इफिसी 1:18 - नोयरी नोवलू नियम

¹⁸ अने तुमाआ मोनाआ डोआं प्रकाशाम होय का तुमु ओलखीत ल्या का तिया बलवान आशा की होय अने पवित्र माहुंमे तिया वाटे गौरवोअ धन केहलु होय,

इफिसी 1:18 Iomraidhean Croise

मत्ती 13:15

काहाके तियाअ माहा मोन कठोर होतगोयो अने ते कानामे जूरे होमलित्ले तिये आपाआ डोआं बंद कोल्यु होय केधी एहलो न ओवो का ते डोआवाही पालीही अने कानाकी होमले अने मोनामोरोत होमजीहो अने फाशी जाहू तियाहा अने आय तियाहा हाजो कोहू.

मरकुस 10:17

अने जाहा तो प्रवासाम जाणारच ओतु तेहलाम एक माहुहू गुगदीत तियाआ जागे आवयू अने गुडू पोडीत फुसिलो लाग्यू, ओ हाजो गुरुजी, तू हाजूहोय अने अनंत जिवनाआ अधिकारी उविला कोअता आय की कोओ?

लूका 24:45

फासाडी पवित्रशास्त्र होमजीलाकाजे तिये तियाआ डोआं उगाडीत आप्यी,

प्रेरितो काम 16:14

तिया जागापो लुदिया नावाआ थुआतीरा नगरो एक बुई ओती ती जाबडो रंगाचे कागडे वेसातो ओती ती परमेश्वरोओ भक्ती कोनारी ओती ती जाखो लक्ष आपित आमा गोठी होम्लाडित ओती प्रभूऊ तिया मोन उगड्यो ओते यकोअता का पौलुस जे कोयु ओतु ते लक्ष आपित होमला.

प्रेरितो काम 26:18

का तू तियाआ डोआं उगड्यो का ते अंधारामे प्रकाशापोरोत अने शैतानाहा अधिकारा मेरोत देवाकडे वोलीलो म्हणजे पापोओ क्षमा अने तियाअ मांहाहा आरी जे मापो विश्वास कोईलावाही पवित्र कोल्यु गोये होय वतन मिलुजोवे.

रोमि 11:29

काहाके देवोओ कृपादान अने पाचारण अनुताप उवनारा नाहा

रोमि 2:4

नाहाकोत तू तियाआ कृपा अने तियाआ सहनशीलता, धीरपणाने मालदार तुच्छ मोनोहो? नाहाकोत ओ समाजात नाहा का परमेश्वरोओ कृपा ताहु मोन बदुलुलो शिकाडीलो?

2 कुरिन्थि 4:4

अने तिया अविश्वासी कोअता ज्याआ बुद्धी आव जुगाआ ईश्वर आंदले कोईत आप्यी होय म्हणजे ख्रिस्त जो परमेश्वर प्रतिरूप होय तिया तेजाचा सुवार्तेए प्रकाश तियापो सोमकूहु नाहा.

2 कुरिन्थि 4:6

त्यापोत का परमेश्वरोओ होय जीआ कोयु, अंधरा मेहे प्रकाश चमकाडी, अने तोज आमा मोनामेहे चमकाडी का परमेश्वरोओ गौरवाच्या प्रकाश येशु ख्रिस्ताच्या सोबेपो ओवे.

गलाती 5:5

काहाके आत्माआ कामा वाहे आमाहा विश्वासा, आशा कोअली धार्मिकतेची वात पालल्ते.

इफिसी 1:11

तीयाम ज्याम आमू बी तीयाम संकल्पनाने जो आपाआ इच्छेवाइहि मनापोरोत आखे किबी कोअत्लू, पेलरोत ठेरव्यो जात वतनदार बन्यो

इफिसी 1:7

आमाहा तीयाम तियाआ रक्ताआ त्यापोरत सोडव्ये अर्थात अपराधाची क्षमा, तियाआ तिया कृपाआ धनोओ नुसार जोड़ी होय,

इफिसी 2:12

तुमु मांहे तिया टाइमाह ख्रिस्तापोरोत अलग अने इस्राएल प्रजाआ पापांनी अलग कोयु गोये, अने प्रतिज्ञाआ वाचाआ भागी नि ओते अने आशाहीन अने जगुमे ईश्वरविना ओते.

इफिसी 3:16

की तोओ आपाआ गौरवाच्या धन नुसार तुमामे ओ दान आप्लु का तुमु तियाआ आत्मावांहि आपाआ मायतो मनुष्यत्व मेहे सामर्थ मिलवीत ताकतवान उवनारा जालो;

इफिसी 3:8

मापो जे आखे पवित्र माहुंमे पण हाणो हानू होय, ए कृपा उवी का आय अन्यजातीही ख्रिस्ताआ अगाध संपतीई सुवार्ता होमलावणार,

इफिसी 4:1

याआ कोअता आय जो प्रभु मेहे बन्दी होय तुमाहा विनंती कोओहो का ज्याहा हादीई लाआ से तुमु हादाडये गोले होय तियाआ हाजी चाल साला,

इफिसी 4:4

एकुच डील होय, अने एकुच आत्माआ; एहलो तुमामे जे हादाडल्यो गोये ओते एकुच आशा होय.

इफिसी 5:8

काहाके का तुमु ताहा पहीले आंदाराम ओते परंतु ओमे प्रभू माय प्रकाश असो शेवट उजवाडामे संतानाआ एकहरको साला

फिलिप्पी 3:14

आय तिया लक्ष्या काजे निरंतर प्रयत्न कोईत रोला होय का आय तियाअ बक्षिसोहो मेलवूहु जे ख्रिस्त येशु माय मिलवीत परमेश्वराने आमाहा उसे हादाडये होय.

कुलुस्सी 1:12

तिया बाह्हाआ धन्यवाद कोईत रो, जीआ तुमामे इही योग्य बोनाडल्ये का परमेश्वरोओ तिया पवित्र भक्त जनांआरी जो ज्योती होसे जीवोन जगत होय, तुमु उत्तराधिकारी मीडवीहे सहभागी ओवुहू सेकेहे.

कुलुस्सी 1:23

ओ तोयोज ओवुहू गोयो जाहा तुमु विश्वासा पायु ख्रिस्ताम अटल बोणीत रो अने सुवार्ताआ मदतीवाही आशा आप्यी जाति रोईली एहेज परित्याग कोहू नाहा जे तुमु होमल्यु होय याआ जुगोओ निसे होय हर एक जनावराहा तिया उपदेश आप्यू होय अने आय पौलुस तियाच सेवक बोल्यू होय.

कुलुस्सी 1:27

परमेश्वर आपाआ भक्त जोह ओ प्रकट कोहू इच्छित ओतू का ओ पुरो खोरो केते वैभव पुरो होय त्याजागे आ राजपुरो खोरो अन्य जाती होय अने आ गूढ पुरो खोरो ओ होय का ख्रिस्त तुमापोओ रोतलू अने परमेश्वरोओ गौरव जोडयो कोइला कोअता तो एक आमाआं आशा होय.

कुलुस्सी 1:5

ऐ तिया आशेवाही उवे होय जी एहलो हाजूहोय होर्गाम होय अने ज्या विषयी तुमु पहिलुच खोरो संदेश म्हणजे सुवार्ता त्यापोरत होमल्यु होय,

कुलुस्सी 2:2

याकोअता का तियाआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आखो धन जो खोरो ज्ञानाने जोडयो ओते तियाहा मिलुजोवे तेहलूज परमेश्वरोओ गूढ पुरो खोरो तियाहा जोडयो उवे तो गूढ पुरो खोरो स्वतः ख्रिस्त होय.

कुलुस्सी 3:15

तुमाआ मनापो ख्रिस्ता वोलरोत हाजो शांतीई अधिकार होय याआ याकोअता तुमामे तियाच डील हादाडल्यो होय कायम धन्यवाद कोईत रो.

1 थिस्लोनी 2:12

का तुमाआ वागिलो परमेश्वरोओ योग्य होय जो तुमाआ आपाआ राज्याम अने गौरवात हादुहु होय.

1 थिस्लोनी 5:8

पोन आमू ज्या दिहाआ होय विश्वास अने प्रेम याहा आशा कालिते अने तारणाआ एहेज टोपी कालीत सावध रो.

2 थिस्लोनी 1:11

त्यापोत आमू हरेक टेमे तुमा कोअता प्रार्थना बी कोअत्लू का आमाआ परमेश्वर आव पाचारानाचे योग्य समजाडत्लू के नाहा हाजोकोते हर एक इच्छा अने विश्वासाआ हर एक कामाकोता सामर्थ्या आरी पुरो कोईओलो,

2 थिस्लोनी 2:16

आमाआ प्रभून येशु ख्रिस्त स्वतः अने आमाआ बाह्हू परमेश्वर जीआ आमापो प्रेम कोयु अने कृपेणे सार्वकालिक शांती अने श्रेष्ठ आशा आप्यी होय,

1 तीमुथियुस 6:12

विश्वासाआ हाजी कुस्ती विडाआ अने तियाअ सार्वकालिक जीवनाहा तोईत ले याकोअता ताहु हाद्यूहु गोल्यो अने खुपुच साक्षीदारा आगाडी हाजू कोईत तोअले गोल्यो ओतु.

तीतुस 2:13

धन्य आशाआ दीहीओ वात पालीत रोहिलो जांहा आमाआ परमेश्वर अने उद्धारकर्ता येशु ख्रिस्ताआ गौरव प्रकट उवे.

तीतुस 3:7

तियाआ शी आमू तियाआ कृपेणे धोर्मी होमजीत, अनंत जीवनोओ आशा नुसार वारीस बोनहू.

इब्रानि 10:32

पोन तिया फासाडीई दिहोहो ओर को ज्याआ माय तुमु प्रकाश मिलवीत वोडो संघर्षा मध्ये स्थिर रोल्या.

इब्रानि 6:4

काहाके जिये एकवा प्रकाश प्राप्त ओवयु अने जे होर्गाआ वरदानोओ चव साखीत लेदेहे अने पवित्र आत्माआ सहभागी उवे.

1 पतरस 1:3

आमू प्रभू येशु ख्रिस्ताआ देव अने बाह्हाआ धन्यवाद होय जिये ख्रिस्ताआ मोल्यामरोत जिवतो उठलो आशा व्दारे, आपाआ महा दयानुसार आपाहा जीवतु एहलाकाजे नवो जोल्मो आप्लु,

1 पतरस 3:9

वाईट बदली वाईट नाहा कोहू अने न शिव्याराई बदली गाई दया; पोन उलटो आशीर्वाद अपिलो काहाके तुमु आशीर्वाद तियाआ वारीस कोईलाकाजे हादाडल्यो गोये होय.

1 पतरस 5:10

ओमे देव जो अनुग्रह दाता होय, जिये तुमामे ख्रिस्तामेहे आपाआ अनंत गौरव कोअता हादाडल्यो, तुमाआ थोडो टायमोपो रोत दुख सहन कोइलाआ ओवतु खुद सिद्ध अने स्थिर अने ताकदवान कोअही.