1 तीमुथियुस 6:18 - नोयरी नोवलू नियम

¹⁸ तिये हाजो कोईओलो अने हाजा कामोम धनवान बोनाळीलो अने दिहरा होस अने मदत कोअलाआ तत्पर रोय,

1 तीमुथियुस 6:18 Iomraidhean Croise

मत्ती 5:42

जो कोडु ताआपो रोत मांगत्लू तियाहा आप, अने जो कोडु ताआपो रोत उसने मांगुई पालत्लू, त्यापोरोत आपाआ सोब फेरवूहू नाहा.

लूका 12:21

एहलो तो मांहु पण होय जो आपाआ याकोअता धन एकठे कोअत्लू, परंतु परमेश्वरोओ नजरो आगाडी मालक नाहा.

लूका 3:11

तो तियाहा उत्तर आपित ओतु, ज्यापो बेन अंगरखे होय तिये ज्यापो नाहा त्याआरी वाटीत लेदलेए अने ज्यापो ओन होय तिये पण ऐहलेच कोईओलो.

प्रेरितो काम 10:38

परमेश्वराने कोडला रीतीवाही येशु नासरीच्या पवित्र आत्माआ अने सामर्थ्यावाही अभिषेक कोअयू सत्कर्मे कोअत्लू अने आखाहा शैतान जे त्रास आप्लु ओते, हाजो कोईत फिर्यु, काहाके परमेश्वर तियाआ आरी ओतु.

प्रेरितो काम 11:29

तेहलाम शिष्यांनी निर्णय लेदो का हर एक जोओ आपाआ यथाशक्तीई अनुसार यहुदीयामेहे रोणारे पायहोओ सेवा कोअता किबी मोकलित.

प्रेरितो काम 9:36

याफा माय तबीता नावाआ एक शिष्या रोत ओती (ज्याचा अनुवाद होय दोर्कास अर्थात कुटार) ती कायम हाजो-हाजो काम कोईत ओती अने गोरब्योहो दान आपित ओती.

रोमि 12:13

पवित्र मांहाहा गरजा पुरो को पावनाहा खावाडीलो मदत कोअलाआ लागित रो.

रोमि 12:8

ज्याहा सुवार्ता कोअंलाअ वरदान जोडयेहे होय, तिये सुवार्ता सांगण्यात लागणारच रोअलो अने दान देणाऱ्याने ते औदर्याने आपलो अने जो दया कोअत्लू तिये ते खुश कोईली.

1 कुरिन्थि 16:2

हर एक हाप्ताम आपाआ कमाईमे रोत किबी न किबी आपाआ कोओ कोअता पण एखटो कोईत रो याकोअता का जांहा आय आविलो तहलाज मेहे दान एखटो कोअला वेल आविलो नाहा.

2 कुरिन्थि 8:12

काहाके जर मोनाआ तीयारी होय, तीयावाही दान पोन होव कोयत जाहो, जे त्याजागे होय किंवा तेहलो नाहा जे त्याजागे नाहा.

2 कुरिन्थि 8:9

तुमामे आमा प्रभू येशु ख्रिस्ताची कृपा मालुम होय का तो श्रीमंत ओतलू पण तो तुमा कोअता गरीब ओवयू म्हणजे तियाआ गरीब ओतगोयलो तुमु श्रीमंत उवे.

गलाती 6:10

आव होआता जोपोरोत प्रसंग मिले आमाहा आखाहा आरी हाजो कोईओलो, विशेषता विश्वासाम बंधून आरी.

इफिसी 4:28

चोरी कोअनारू ईजि चोरी नाय कोईओलो, पोन हाजो काम कोईलावाही आपाआ आथोसी परिश्रम कोईलो याकोअता का ज्याआपो आय तियाहा आपलो तियाआ जागे किबी रोहू.

1 तीमुथियुस 5:10

अने हाजा कामोम हाजो नाव होय जीयी पोऱ्या पालीत पोषणाआ कोल्यु होय अने हगवाड्याआ सेवा कोअयी होय पवित्र महुअ गुडू तुवयी ओय दुखीई मदत कोअयी होय हर एक हाजा कामोम मोन लागाडले होय.

तीतुस 2:14

तिये स्वतःहा आमा कोअता आप्लु, याकोअता का तो आखे प्रकाराआ अधर्म आमाहा वाचाडयो गोयो अने आपाआ निवाडल्या मांहाहा रुपोमे आपाहा शुद्ध कोईलो, आमाहा जे उत्तम काम कोइला कोअता लालायीत होय.

तीतुस 3:8

ए गोठी खोरी होय, अने आय होमजीत्लू का तू आव गोठीइ विषयी खात्रीवाही गोगनारू का याकोअता का जिये देवापो विश्वास मेकलू होय, ते हाजो-चांगले कामा माय कोइला कोअता लक्ष दयाहि गोठी हाजी अने मांहाहा लागि गोईली होय.

इब्रानि 13:16

हाजो कोअला अने दान आपनारु विहारायलो नाहा काहाके परमेश्वर एहलो बलिदानो कोअता खुश ओतू.

याकूब 2:5

ओ माआ प्रिय पाही, होमला की परमेश्वराने आव जगोमेऱ्या कंगालोहो नाहा निवडील्ये का विश्वासामेहे धनवान अने तियाअ राज्याआ अधिकारी होय, ज्याआ प्रतिज्ञा तिये तियाहा कोअयी होय जे तियापो प्रेम कोअता?

1 पतरस 3:11

तिये वाइटाआ होबती सोडविलो, अने हाजो कोईओलो; तिये मिळ सुळविलोओ हाजा, अने तियाआ आज्ञेत रोअलो,

1 यूहन्ना 3:17

पोन आ कोडापरोत जगोआ धनदौलत होय अने तो आपाआ पायहोहो गरीब पालीत तियापो दया आवयी न जोवे, ताहा तीयाम देवोओ प्रेम केहलो बोणीत रोते सेकतलो?

3 यूहन्ना 1:11

ऐ प्रीयांनो, सुकी नाहा पोन हाजाआ अनुयायी व्हा जो हाजो कोअत्लू, ते परमेश्वरा त्यापोरोत होय; पोन जो वाईट कोअत्लू, तिये परमेश्वरोओ नाहा पालील्यो.