2 पतरस 2:1 - नोयरी नोवलू नियम

¹ जेहला प्रकारे तियाआ माहामे ओ ठोग भविष्यवक्ता ओता, तियाआ प्रकारे तूमामेहे बी ठोग उपदेशक रोय जे नाश कोअनारा पाखंड उद्घाटन निकाई-निकात कोए अने स्वामीई जो तियाहा वेसातो लेत लेदलो होय इन्कार कोए अने तियाआ वेगु विनाशो मेहे टाकित देय.

2 पतरस 2:1 Iomraidhean Croise

मत्ती 10:33

पोन मांहो आगाडी माहु जो ग्रहण कोअनारू नाहा तियाहा आय पोन आपाआ ओबापोरोत जो होर्गाम होय ग्रहण कोअनारू नाहा.

मत्ती 24:11

जाअखो खोटो भविष्यवक्ता उठित उभे रोय अने ठोगीते.

मत्ती 24:24

काहाके मसीहा अने खोटो भविष्यवक्ता उठित उभे रोय, वोडो चिंन्ह अने अदभुत कृत्य देखाडीते उवेताहा निवाडीत मेकल्या पण भटकाडे.

मत्ती 24:5

काहाके जाअखो एहलो होय जो माआ नावामेहे आवीत कोअही, आय ख्रिस्त होय अने भरपुराना ठोग्यो.

मत्ती 7:15

खोटो संदेष्टयापासून सावध रोजे मेंढरांहा वेहोमेहे तुमाआ आहने आवत्ले होय पोन मायरोत फाडनारा भेडीया होय.

मरकुस 13:22

काहाके खोटो ख्रिस्त अने खोटो भविष्यवक्ता उठित उभे रोही अने जर शक्य उवेताहा जे निवडील्ये होय तियाहा पण ठोगीत सेकतेहे अने तियाहा अदभूत काम अने चिन्हे देखाडीही.

लूका 12:9

पोन जो मांहाहा आगाडी माआ अस्वीकार कोअनारू तिया परमेश्वरोओ स्वर्गदूता आगाडी नकार कोअयु जानारू.

लूका 21:8

तो कोयु, “सावध रो का ठोगीत न जानारू, काहाके जाअखो माआ नावामेहे आविलो कोअही, आय तोज होय, अने ओ पण का, वेल जागे आवयी होय, तुमु तियाआ फासाडी नाहा निहित जाऊ.

लूका 6:26

हाय तुमापो जांहा आखे मांहे तुमामे हाजो कोअही काहाके त्याआं आगाडी डाये पण खोटो संदेष्टाआरी ऐहलेच कोईत ओतु.

रोमि 16:18

काहाके एहलो मांहे आमू प्रभू ख्रिस्ताचे नाहा परंतु आपाआ पेटोकोता सेवा कोअता, अने गुल्यो अने लोभा भाषणाने भोळ्या भाबड्यांची मोनो मांहोहो बेह्कावत्ले.

1 कुरिन्थि 11:19

काहाके भेधभाव पण आवश्यक होय तीयाकोता काजे मांहे तुमामे खोरो होय ते प्रगट ओतगोयु जानारू.

1 कुरिन्थि 6:20

काहाके किमोत आपित वेसातो लेधलो होय त्यापोत आपाआ देह परमेश्वरोओ गौरव को.

1 कुरिन्थि 7:23

तुमु किंमत आपित वेसातो लेद्लो होय तुमु मांहाआ सेवक बोनहू नाहा

गलाती 2:4

अने अओ तिया ठोग पायहो वजेसी ओवयो, जे निकात कोइत आवित माय ओते, की तिया स्वतंत्रताहा जे मसीह येशुमेहे आमाहा जोड़ीही, फुट पाडित, आमाहा दास बोनावे.

गलाती 3:13

ख्रिस्ताने आपा शाप तियाप घेऊन नियमशास्त्रा द्वारे शाप पोरोत आपाहा सूडावयू शास्त्र कोतली, हर एक जोओ जो कोडु साडोपो टांगल्यो रोतो तो शापित होय.

गलाती 4:17

ते तुमामे हेगांति बनाडूहु मागतले खोरो पण हाजा उद्देशाने नाहा पण तुमामे अलग कोइला कोअता ओ कोईत होय का तुमु तियाहा हेगांति बोणाडीत ल्या.

गलाती 5:20

मूर्ती पूजा, जादू, वैर, झगडू, ईर्ष्या, खोत, विरोध, फुटी, विधर्म,

इफिसी 1:7

आमाहा तीयाम तियाआ रक्ताआ त्यापोरत सोडव्ये अर्थात अपराधाची क्षमा, तियाआ तिया कृपाआ धनोओ नुसार जोड़ी होय,

इफिसी 4:14

म्हणजे आमू या आगाडी पोऱ्ये नाय रोही जे माहांआ ठोग विद्या अने चतुराईनी, भ्रातिई मार्गा युक्तीवाही अने उपदेशरुपी हर एक वाराआ आल्तलो अने इही तीही फिरीविलो जाहो.

फिलिप्पी 3:19

तिया विनाश तियाआ नियमशास्त्रा प्रमाणे होय, तियाआ पोटु तियाआ ईश्वर होय अने तीयावाही तियाहा लाज जोडयो ओते त्यापो ते लक्ष्य केंद्रित कोअता तियाहा फक्त भौतिक गोठीमेहे रोत चिंता शेतली.

कुलुस्सी 2:18

कोडु मांहु जो स्वतःहा प्रताडीत कोनारी काम किंवा स्वर्गदूत उपासना कामोम लागाडीत होय तियाहा तुमु तुमाआ प्रतिफलो मेलविलो बाधक न बोनीलाकाजे आपलो एहेलू माहहू कायमच तिया दिव्य दर्शनाआ डिग देत रोत रोतो ज्याहा तिये पालील्यो होय अने आपाआ डीलो रीतीवाही विचार माकोतो खोरो अभिमानो सी पोल्यो रोतो,

कुलुस्सी 2:8

ध्यानाम मेका का तुमामे आपाआ तिया भौतिक विचार कोईलो अने खोल्यू परम्परा कोडु धोखा न जोळे जे मांहाहा रीती अने संसारो त्यापोरोत जोडयो ओतु जे ब्रम्हांडला अनुशासित कोनारी आत्माआ आपही होय न ख्रिस्ताआ.

1 तीमुथियुस 5:8

पोन जर कोडु आपाआ कऱ्याआ विशेष कोईत आपाआ कोऱ्या आरिजे चिंता कोईत नाहा ताहा तो विश्वास देखऊ सेटे निहित गोल्यो होय अने तो विश्वास न मिकनारापो रोते पोन वाईट बोणीत गोल्यो होय.

2 तीमुथियुस 4:3

काहाके एहेलू वेल आविलो जाहा मांहे खोरो मास्तर सहन कोअनारू नाहा पोन कान खाजविल्या आपाआ वासिला कोअता आपाहा जास्तीज मास्तर होदिलो काडनारू,

तीतुस 1:11

त्याआं सोब बंद कोअला जोवे ऐ मांहे अनीतीई कोमाई याकोअता व्यर्थ गोठी हिकाडीत कोओहो बिगाडीत टाकत्ले.

तीतुस 3:10

कोठलाज तडफिनाराहा एक बेन टायमोआ समजाविलो मुमजवून तियाआ अलग रोअलो,

इब्रानि 10:29

ताहा विचार कोईत तो केतो फासी शिक्षेस पात्र ठरेल जीआ परमेश्वरोओ पोऱ्याहा गुडावाही तुडव्या अने कराराच्या रक्ताआ ज्यावाही तो पवित्र ठरवील्यु ओतु अपवित्र होमाज्या होय अने कृपेच्या आत्माआ अपमान कोअयु होय.

1 पतरस 1:8

तिये तुमाआ पोल्यु नाहा बिना प्रेम कोअता, अने ओमे ताहा तियापो बिना पाल्यी विश्वास कोईत एहलो खुशिमेहे अने मग्न ओये जो वर्णन अने गौरवाआ वाणी पोअल्ये;

2 पतरस 2:3

ते लाभ जाअखो गोठी कोत तुमामे आपाआ लाभाओ कारण बोनाविही, अने जी दंडाओ आज्ञा तियापो पेलरोत ओत गोयीही तियाआ आवलोओ कीबी वेल नाहा अने तियाआ नाश उवलो नाहा.

1 यूहन्ना 2:26

आय ऐ गोठी तुमामे तियाआ विषय माय लेखिलो होय जे तुमामे बहकाडीलो,

1 यूहन्ना 4:1

हे प्रिय हर एक आत्माहा प्रतीत मा कोआ नेते आत्माआ पारक का ते परमेश्वरोओ विश्वास होय का नाहा काहाके खोब ठोग भविष्य कोअनारा जगत मेहे निकलित ऊबे ओत रोये ओ.

यहूदा 1:18

ते तुमामे कोयो रोत्ले, “फासाडीई दिहोमे एहलो यहा कोअनारे होय जो आपाआ अभक्तीई अभिलाषाआ नुसार चालणारे.”

यहूदा 1:4

काहाके का केतो एहलो मांहु बागेज आमा माय आवीत मिलीत गोयलो होय, ज्याआ आमू दंडो वर्णन जुनो टायमोआ माय पहिलुच लेख्यअ गोये ओते अने भक्तीहिन होय, अने आमा परमेश्वराआ कृपाला लबाडीम बदली टाकतले, अने आमाहा एक पोन स्वामी अने प्रभू येशु ख्रिस्ताआ इन्कार कोअतले.

प्रकाशितवाक्य 13:14

तियाअ चिंन्हाच्या कारनो कोईत, ज्याहा तिया पशुउ आगाडी देखाडीलो अधिकार तियाहा आप्लु गोये ओते, तो धोरतीपो रोणाराहा ढगवत ओतु अने धोरतीपो रोणाराओ कोयु ओतु का ज्या पशुउ तलवार लागीई ओती तो जिवंत ओवयू होय, तियाआ मूर्ती बोनाडा.

प्रकाशितवाक्य 2:13

आय ओ ओलखीत्लू का तू तिही रोतलू जीही शैतानो सिहासन होय; तू माआ नावापो स्थिर रोतलू, अने मापो विश्वास कोअल्यानी तियाअ बेनुमे पण फासाडी नाहा ओवयू ज्याआ माय माआ विश्वासयोग्य साक्षी अंतीया, तुमाआ माय तियाआ स्थानापो घात कोअल्यो गोल्यो जीही शैतान रोतलू.

प्रकाशितवाक्य 2:9

आयताआ त्रास अने गरिबिही ओलखीत्लू (परंतु तू मालक होय) अने जे मांहे खुदोहो यहुदी कोतेहे अने निमिले, पोन शैतानाआ मिटींग होय, तियाआ निंदाला पण ओलखीत्लू.

प्रकाशितवाक्य 3:8

आयताआ कामोहो ओलखीत्लू; पाला, आय ताआगाडी एक दरवाजू उगाडीत मेक्ल्ये होय, ज्याहा कोडु बंद नाहा कोहू शकत ताआ सामर्थ्य थोडोज ताहा होय, तेबी पण तू माआ वचनाआ पालीत कोल्यु होय अने माआ नावाआ नकार नाहा आप्यू.

प्रकाशितवाक्य 5:9

ते ओ नवो गीत गावुहू लागाडीत, “तू या पुस्तकाला लेईलो, अने तियाआ शिक्के उघाडल्यो योग्य होय; काहाके का तू वध लेत आपाआ रक्तावहि प्रत्येक जात अने भाषा अने मांहे अने जाती मायरोत परमेश्वरा कोअता मांहोहो वेसातो लेधलो होय,

प्रकाशितवाक्य 6:10

तिये वोडो शब्दामे आयडीत कोयु, “ओ स्वामी, ओ पवित्र अने खोरो; तू कोयो पर्यंत न्याय नाहा?” अने पृथ्वीई रोणारारी आमा रक्ताआ बदलू कोयो पर्यंत नाहा लेही?