2 तीमुथियुस 4:10 - नोयरी नोवलू नियम

¹⁰ काहाके देमास या जगाला प्रिय होमजीत माहु सोडीत आप्यू होय अने थिस्सलुनीका मेहे निहित गोल्यो होय क्रेसकेंस गलातीला अने तीतूस दलमतीयेला निहित गोल्यो होय.

2 तीमुथियुस 4:10 Iomraidhean Croise

मत्ती 12:32

अने जो कोडु माअहा पोऱ्याआ विरोद्धामे एखादी गोठी कोअही ताहा तिया अपराध क्षमा कोअलाआ आवे पण जो पवित्र आत्माआ विरूध किबी गोगनारू तिया तो अपराध याआ जुगोम पण नाहा अने आवनाराआ जुगोम पण क्षमा कोअनारू नाहा.

मत्ती 26:56

पण ओ आखे याकोअता उवे का संदेष्टाआ वचन पुरो उवे तेहलाम आखे शिष्य तियाहा सोडीत निहित गोये.

लूका 14:33

दिहरे फासाडी ऐह्कोईत तुमा मेहेरोत कोडोबी जो आपाआ आखे धनदौलत त्याग कोईत नाहा तो माआ शिष्य ओवुहू शकत नाहा.

लूका 16:13

कोडोबी सेवक दिहे मालकाआ सेवा कोहू शकत नाहा तो एकाहा द्वेष कोअही अने दिहीराहा प्रेम कोअही तो एकाहा तोईत रोही अने दिहीराहा तुच्छ मानही तुमु धन अने परमेश्वर आव बेन जोआआ सेवा एकहरको ओतगोयु कोअता आविलो नाहा.

लूका 17:32

तिया लोटाआ लाडीही स्मरण मेका.

प्रेरितो काम 13:13

पौलुस अने तियाआ होबती पाफुस हून तारवात बोहित पंफूलिया पिर्गा इंही आव्ये अने योहान तियाहा सोडीत यरुशलेम ला निहित गोल्यो.

प्रेरितो काम 15:38

पोन पौलाहा ओ ठीक वाटेम का आपाआरी कोडाआ एन लेदलेए ज्याआपोरोत पंफूलिया माय तियाहा सोडये अने प्रभूउ कामोम तो त्याआरी रोला नाहा.

प्रेरितो काम 16:6

फासाडी फ्रुगीया अने गलतीयाआ भागाकडून निकलीलू काहाके पवित्र आत्मावांहि तियाहा आशिया माय वचन कोइला नाहाकोत कोल्यु ओते.

प्रेरितो काम 17:1

फासे ते अम्फीपुलीस अने आपुल्लोनीया मेहेरोत थीस्सलूनीके मेहे आव्ये जीही यहुदीयाआ एक मंदिर ओतो.

प्रेरितो काम 17:11

ओ मांहे ताहा थिस्सलुनीकाआ यहुदी लोकापेक्षा हाजो ओते अने तिये वोडा उत्सुकतेने वचन ग्रहण कोल्यु अने ए गोठी ओच होय का नाहा ओ हर एक दीही पवित्र शस्त्रामेहे होदित रोल्या.

प्रेरितो काम 17:13

काहाके का जाहा थिस्सलुनीकाम यहुदी होमजीत गोयुका पौलुस बिरुआ परमेश्वरोओ वचन होमलित ओतु तो तीइही आविलो माहुंहु खोळवळून चीतावले.

प्रेरितो काम 18:23

तिया जागापो किबी वेल काडीत टाक्ये ताहा तिये चेले खोबोर लेदो अने गलातीया अने फ्रूगिया क्षेत्रात होमला ती जागेरोत दिहरा जागापो प्रवास जाआलो कोईत आखे अनुयायी चा विश्वास वोदाडीअलो ओतु.

2 कुरिन्थि 2:13

ताहा माआ मोनुमे चैन जोड़ी नाहा यकोअता नाहा का आय आपाआ पायहोहो तीतूस ला मिलायु नाहा यकोअता का त्यापोरोत खोबोर घेऊन आय मकिदुनिया निहित गोल्यो.

2 कुरिन्थि 7:6

तेबी पोन बेनुहू शांती आपनाऱ्या परमेश्वराने तीतुसच्या आवता आमाहा शांती आप्यी,

2 कुरिन्थि 8:16

परमेश्वर धन्यवादित होय, जीआ तुमा कोअता तेज उत्साह तीतूस च्या मोनामेहे टाक्यी होय

2 कुरिन्थि 8:23

जर कोडु तीतुसच्या विषयी फुसनारू ताहा तो माआ होबती होय अने माआ आरिज काम कोअतेहे होय; अने जर आमू पाही विषयी फुसनारू ताहा ते मंडली वांही संदेश आपणारो अने ख्रिस्ताचे गौरव होय.

2 कुरिन्थि 8:6

त्याकोता आमाहा तीतुसला होमजाद्योहो, का जेहलो तिये पहीले सालू कोअयु ओतु तेहलूज तीयाम आव दानाआ कामाकोता पण पुरो कोईत लेदले.

गलाती 1:2

अने आखे पायहोहो जे माआरी होय गलाती मंडली नावामेहे

फिलिप्पी 2:21

काहाके आखे आप आपाआ कामोमे व्यस्त होय येशु ख्रिस्ताआ कामोमे कोडूच व्यस्त नाहा.

1 तीमुथियुस 6:10

काहाके रुपयाह लोभ आखे एहलाम आगेच जानारो मुळ होय ज्याहा मीडवीहे प्रयत्न कोईत-कोईत हर एक माहू विश्वास देखऊ भटकून अनेक दुखो मेहे खुपित लेधलो होय.

1 तीमुथियुस 6:17

याआ जुगाआ धनवानांना आज्ञा आप का अभिमानी ओवुहू कायना अने चंचल धनावर आशा मुक्या कायना पण परमेश्वरोओ जो आमा हजाकोते आखे किबी भरभराटीने आपोहो.

2 तीमुथियुस 1:15

ताहु मालुम होय का आशिया तियाआ आखे मापोरोत अलग उवे होय ज्यामेहे फुगीलूस अने हिरमुगीनेस होय.

2 तीमुथियुस 4:16

माआ आगाडी उत्तर आपलो टायमोमें कोडूच माआ हातीरी आप्यू नाहा पोन आखाहा माहु सोडीत आप्लु हाजो उवे का त्याआं तियाहा हिशोब नाहा आपा लागे

तीतुस 1:4

तीतूस नावोओ, ज्या विश्वासाआ सहभागीताआ विचार माआ खोरो पुत्र होय परमेश्वर बाह्हू अने आमाआ परमेश्वर उद्धारकर्ता ख्रिस्त येशु त्यापोरोत ताहू अनुग्रह अने शांती जोडती रोय.

फिलोमोन 1:24

अने मार्क अने अरिस्तर्खुस अने देमास अने लुक जे माआ मोदत कोल्यो होय, याहा माआ नमस्कार.

2 पतरस 2:15

ते हीदू मार्गाला सोडीत बोहकीन गोये होय, बौराचा पोऱ्या बिलामाआ मार्गापो आवीत गोये होय, जीयाहा अधर्माआ मोजरी प्रिय महांआ;