इफिसी 5:11 - नोयरी नोवलू नियम

¹¹ आधाराआ निष्फळ कामोमे सहभागी न ओवो नहाते तियापो प्रतिकार को.

इफिसी 5:11 Iomraidhean Croise

मत्ती 18:15

जर ताआ पाही किबी पाप कोईत होय ताहा जात तियाहा एखालुज होमाजळ जर तो ताआ होमले ताहा तू तियाहा मिलवीत लेधलो होय.

लूका 3:19

याआनंतर योहान तियाअ चारपट प्रदेशाम मांडलिक राजा हेरोद याहा तियाआ पाहीओ लाडी हेरोदिया यीई आरी वाईट संबध अने तियाआ वाईट कामामुळे धोमकाव्ये अने दोष देखाये.

प्रेरितो काम 26:18

का तू तियाआ डोआं उगड्यो का ते अंधारामे प्रकाशापोरोत अने शैतानाहा अधिकारा मेरोत देवाकडे वोलीलो म्हणजे पापोओ क्षमा अने तियाअ मांहाहा आरी जे मापो विश्वास कोईलावाही पवित्र कोल्यु गोये होय वतन मिलुजोवे.

रोमि 13:12

रात सरत जात दीही निहुलेवोले होय, याकोअता आमू काराच्या कामाकोता त्यागून उजवाडामे हत्यार बांधीत लेदलेए.

रोमि 16:17

ओमे ओ पाही, आय तुमामे विनंती कोअत्लू काजे मांहे आव चूडीविलो विरूध जी तुम्हू लेदि होय फुटी अने अडखळण लेतावणारे ओये तियापो लक्ष्य मेका अने त्यापोरोत सेटे रो.

रोमि 6:21

आखिर ज्या गोठीई ओमे तुमामे लाज लागल्यो ओती याकोअता तियाअ वेले नाहाकोत तुमामे फोल मिलीअलो ओते? काहाके तियाआ आखिर ताहा मरण होय.

गलाती 6:8

काहाके जो आपाआ डीलाकोता पेअत्लू, तोज डीलोओ व्दारे विनाशो कोमाय वाडे अने जो आत्मा कोअता कोए, तो आत्माआ व्दारे सार्वकालिक जीविले वाडीलो कोअनारू.

इफिसी 4:22

का तुमु फासाडी चाल नोरो जूनो जुनो मांहाहा तो कपटाओ वासनावाही युक्त ओमेत तिया नाश उवनारा जात होय, उतरित टाका

इफिसी 5:12

काहाके का गुप्त का माहा चर्चा बी लाज गोठी होय.

इफिसी 5:7

याकोअता तुमु तियाआ सहभागी ओवुहू नाहा.

कुलुस्सी 1:12

तिया बाह्हाआ धन्यवाद कोईत रो, जीआ तुमामे इही योग्य बोनाडल्ये का परमेश्वरोओ तिया पवित्र भक्त जनांआरी जो ज्योती होसे जीवोन जगत होय, तुमु उत्तराधिकारी मीडवीहे सहभागी ओवुहू सेकेहे.

1 थिस्लोनी 5:7

काहाके जे हुविलो ते रात्रीच हुविलो अने जे झिंगणार ते रात्रीच झिंगतात.

2 थिस्लोनी 3:14

जर कोडु आमा आव पत्राहा आव गोठी कोअता मोनामे नाहा तियापो नजर मेका अने त्याआरी होबती कोयु नाहा याकोअता तो लाजआली उवूंहू जोवे.

2 थिस्लोनी 3:6

ऐ पाही, आमू तुमामे प्रभू येशु ख्रिस्त नावामेहे आज्ञा कोअत्लू का तुमु हर एक एहलो पाहयोप रोत अलग रो जो कायनिहाजू वागणुक कोअत्लू अने जी शिक्षा तिये आमापोरोत लेदि तीयी होसे कोईत नाहा.

1 तीमुथियुस 5:20

पाप कोआनाराहा आखाआ आगाडी होमजाडीत आप म्हणजे फासी मांहे बिनारू

1 तीमुथियुस 5:22

कोडापो ए वेगु आथे मुक्या नाहा अने दिहरा पापाहाम सहभागी ओवुहू नाहा ताहा स्वतःहा पवित्र मेका

1 तीमुथियुस 6:5

अने तिया मांहोम व्यर्थ झगडा निर्माण ओये जिया बुद्धी बिघडित गोयी होय अने ते सत्यापासून विहित ओत गोये होय जे होमजीतेहे भक्ती कामाविलो कोता दरवाजू होय.

2 तीमुथियुस 3:5

तेए भक्तीई भेष तोए पोन शक्ती जोरावारोह मान्त्लुके नाहा एहलापोरोत अलग रोअलो.

2 तीमुथियुस 4:2

का तू वचनाआ प्रचार को हर टेमे तियार रो आखा प्रकाराआ सहनशीलता अने हिकाडीलो आरी दोष देखाळ अने निषेध को अने होमाजळ.

तीतुस 2:15

याआ गोठीही पुरो अधिकाराआ कोअलो, अने होमजीत लेत जा, उत्साहामे कोईत रो अने कोडु ताहू तुच्छ नि जाअहु जुवे.

प्रकाशितवाक्य 18:4

ताहरु आय होर्गामरोत एक शब्द ईजि होम्लालू, ऐ माआ मांहा, तीयामरोत निहित आव का तुमु तियाआ पापामेहे सहभागी नाहा ओवो, अने तियाआ पिडा मेहे कोडनिबी पीडा तुमापो पोडुहु नि जुवे.