इफिसी 1:7 - नोयरी नोवलू नियम

⁷ आमाहा तीयाम तियाआ रक्ताआ त्यापोरत सोडव्ये अर्थात अपराधाची क्षमा, तियाआ तिया कृपाआ धनोओ नुसार जोड़ी होय,

इफिसी 1:7 Iomraidhean Croise

मत्ती 20:28

ह्याप्रमाणे माअहा पोऱ्या सेवा कोईत लेअलाकाजे नाहा, ताहा सेवा कोईलाकाजे अने ईस्ताज जोआ छुटकारा कोअता तिया जीव आपे.

मत्ती 26:28

काहाके ओ माआ कराराआ रक्त होय जे माहा कोअता पापाआ माफीकोता ओतिला जानारू होय.

मत्ती 6:12

अने जेहलो आमू आमा शत्रूहू माफ कोअया तेहलूज तू पण आमा अपराध माफ को.

मरकुस 14:24

तिये तियाहा कोयु, “ओ कराराआ रक्त होय, तो आखाहा कोअता ओंतिले जात्लू.

लूका 1:77

का तियाआ मांह्हू उद्धारो ज्ञान आप जो तियाआ पापोओ माफिवाही जोडयो ओते.

लूका 24:47

अने पापाआ माफी काजे मोन फिरवा संदेश यरुशलेम त्यापोरोत सुरवात कोईत आखे तियाहा प्रचार कोअयु जाइअलो.

युहन्ना 20:23

जिया पाप तुमु माफ कोअहा तेए तिया कोअता माफ ओवे, जियाहा तुमु मिकाहा, तेए मिकात रोय.

प्रेरितो काम 10:43

तियाआ आखे भविष्यवक्ता साक्ष आपत्ले का जो कोडु तियापो विश्वास कोअही तियाहा तियाआ नावापो पापोओ क्षमा जोडीत.

प्रेरितो काम 2:38

पेत्रस तियाहा कोयु, मोनफिरावा को, अने तुमाआ मायरोत हर एक जणाला आपाआ-आपाआ पापापो क्षमा कोअता येशु ख्रिस्ताच्या नावामे बाप्तिस्मे दया; ताहा तुमु पवित्र आत्मावाही दान मेलविनारो.

प्रेरितो काम 20:28

याकोअता आपाआ अने पुरो झुडाची चौकशी कराज्याच्यात पवित्र आत्माआ तुमामे मुख्य ठेरवीही होय का तू परमेश्वरोओ मंडळ्याही होंबाला कराज्याला तिये आपाआ रक्तानी वेसातो लेधलो होय.

प्रेरितो काम 3:19

याकोअता मोन फिराविला अने फासी आव का तुमाआ पाप पुरोज जाय ज्याआपोरोत प्रभूऊ संमुखाने आराम मुख आवे,

रोमि 2:4

नाहाकोत तू तियाआ कृपा अने तियाआ सहनशीलता, धीरपणाने मालदार तुच्छ मोनोहो? नाहाकोत ओ समाजात नाहा का परमेश्वरोओ कृपा ताहु मोन बदुलुलो शिकाडीलो?

रोमि 3:24

पोन तियाआ अनुग्रह छुटकारु जो ख्रिस्त येशु माय होय नितीमुल्य धोर्मी ठेरव्यो जाय.

रोमि 3:25

तियाहा परमेश्वराने तियाआ रक्ताआ कारनोवाही एक एहलो प्रायश्चित ठेरव्यो जो विश्वास कोलाकोता कार्यकारी होय काजे पाप पहीले कोल्यु गोये अने ज्यापो परमेश्वराने आपाआ सहनशीलतेच्या काहाके लक्ष आप्लु नाहा तियाआ विषयामे तो आपाआ धार्मिकता प्रगट कोअही.

रोमि 9:23

अने दया पाडापअ, जिये तियाआ गौरव कोअता पहिलुच तीयार कोल्यु, आपाआ गौरवाच्या हाजाकाजे इच्छा प्रगट कोअयी?

1 कुरिन्थि 1:30

पोन तुमु येशु ख्रिस्तस्तात त्याज कारनोवाही स्थिर होय तोज परमेश्वरोओ वरदानाआ रुपात आमाआं बुद्धी बोणीत गोये होय त्याज त्यापोरत आमाहा निर्दोष ठरविल्यो होय म्हणजे परमेश्वरोओ वोलरोत उवे अने पवित्रता अने छुटकारु मिले,

2 कुरिन्थि 8:9

तुमामे आमा प्रभू येशु ख्रिस्ताची कृपा मालुम होय का तो श्रीमंत ओतलू पण तो तुमा कोअता गरीब ओवयू म्हणजे तियाआ गरीब ओतगोयलो तुमु श्रीमंत उवे.

इफिसी 1:14

तो तियाहा वेसातो लेद्लू छुटकारा आमा हिसाचे बोनाडहि होय का तिया गौरवाआ स्तुती होय.

इफिसी 1:18

अने तुमाआ मोनाआ डोआं प्रकाशाम होय का तुमु ओलखीत ल्या का तिया बलवान आशा की होय अने पवित्र माहुंमे तिया वाटे गौरवोअ धन केहलु होय,

इफिसी 1:6

का तियाआ तिया अनुग्रह वाइहि गौरवाने स्तुती ओये कोईत तिये तियाहा आमाहा तिया प्रिय जनामे आप्लु.

इफिसी 1:8

तिये तियाहा आखे ज्ञान अने समाजोआरी आमापो विपुलतेने कोल्यु.

इफिसी 2:4

पोन परमेश्वराने जो दया मालक होय, आपाआ तिया प्रमोओ वोडा कारनोवाही त्याआरी तिये आमाहा प्रेम कोयु,

इफिसी 2:7

का तो आपाआ कृपेणे जो ख्रिस्त येशुमेहे आमा उपो होय, आवनाराआ टाईमा मेहे आपाआ कृपाच्या अनंत धनदौलत देखाडीलो.

इफिसी 3:16

की तोओ आपाआ गौरवाच्या धन नुसार तुमामे ओ दान आप्लु का तुमु तियाआ आत्मावांहि आपाआ मायतो मनुष्यत्व मेहे सामर्थ मिलवीत ताकतवान उवनारा जालो;

इफिसी 3:8

मापो जे आखे पवित्र माहुंमे पण हाणो हानू होय, ए कृपा उवी का आय अन्यजातीही ख्रिस्ताआ अगाध संपतीई सुवार्ता होमलावणार,

फिलिप्पी 4:19

माआ परमेश्वर तुमाआ आखी गोरोज गौरव येशु ख्रिस्तमेहे तुमामे आपाआ धनाने पुरो कोअही.

कुलुस्सी 1:14

तिया पुत्रवाही आमाहा छुटकारु जोड़ी होये आमा पापोप रोते क्षमा जोड़ी होय.

कुलुस्सी 1:27

परमेश्वर आपाआ भक्त जोह ओ प्रकट कोहू इच्छित ओतू का ओ पुरो खोरो केते वैभव पुरो होय त्याजागे आ राजपुरो खोरो अन्य जाती होय अने आ गूढ पुरो खोरो ओ होय का ख्रिस्त तुमापोओ रोतलू अने परमेश्वरोओ गौरव जोडयो कोइला कोअता तो एक आमाआं आशा होय.

कुलुस्सी 2:13

आपाआ पापांआ अने सुंता रोत्लू डीलोवाही तुमु मोल्या ओते पोन तुमामे परमेश्वराने ख्रीस्ता बरोबर जीवोन प्रदान कोयु तेहलूज आमा आखे अपराध रोत मुक्त रुपोमे क्षमा कोयु होय,

कुलुस्सी 2:2

याकोअता का तियाआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आखो धन जो खोरो ज्ञानाने जोडयो ओते तियाहा मिलुजोवे तेहलूज परमेश्वरोओ गूढ पुरो खोरो तियाहा जोडयो उवे तो गूढ पुरो खोरो स्वतः ख्रिस्त होय.

1 तीमुथियुस 2:6

जीआ स्वतःहा आखाआ छुटकारा किमोत आपित आप्यी तियाआ साक्ष योग्य टायमोमें आप्यी गोयी.

तीतुस 2:14

तिये स्वतःहा आमा कोअता आप्लु, याकोअता का तो आखे प्रकाराआ अधर्म आमाहा वाचाडयो गोयो अने आपाआ निवाडल्या मांहाहा रुपोमे आपाहा शुद्ध कोईलो, आमाहा जे उत्तम काम कोइला कोअता लालायीत होय.

तीतुस 3:6

ज्याहा तिये आमाआ तारण कोअता येशु ख्रिस्ताआ व्दारे आमा उपो विपुल होलीदे.

इब्रानि 9:22

खर ताहा ओ होय का व्यवस्थेनुसार म्हणजे आखे वस्तु रोगुतरी शुद्ध कोअल्यो जातेहे अने रक्त आवल्याताहा पापोओ क्षमा उवनारा नाहा.

1 पतरस 2:24

तो स्वता आमा पाप आपाआ डिलोपो लेत वधस्तंभपे सोडवीत गोल्यो, ज्याही आमू पापो कोअता मोईत धार्मिकता याकोअता जिविलो तियाआ माआदे खालोओ तुमु हाजो उवे.

1 पतरस 3:18

याकोअता ख्रिस्ताने पोन, म्हणजे अधर्मी याकोअता नितीमानाने, पापाआ कार्नावाही एक टायमोआ दु:ख सहन कोयु, यकोअता का आमाहा देवाजागे पुगाडे, तो देह रुपात जीवे मारीलो गोल्यो, पोन आत्माआ रुपोमे जीवतो कोअयु गोल्यो.

1 यूहन्ना 2:12

ऐ पोर्या आय तुमामे याकोअता लेखत्लू होय का तियाआ नावामेहे तुमाआ पाप क्षमा ओत जाई.

1 यूहन्ना 2:2

अने तोज आमा पापाआ प्रायश्चित होय, अने फक्त आमाहीजे नाहा ताहा आखे जुगाआ पापाहा पण.

1 यूहन्ना 4:10

प्रेम यामेहे नाहा का आमू परमेश्वरोओ प्रेम कोयु पोन यामे होय का तियाहा आमापो प्रेम होय अने आमा पापाआ प्रायश्चितला लेत आपाआ पोऱ्याहा मोक्लोयो.

प्रकाशितवाक्य 14:4

ओ जे होय जे बाइ आरी अशुद्ध नाहा उवे, पण कुवारे होय; ते ओच होय का जीही का कोकरा जात्लू, ते तियाआ फासाडी आवीत जातेहे; ओ ताहा परमेश्वरोओ निमित्त पहीले फोल उविला याकोअता माहू मायरोत वेसातो लेधलो गोये होय.

प्रकाशितवाक्य 5:9

ते ओ नवो गीत गावुहू लागाडीत, “तू या पुस्तकाला लेईलो, अने तियाआ शिक्के उघाडल्यो योग्य होय; काहाके का तू वध लेत आपाआ रक्तावहि प्रत्येक जात अने भाषा अने मांहे अने जाती मायरोत परमेश्वरा कोअता मांहोहो वेसातो लेधलो होय,