2 थिस्लोनी 1:5 - नोयरी नोवलू नियम

⁵ ओ परमेश्वरोओ खोरो न्यायो प्रमाण होय का तुमु परमेश्वरोओ राज्याआ योग्य निहूह जोवे याकोअता दुख पोन सहन कोअता.

2 थिस्लोनी 1:5 Iomraidhean Croise

लूका 20:35

पोन जे मांहे तियाअ योग्य ठेरती का ते जुगाहा अने मोल्यामेरोत जिवंत उविला पण जोडयो कोअही ते ताहा वेहवाल कोअनारू नाहा अने वेहपालोहो आप्लु जाहो.

लूका 21:36

याकोता जागतू रो अने हर एक टायमोमें प्रार्थना कोईत रो का तुमु आव आखे आवनारा गोठीही वासिलो अने माअहा पोऱ्या आगाडी उभे रोण्याआ लायकी बोनहू.

प्रेरितो काम 13:46

तेहलाम पौलुस अने बर्णबा आरी न बिकर्या कोहू लागाडीत, “आवश्यक ओते का परमेश्वरोओ वचन पहीले तुमामे होमल्ये जेहे कोइत जांहा तुमु तियाहा द्र कोईत आपत्ले अने आपाहा सार्वकालिक जिवनाआ योग्य ठरावीत नाहा ताहा पाला आमाहा अन्य जातीमेहे फिरीवलो.”

प्रेरितो काम 14:22

अने शिष्याआ मनाहे स्थिर कोईत अने विश्वासामेहे स्थिर बोणीत रोअलाकाजे ओ कोत प्रोत्साहित कोईत रोल्या आमाहा वोडो दुख विसित परमेश्वरोओ राज्याम प्रवेश कोईओलो होय.

रोमि 2:5

पोन तू आपाआ कठोरपणाने अने एकदम मोनोमेहे कारनोवाही तियाआ क्रोधाअ दिहोकोअता ज्याम परमेश्वरोओ खोरो न्याय प्रगट उवे, आपाहा राग मेलविलो होय.

रोमि 8:17

अने जर पोऱ्ये होये ताहा वारीस पण होये परंतु देवोओ वारीस अने ख्रिस्ता आरी वारीस होय का ओमे आमाहा तियाआ आरी दुख पालोह, ताहा तियाआ आरी गौरव भी जोड़े.

इफिसी 4:1

याआ कोअता आय जो प्रभु मेहे बन्दी होय तुमाहा विनंती कोओहो का ज्याहा हादीई लाआ से तुमु हादाडये गोले होय तियाआ हाजी चाल साला,

फिलिप्पी 1:28

तेहलूज फासी ओबी होमला इच्छितो का तुमु आपाआ विरोध वाला बिक नाहा तुमाआ ओ विश्वास नाशाआ प्रमाण होय अने ओच प्रमाण होय का तुमाआ उद्धारो अने परमेश्वारापो रोत ऐहलोच कोयु जालो.

कुलुस्सी 1:12

तिया बाह्हाआ धन्यवाद कोईत रो, जीआ तुमामे इही योग्य बोनाडल्ये का परमेश्वरोओ तिया पवित्र भक्त जनांआरी जो ज्योती होसे जीवोन जगत होय, तुमु उत्तराधिकारी मीडवीहे सहभागी ओवुहू सेकेहे.

1 थिस्लोनी 2:14

त्यापोत तुमु ऐ पाही, परमेश्वरोओ तिया मंडळ्यासारखी वागणुक कोजे याहुदामेहे ख्रिस्त येशु माय होय काहाके तुमू पण आपाआ माहापो रोत तेह्लुज दुख मिलउत जेहलो तिये यहुदीया मेहे मिलउत ओतलो,

2 थिस्लोनी 1:11

त्यापोत आमू हरेक टेमे तुमा कोअता प्रार्थना बी कोअत्लू का आमाआ परमेश्वर आव पाचारानाचे योग्य समजाडत्लू के नाहा हाजोकोते हर एक इच्छा अने विश्वासाआ हर एक कामाकोता सामर्थ्या आरी पुरो कोईओलो,

2 तीमुथियुस 2:12

जर आमू धीरमारीत सहन कोईत रोही ताहा त्याआरी राज्य बी कोनारू जर आमू तिया नकार कोअनारू ताहा तो बी आपाआ नकार कोअनारू,

प्रकाशितवाक्य 15:4

ओ प्रभू, कोड़ो ताहु नाहा बित अने ताआ नावाआ गौरव नि कोए काहाके का फक्त तांहुज पवित्र होय आखे जाती आवीत ताआ आगाडी नमन कोअही, काहाके का ताआ न्यायाआ काम प्रगट उवे होय.”

प्रकाशितवाक्य 16:7

काहाके आय वेदी त्यापोरोत ओ शब्द होम्लालू, “होय, ओ आखे सर्वशक्तीमान प्रभू परमेश्वर, ताआ निर्णय ठीक अने खोरो होय.”

प्रकाशितवाक्य 19:2

काहाके का तियाआ निर्णय खोरो अने ठीक ओत तीया वोडा वेश्याच्या, जी आपाआ व्यभिचाराने पृथ्वीही भ्रष्ट कोईत ओते, न्याय कोअयु अने तियाहा आपाआ दासोओ रक्ताआ बदलू लेदो होय.

प्रकाशितवाक्य 3:4

पोन होय, सर्दीस मध्ये ताआ जागे किबी एहलो मांहे होय जिये आपाआ कापडे अशुद्ध नाहा कोयु, ते धवले कापडे पेआडील्यो माआआरी फिरेह, काहाके का ते आव योग्य होय.