2 थिस्लोनी 1:8 - नोयरी नोवलू नियम

⁸ अने जे परमेश्वरोओ उलखित्लू नाहा अने आमा प्रभू येशु ऊ सुवर्तेला मानीत नाहा त्याआरोत बदलू लेही.

2 थिस्लोनी 1:8 Iomraidhean Croise

मत्ती 25:41

तेहलाम तो बांगडू बाजूवाला कोअही ओ शापित माहुमे मापोरोत सेटे ओतगोयु तियाअ अनंत आगीम जात गुगदा जे शैतान अने तियाआ दूतांसाठी तीयार कोल्यु होय.

मत्ती 25:46

ओ मांहे अनंत कालिक दंड भोगणार पण धोर्मी अनंत जीवनामे प्रवेश कोअनारू.

युहन्ना 3:19

अने न्यायनिवाडा मुळे ओ होय का प्रकाश जगात आवयू होय, अने माहुहीई अंधाराहा उजवोडा पेक्षा जाखो प्रिय कोल्यु काहाके तियाआ काम वाईट ओती.

युहन्ना 8:19

यापो माहु तियाहा कोयु, ताआ बाह्हू कोठे होय? येशु उत्तर आप्लु, नाहा तुमु माहु ओलखीत अने नाहा तुमु माआ बाह्हाहा ओलखीत जर तुमु माहु ओलख ओते ताहा माआ बाह्हाहा पण ओलख ओते.

प्रेरितो काम 6:7

ह्याप्रमाणे परमेश्वरोओ वचनाचा प्रचार ओवुहू लाग्यू अने यरुशलेमेरोत शिष्याची संख्याआ जास्तीज वोदतो गोयी याजकाआ एक वोडू जमाव पण याआ विश्वासाआ मानु लाग्यू.

रोमि 1:28

जाहा तिये परमेश्वरोओ ओलखुहू इच्छिले नाहा ताहा परमेश्वराई पण तिये तियाआ निक्कामे मनापो सोडीत आप्लु का ते हादाड्यू काम कोआ.

रोमि 1:5

तियाआ त्यापोरत आमाहा कृपा अने प्रेषित जागा जोडयेहे होय का तियाआ नावोओ कारनोवाही आखे जातीही मांहे विश्वास कोईत तियाहा माने,

रोमि 10:16

पोन आखाज तियाअ सुवार्तेपो कान लागाडले नाहा, त्यांकोअता यशायाह कोत्लू, “ओ प्रभू, कोडु आपाआ सुवार्तेपो विश्वास कोअयु होय?”

रोमि 15:18

काहाके तिया गोथिहिई सोडीत माहु फासी कोडला गोठीइ विषया माय कोअंलाअ धैर्य नाहा जे ख्रिस्ताने अन्यजाति याहा अधिनतेसाठी वचन अने कर्म,

रोमि 16:26

पोन ओमे जोडयो ओतगोयु सार्वकालिक देवाची आज्ञानी पवित्र संदेष्टाआ पुस्तकामेहे त्यापोरत आखे जातीही कोइतलु गोये होय का विश्वासानी ओमे होमजीलो ओतगोयु जा,

रोमि 6:16

नाहाकोत तुमामे नाहा मालुम का ज्याआ आज्ञा मानिलोकाजे तुमु स्वतःहा दासो होस होपा कोईत आपत्ले तीयाआज गुलाम होय जर पापो कोअता ज्याआ मरण धोर्मी होय?

1 कुरिन्थि 15:34

शुद्धीपो आव, हाजो जीवोन जागे ल्या जेहलो तुमामे उवूंहू जोवे पाप कोअला बंद को काहाके तुमाआ मायरोत कितेबी एहलो होय जे परमेश्वराबद्दल किबी मालुम नाहा आय ओ याकोअता कोयु होय का तुमामे लाज आविलो जोवे.

2 कुरिन्थि 10:5

त्यापोत आमाहा फुसिलो अने हर एक गोठी जे परमेश्वरोओ ओलखीनाऱ्या विरोधाम उभे रोनारे तियाहा खण्डन कोअत्लू अने हर एक विचारांना बंदी कोईत ख्रिस्ताचे आज्ञाकारी बनाडत्लू,

गलाती 3:1

ओ बीगर बुद्धिई गलातियो कोडू मोनवीत लेद्लो होय तुमाआ ते जेहे मोन डोआआ आगाडी येशु ख्रिस्त क्रूस पोओं देखाडल्यु गोल्यु होय

गलाती 4:8

पहीले तुमामे परमेश्वरोओ ओळखत नाहाओती कोईत तुमु तियाआ दास ओते जो स्वभावो वाही ईश्वर नाहा,

1 थिस्लोनी 4:5

अने ओ काम वासनेने नाहा अने तियाअ अन्यजाति पण नाहा जे परमेश्वरोहो नि जाआत्ली,

इब्रानि 10:27

ओ दंड एक भिवाडनारू वात पालीत रोअला अने अग्नीचे भडक बाकी होय जी विरोधो नाश कोईत टाकही.

इब्रानि 10:30

काहाके आमू ज्याहा ओलखीत्लू जीआ कोयु, बदलू घेणे माआ काम होय आयुज बदलू आपी अने फासी ओ का प्रभू तियाआ मांहोओ न्याय कोए.

इब्रानि 11:8

विश्वासा सी आब्राहम जांहा हादल्यो गोल्यो तेहलाम एहलो जागापो निहित गोल्यो जीही वारसात लेही ओतु अने ओ मालुम निमिले का आय कोठे जात होय तेबी पण निहित गोल्यो.

इब्रानि 12:29

काहाके आमाआ परमेश्वर नाश कोअनारू आग होय.

इब्रानि 2:3

ताहा आपु एहलो वोडो तारणा पासून सेटे पालत्लु कोईत केहलो वासई शकतो? ज्याआ गोठी पेलाठीच प्रभूउ त्यापोरत उवी अने होमलिनारे त्यापोरत आमाहा तियाआ खात्री पटली.

इब्रानि 5:9

अने सिद्ध बोणीत आपाआ आखे आज्ञा कोअनाऱ्या काजे सार्वकालिक उद्धारो कारण ओतगोयु.

1 पतरस 1:2

अने देव बाह्हाआ भविष्य ज्ञानानुसार, आत्माआ पवित्र कोइलाआ व्दारे आज्ञा मानोहो अने येशु ख्रिस्ताआ रक्ताआ हिपडीलो निवडील्यो गोये होय तुमाहा कृपा अने शांती विपुल जोळे.

1 पतरस 3:6

जीही सारा आब्राहमो आज्ञाम रोत ओती अने तियाहा मालक कोयु ओती यावाही तुमु पोन जर हाजो कोईलो अने कोडलाज प्रकारोओ बित न ओवो, ताहा तियाआ पोयरयी ठेरवीही.

1 पतरस 4:17

काहाके का ती वेल आवीत गोयी होय का पोलो परमेश्वरोओ माहुहु न्याय कोअयु जावा; अने जांहा येशुनी आरंभ आमापोरोत उवेताहा तियाआ कि आखिर उवे जे परमेश्वरोओ सुवार्तेला मानीत नाहा?

2 पतरस 3:7

पोन वर्तमानो आकाश अने धोरती वचनो द्वारा याकोअता मिकले होय, की पेटाडे, अने तोओ भक्तिहीन मांहो कोअता न्याय अने नाश ओवलो दिह जाआ मीकित मिके.

यहूदा 1:7

ज्या रीतीवाही सोदोम अने गोमोरा अने तियाआ जागे पास आ नगरामे, जे याहा एकहरको वाईट काम कोअनारु होतगोयो ओते अने पाक्या डीलोओ फासाडी लागित गोये ओते, आगीही अनंत दंडा मेहे पोडीत दृष्टांत ठरव्येहे होय.

प्रकाशितवाक्य 20:10

तियाहा भटकाडनारू शैतान आग अने गंधकाच्या झील मेहे, ज्याम तो श्वापद अने ठोग संदेष्टा पोन होय टाक्ये जानारू; अने ते रातेन दीही कायम पिडामेह तोडपितू रोय.

प्रकाशितवाक्य 21:8

परंतु बिनारू, अने विश्वास न कोअनारु अने अमंगल, अने खुनी अने जारकर्मी, अने जादू टोना, अने मूर्ती पुजारो, अने आखे ठोगोओ भाग तियाअ झील मेहे जोडीत जी आग अने गंधकाने पेटीत रोनारे ते दूसरी मरण होय.

प्रकाशितवाक्य 6:10

तिये वोडो शब्दामे आयडीत कोयु, “ओ स्वामी, ओ पवित्र अने खोरो; तू कोयो पर्यंत न्याय नाहा?” अने पृथ्वीई रोणारारी आमा रक्ताआ बदलू कोयो पर्यंत नाहा लेही?