1 तीमुथियुस 5:10 - नोयरी नोवलू नियम

¹⁰ अने हाजा कामोम हाजो नाव होय जीयी पोऱ्या पालीत पोषणाआ कोल्यु होय अने हगवाड्याआ सेवा कोअयी होय पवित्र महुअ गुडू तुवयी ओय दुखीई मदत कोअयी होय हर एक हाजा कामोम मोन लागाडले होय.

1 तीमुथियुस 5:10 Iomraidhean Croise

मत्ती 25:17

ह्याप्रमाणे ज्याहा बेन तोडा आप्लु ओते तिये पण ऐहलेच बेन तोडा फासी कोमाविले.

मत्ती 5:16

तुमाआ उजालो मांहा आगाडी ऐहकोईत सोमके का, तुमाआ हाजा कामाकोता पालीत तुमाआ बाह्हू जो होर्गाम होय तियाआ स्तुती कोअला जोवे.

लूका 7:38

अने तियाआ गुडाआ जागे, फासाडी उबी रोत, रडीत ओयताहा तियाआ गुडाहा आहावावाही पिगव्यी अने आपाआ मुडीई केहावाही नुसीलो लागाडीत, अने तियाआ गुडाहा घडी-घडी चुंबन लेत तियापो हाजलावास तेल लागाडले.

लूका 7:44

अने तिया बोथिई जागे फिरीत तिये शिमोनाआ कोयु, “नाहाकोत तू आव बुईही पालीत होय? आयताआ कोअमे आवयू परंतु माआ गुडू तुवीलो याकोअता पाई आप्लु नाहा, पण तीही माआ गुडू आह्वावांही पिगव्यी अने आपाआ केहावाही नुसल्यो.

प्रेरितो काम 10:22

तिये कोयु, कर्नेल्या सुबेदार जो धोर्मी अने परमेश्वरोओ घाबरीला अने यहुदी जाती माय हरोनाव मांहु होय तिये एका पवित्र स्वर्गदूता पासून ओच निदर्शन आव्ये का माहु ताआपो रोत माहु वचन उजाडीला होय.

प्रेरितो काम 22:12

तेहलाम हनन्या नावाआ नियमशास्त्राआ नुसार सालनारू एक भक्त मांहु जे तीइही रोणारे आखे यहुदी माहुंमे नाव लौकिक ओतमाआ जागे आवयू,

प्रेरितो काम 6:3

ताहा पाही प्रतीष्ठीत पवित्र आत्माआ अने समझदार पुरो सात माहुउ निवोड को आमाहा याआ कार्याकोता तियाहा अधिकारी बानडह.

प्रेरितो काम 9:36

याफा माय तबीता नावाआ एक शिष्या रोत ओती (ज्याचा अनुवाद होय दोर्कास अर्थात कुटार) ती कायम हाजो-हाजो काम कोईत ओती अने गोरब्योहो दान आपित ओती.

प्रेरितो काम 9:39

तेहलाम पेत्र तीयार ओतगोयु त्याआरी निघाल्यू, अने जांहा पेत्र तीइही पुगीतगोयू तेहलाम तियाहा माडीपोऱ्या खोलीम घेऊन गोये तीइही आखे रोंडाली दु:ख कोईत अने तीई कुर्ते अने दिहरे कापडे ज्याहा दोरकास लेतजा जांहा ती त्याआरी ओती बोनाडल्ये ओते पालीत तिया आगाडी फासाडी उबी रोली.

रोमि 12:13

पवित्र मांहाहा गरजा पुरो को पावनाहा खावाडीलो मदत कोअलाआ लागित रो.

इफिसी 2:10

काहाके का आमू तियाआ बोनाडल्ये होय, अने ख्रिस्त येशुमेहे तिया हाजा कामा कोअता बोनाडहि गोयल्यु चिन्ह परमेश्वराने पेलरोत आमाहा कोइला कोअता तीयार कोल्यु.

कुलुस्सी 1:10

याकोअता का तियाआ प्रकारे जीवित सेकेहे जेहलो प्रभूहु होबल्लू, हर एक प्रकारे तुमु प्रभूहु कायम खुश को तुमाआ आखे काम हमेशा सफळता जोडयो ओवे तुमाआ जीविलो काजे हाजा कामाला फोल लागा तुमु प्रभू परमेश्वरोओ ज्ञानात वोदिते रो,

1 तीमुथियुस 2:10

पोन हाजा कानोवाही होबाडू काहाके परमेश्वरोओ भक्ती कोअनाऱ्या बोअयीही ओच योग्य होय.

1 तीमुथियुस 3:2

ओ आवश्यक होय का अध्यक्ष निर्दोष रोंहु जोवे एकाच बोहई माटी रोंहु जोवे स्वतःहा आवरीनारू, सुशील होबे पावनाय कोअनारू अने शिकाडेलो निपुण रोहूजवे.

1 तीमुथियुस 3:7

बारथेए माय बी तियाआ निंदा उवूंहू नाहा, तिये शैतानाआ फांदोम फसुहु नि जुवे.

1 तीमुथियुस 5:16

जर कोडु विश्वासणाऱ्यांच्या इही रोंडाली ओता ताहा तहाच तियाआ मदत कोईली का मंडलीपो वजन आवहू कायना म्हणजे मंडली तियाआ मदत कोहू सेकेहे ज्या खरोज रोंडाली होय.

1 तीमुथियुस 5:25

तेहलूज किबी हाजो काम बी प्रकट ओये अने जे एहलो रोत नाहा तेबी निकाहू शकत नाहा.

1 तीमुथियुस 6:18

तिये हाजो कोईओलो अने हाजा कामोम धनवान बोनाळीलो अने दिहरा होस अने मदत कोअलाआ तत्पर रोय,

2 तीमुथियुस 1:5

माहु ताआ तिया निष्कपट विश्वासाआ ओर येत जो पहीले ताआ वोडी याहही लोईस अने ताआ याह्ही युनी माय ओतु अने माहु खात्री होय का तुमामे पोन होय.

2 तीमुथियुस 2:21

जर कोडु स्वतःहा त्याहीजरोते शुद्ध कोअनारू ताहा तो स्नमानोवाही बासणा अने पवित्र ठरेल अने मालकाहा कामोम आवे अने हर एक हाजा कामा कोअता तीयार उवे.

2 तीमुथियुस 3:15

अने हानेदेखुज तू पवित्रशास्त्र शिकायो होय जो ताहु ख्रिस्तापो विश्वास कोलाकोता तारण मेलविलो बुद्धिमान बानडह शकतो.

2 तीमुथियुस 3:17

त्यापोत परमेश्वरोओ भक्त पुरो ओतगोयु अने हर एक हाजा कामा कोअता तीयार ओतगोयु जाअलो.

तीतुस 2:14

तिये स्वतःहा आमा कोअता आप्लु, याकोअता का तो आखे प्रकाराआ अधर्म आमाहा वाचाडयो गोयो अने आपाआ निवाडल्या मांहाहा रुपोमे आपाहा शुद्ध कोईलो, आमाहा जे उत्तम काम कोइला कोअता लालायीत होय.

तीतुस 2:7

तुमु स्वतःहा हर एक गोठीमे आदर्श बोणीत,

तीतुस 3:1

मांहोहो सोमजाड़ के हकीमोंहो अने अधिकारी अधीन रोआ अने त्या आज्ञा माने अने हर एक हाजा कामोओ कोअता तियार रोवा,

तीतुस 3:14

आमाहा मांहे पोन गोरजेहे पुरो कोइला कोअता हाजा कामोमे कोइला कोअता हिके म्हणजे निष्फळ नाहा रोअलो.

तीतुस 3:8

ए गोठी खोरी होय, अने आय होमजीत्लू का तू आव गोठीइ विषयी खात्रीवाही गोगनारू का याकोअता का जिये देवापो विश्वास मेकलू होय, ते हाजो-चांगले कामा माय कोइला कोअता लक्ष दयाहि गोठी हाजी अने मांहाहा लागि गोईली होय.

इब्रानि 10:24

अने प्रेम अने हाजा कामोम उत्सुक कोअला एक दिहराआ चिंता कोईत रो,

इब्रानि 13:2

पावनाय कोअला विहारायलो नाहा काहाके याच्याद्वारे किबी माहु मालुम नसताना स्वर्गदूताआ सेवा कोअयी होय.

इब्रानि 13:21

तुमामे हर एक हाजा गोठीमे पुरो उविलो होय याकोअता तुमु तियाआ इच्छा पुरो कोईलो अने जे किबी तियाहा गोमतो येशु ख्रिस्ताच्या त्यापोरत आमा माय निर्माण कोईलो तीयाआज गौरव कायम उवनारा रोअला आवे आमेन.

1 पतरस 2:12

अन्यजाति तुमाआ चाल-चलाविलो हाजो जाहा म्हणजे ज्या-त्या गोठीमेहे ते तुमामे दुष्कर्मी होमजीत बदनामी कोअता, ते तुमाआ हाजो कामा कोअता पालीत तियाआ कारनो कोईत कृपा-दृष्टीई तेदीही देवोओ गौरव कोईलो.

1 पतरस 4:9

विना कुरकुर कोईत एक दिहराआ होगवाड्या सत्कार कोअलो.

3 यूहन्ना 1:12

दिमोत्रीयसच्या विषया माय आखाज, नहाते खोरो पोन आपाआ साक्ष आप्यी; अने आमू बी साक्ष आपोहो, अने तू ओलखीत्लू का आमाआ साक्ष खोरी होय.