 2:3

ते लाभ जाअखो गोठी कोत तुमामे आपाआ लाभाओ कारण बोनाविही, अने जी दंडाओ आज्ञा तियापो पेलरोत ओत गोयीही तियाआ आवलोओ कीबी वेल नाहा अने तियाआ नाश उवलो नाहा.

प्रकाशितवाक्य 2:14

पोन माहु ताआ विरूध किबी गोठी कोअला होय, बली का ताआ ईहि किबी एहलो होय, बिलामच्या शिष्यांआ मानतेहे, जिये बालाक इस्राएलो आगाडी ठोकराचे काहाके मेकिलो हिकाडये का मूर्तीपो सोडावली वस्तु खा, अने व्यभिचार को.

प्रकाशितवाक्य 2:21

आय तियाहा मोन फिर्विनारु याकोअता टाइम आप्यु, पोन तेए तीयीई व्यभिचाराने मोन नाहा फिरावयी.

प्रकाशितवाक्य 21:8

परंतु बिनारू, अने विश्वास न कोअनारु अने अमंगल, अने खुनी अने जारकर्मी, अने जादू टोना, अने मूर्ती पुजारो, अने आखे ठोगोओ भाग तियाअ झील मेहे जोडीत जी आग अने गंधकाने पेटीत रोनारे ते दूसरी मरण होय.

प्रकाशितवाक्य 22:15

पोन कुत्रे, अने टोन्हो, अने व्यभिचार, अने मअनारे अने मूर्ती पुजारो, अने हर एक ठोगोहो आवाडाविलो दोनाराआ अने ठग कोअनारू बारथे रोही.

प्रकाशितवाक्य 9:21

अने जे नर हत्या, अने चेटके, अने व्यभिचार, अने चोरी, तिये कोअयी ओती, तिये मोन नाहा फिरीविलो ओते.