2 तीमुथियुस 3:8 - नोयरी नोवलू नियम

⁸ जेहलो योनेस अने याम्ब्रेसाने मोशेच्या विरोध कोअयु ओतो तेहलूज ओ पण खोराआ विरोध कोअता ओ एहलो मांहु होय जिया बुद्धी भ्रष्ट ओत गोयी होय अने ते विश्वासाआ विषयाम न उरिलो होय.

2 तीमुथियुस 3:8 Iomraidhean Croise

प्रेरितो काम 15:24

आमाहा जोयरोत होमल्यु होय का आमाहा न विचारामे आमामेरोत किबी माहु जात आपाआ शब्दामे तुमामे दु:ख आप्लु होय अने तुमाआ मनाहे अस्थिर कोल्यु होय.

रोमि 1:28

जाहा तिये परमेश्वरोओ ओलखुहू इच्छिले नाहा ताहा परमेश्वराई पण तिये तियाआ निक्कामे मनापो सोडीत आप्लु का ते हादाड्यू काम कोआ.

रोमि 16:18

काहाके एहलो मांहे आमू प्रभू ख्रिस्ताचे नाहा परंतु आपाआ पेटोकोता सेवा कोअता, अने गुल्यो अने लोभा भाषणाने भोळ्या भाबड्यांची मोनो मांहोहो बेह्कावत्ले.

इफिसी 4:14

म्हणजे आमू या आगाडी पोऱ्ये नाय रोही जे माहांआ ठोग विद्या अने चतुराईनी, भ्रातिई मार्गा युक्तीवाही अने उपदेशरुपी हर एक वाराआ आल्तलो अने इही तीही फिरीविलो जाहो.

1 तीमुथियुस 1:19

अने विश्वास अने तिया हाजा विवेक तोईत रो ज्याहा सेटे कोअत्लू तेहलाम केताके विश्वास कोअनारू जाहाजे बुडीत गोयी.

1 तीमुथियुस 4:2

ओ तिया खोटो मांहाहा कपटामुळे उवे ज्याआ बुद्धी जेहेका पेटात्ला लोखंडा डाग आप्यू होय,

1 तीमुथियुस 6:5

अने तिया मांहोम व्यर्थ झगडा निर्माण ओये जिया बुद्धी बिघडित गोयी होय अने ते सत्यापासून विहित ओत गोये होय जे होमजीतेहे भक्ती कामाविलो कोता दरवाजू होय.

2 तीमुथियुस 4:15

तू बी त्यापोरोत सावध रोआ कोईत तिये आमा गोठीई जास्तीज विरोध कोअयु होय.

तीतुस 1:10

काहाके जाअखो मांहे फसिवणारे अने व्यर्थ गोगनारे अने धोका आपणारे; विशेष कोईत सुंता कोईलो मायरोत.

तीतुस 1:16

ते कोतले का आमू परमेश्वराहा ओलखीत, पोन कानोवाही तिया मोजर्यो कोअनारे होय, अने कोडलाज हाजा कामा कोअता योग्य नाहा.

2 पतरस 2:14

तियाआ डोंआ माय व्यभिचार बोहीतरोल्यु होय, अने ते पाप कोअल्यो विना उबोरो शकत नाहा चंचल मोन वालाहा फसाविल्यो लत्ले तियाआ मनाहे लोभ कोअलाआ अभ्यास उवनारा गोल्यो होय; ते शैतानाआ पोऱ्या होय.

1 यूहन्ना 2:18

ऐ पोरयां, एज वेल होय; अने जेहलो तुमु होमल्यु होय का ख्रिस्ताआ विरोध कोनारो आविलो होय तियाआ नुसार ओमे पोन जाअखो जोओ ख्रिस्त विरोध कोनारो उठित उभे रोल्या होय; याकोअता आमू ओलखीत्लू का एए आखरी वेल होय.

1 यूहन्ना 4:1

हे प्रिय हर एक आत्माहा प्रतीत मा कोआ नेते आत्माआ पारक का ते परमेश्वरोओ विश्वास होय का नाहा काहाके खोब ठोग भविष्य कोअनारा जगत मेहे निकलित ऊबे ओत रोये ओ.

प्रकाशितवाक्य 2:20

पण माहु ताआ विरूध ओ कोओलो होय का तू तेए बुई इजबेल ला रोहू देत्लू जे खुदोहो संदेष्टी कोहे का, अने माआ सेवकोहो व्यभिचार कोअला अने मूर्ती आगाडी बली कोअली वस्तू रोटू खायलो हिकाडीत भरमावत्ली.

प्रकाशितवाक्य 2:6

पोन होय, तांआम ए गोठी ताहा होय का तू निकुलीई कामोवाही घृना कोअत्लू, जीयासी आयबी घृणा कोअत्लू.