1 तीमुथियुस 3:16 - नोयरी नोवलू नियम

¹⁶ यामे शंका नाहा का भक्तिई गूढ जाखोज होय म्हणजे तो जो डील प्रकट ओवयू आत्माम धोर्मी ठरवील्यु, स्वर्गदूताहा देखायू, दिहरे जातीमेहे तिया प्रचार ओवयू, जगात तियापो विश्वास कोअयु गोल्यो अने गौरवात उसे विशिलो गोल्यो.

1 तीमुथियुस 3:16 Iomraidhean Croise

मत्ती 1:23

पाला एक कुवारी गर्भवती ओवे अने तेए एक सुआहा जोल्मो आपी अने तियाआ नाव ईम्मानुएल एहलो मेकण्याम आवे ज्याचा अर्थ होय, परमेश्वर आमा आरी होय

मत्ती 13:11

तो तियाहा कोयु परमेश्वरोओ होर्ग्याआ राज्याआ गूढ भेदोओ समज तुमाहा आप्युहू पण तियाहा नाहा.

मत्ती 28:2

अने पाला एक वोडू भूकंप ओवयू, काहाके प्रभूआ दूत होर्गामरोत उतरीलो अने जागे आवीत तियाआ डोणुहु ढेपलीत आप्लु, अने तियाआ उपो बोहित गोल्यो.

मत्ती 3:16

अने बाप्तिस्मे लेदले ताहा येशु लागेज पाअयोपो रोत उसे आवयू अने पाला, जुग उगाडीत गोये, तिये परमेश्वरोओ आत्माहा कबूतरो रुपात उतरीलावेले अने तियापो आविलावेले पालील्यो.

मत्ती 4:11

फासाडी शैतान तियाहा सोडीत निहित गोल्यो अने पाला, स्वर्गदूत आवित तियाआ सेवा कोआ वोल्या.

मरकुस 1:13

त्याजागे शैतान तियाआ परीक्षा लेत ओतलू तो डोगोम सालीह दीही रोला, तो वनपशुमेहे ओतु, अने स्वर्गदूत तियाआ सेवा कोईत ओते.

मरकुस 16:19

प्रभू येशु त्याआरी गोठी कोईलानंतर होर्गाम लेदो गोल्यो अने परमेश्वरोओ हुदिवोल बोहित गोल्यो.

मरकुस 16:5

कब्राआ जागे जात तिये जुवानाहा उजले कापडे कालीला हुदिवोल बोहीतरोल्यु पाल्यू, अने जाखो चकित उवे.

लूका 2:32

काहाके का तो अन्यजाति प्रकाश आपलो कोअता उजालो, “अने ताआ निसाऱ्ये मांहे इस्राएल ची महिमा होय”

लूका 20:44

दाविदा ताहा तियाहा प्रभू कोत्लू; फासाडी तो तिया पोऱ्ये केहलु नाहाकोत बोनल्यो?”

लूका 22:43

तेहलाम होर्गामेऱ्ये एक दूत आवयू तो तियाहा सामर्थ्य आपित ओतु.

लूका 24:4

तेहलाम तियाअ यापो चिंताम पोड्यो का तियापो चमकणाऱ्या फडकाआ बेन माहहू उभे रोल्या.

लूका 24:51

तियाहा आशीर्वाद आपित ओतलू तिये तियाहा सोडीत आप्लु अने फासाडी तो होर्गांम उपो लेदो गोल्यो.

युहन्ना 1:14

अने वचन देहधारी उवे; अने अनुग्रह अने खोरावाही पुरो ओतगोयु आमा माय रोला, अने आमाहा तियाआ एहलो गौरव पालील्यो, जेहलो का बाह्हाआ एखली होमला ची महिमा.

युहन्ना 13:3

येशु ओ उलखित्लू ओतु का माआ बाह्हू आखे किबी तियाआ आथे होफहोपिन आप्लु होय अने तो परमेश्वारापोरोत आवयू होय अने पर्मेश्वरारी फासी जात होय,

युहन्ना 15:26

पोन जाहा अतो मदत कोअनारू आविलो ज्याहा आय तुमापोओ बाह्हाप रोत मोकलीही म्हणजे खराआ आत्माआ जो परमेश्वारापोरोत आवत्लू ताहा तो माआ साक्ष होय,

युहन्ना 16:28

आय बाह्हासी जगात आवयू होय, आय फासी जगाला सोडीत बाह्हाही जात्लू.

युहन्ना 17:5

त्याकोता तू पण माहु गौरवी कोओ माआ ओबा, तोज गौरव माहु आप जो जुगाआ पालील्यो ताआरी माहु जोडयो ओतु.

युहन्ना 20:12

बेन स्वर्गदूतो उजले कापडे कालीत एकाहा मुनको जागे अने एकाहा गुडू जागे बोहितरोलो पालील्यो, जीही येशु तियाआ डील मेक्ल्ये ओते.

युहन्ना 6:62

जर तुमु माअहा पोऱ्याहा जीही तो पहीले ओतु तीइही उसे जाआत्लू पालनारू ताहा नाहाकोत उवे?

प्रेरितो काम 1:19

आव गोठीमे यरुशलेमाआ रोणारे आखे होमजीत गोये इहिंजा का तियाअ खेता नाव तियाआ भाषम हकलदमा म्हणजे रक्ताआ खेत पोडीत गोये.

प्रेरितो काम 10:34

तेह्लाम पेत्राई कोयु ओमे माहु निच्छित मालुम होय का परमेश्वर कोडाआ पक्षपात कोईत नाहा,

प्रेरितो काम 14:27

तीही पोतडहु तिये मंडली एकठे कोल्यु अने जे किबी परमेश्वराने तियाहा पोरोत कोल्यु ओते ते कोत देखाये ओते अने ओ पण का तेहे परमेश्वराने जे अन्य जाती नाहा त्याकोअता विश्वासाआ दरवाजू उगाडीत आप्यू.

प्रेरितो काम 20:28

याकोअता आपाआ अने पुरो झुडाची चौकशी कराज्याच्यात पवित्र आत्माआ तुमामे मुख्य ठेरवीही होय का तू परमेश्वरोओ मंडळ्याही होंबाला कराज्याला तिये आपाआ रक्तानी वेसातो लेधलो होय.

रोमि 10:12

यहुद्यामे अने यूनानी माय किबी भेद नाहा याकोअता का तो आखाआ प्रभू होय, अने आपाआ आखा कोअता जे तियाआ नाव लत्ले उद्धार होय.

रोमि 10:18

पोन आय कोत्लू, कि तिये होमल्यु नाहा? होमल्यु ताहा होय काहाके का लेखिलो होय “तिया स्वर आखे धोरतीपो अने तियाआ वचन जुगाआ शेवटपोरोत पुग्या होय”

रोमि 16:25

ओमे जे तुमामे माआ सुवर्तेहस अर्थात येशु ख्रिस्ताचे संदेशाच्या प्रचाराच्या नुसार स्थिर कोहू शकतो तियाअ भेदच्या उजवोडोओ अनुसार जे कायम गुप्त मेक्ल्ये ओते,

रोमि 16:26

पोन ओमे जोडयो ओतगोयु सार्वकालिक देवाची आज्ञानी पवित्र संदेष्टाआ पुस्तकामेहे त्यापोरत आखे जातीही कोइतलु गोये होय का विश्वासानी ओमे होमजीलो ओतगोयु जा,

रोमि 3:4

कदाचित नाहा नहाते परमेश्वर खोरो अने हर एक मांहु ठोग ठरेल, जेहलो लेखिलो होय, जीयेतीये तू आपाआ गोठीही धोर्मी ठोराव्योल्यो न्याय कोइलाआ टायमोमें तू विजयी पावेल.

रोमि 8:3

काहाके जे काम नियमशास्त्र डीलो स्वभावा मुळे दुर्बल ओत न कोल्यु गेत्लो देवूही कोल्यु अर्थात स्वतःआ पोऱ्याहा पापी डीलोहोसे देहाने अने आबा हक अते मोक्ल्यीत देहामेहे दंडाज्ञा कोअयी.

रोमि 9:5

पूर्वजही तियाज होय अने ख्रिस्तपण डीलोओ बोहे ज्याचमेहे होय आखाज परम परमेश्वर कायम धन्य ओवे, आमेन.

1 कुरिन्थि 15:47

पेल्लू मांहाहा धरतीई कादवो वांही बोनाड्यू गोल्यो अने दिहरु मांहु (ख्रिस्त) होर्गामरोत आवयू.

1 कुरिन्थि 2:7

पोन आमू ते गुप्त ज्ञान जे उघड नेसलेल्या रीतीपो कोत्लू ज्याहा परमेश्वराने कायम त्यापोरोत आमा गौरव कोअता नियुक्त कोल्यु होय.

2 कुरिन्थि 1:19

काहाके परमेश्वरोओ पोऱ्या येशु ख्रिस्त ज्याआ आमा त्यापोरत कोअतीज माआ अने सिलवानुस अने तीमुथियुस त्यापोरत तुमामे प्रचार ओवयू तीयाम होय, नाहा एहलो निमिले पण तीयाम होव अने होव ओवयी.

गलाती 2:8

पोन याआ व्यतिरिक्त जांहा तिये पालील्यो का जेहलो सुंता कोइत लेदलो प्रेषित कोअता सुवार्तेचे काम पेत्राहा तीया देखाडले तेहलूज अन्य जाती न कोअल्याहा मांहु सुवार्ता होमलिलो तीया देखाडले गोये,

गलाती 4:4

पोन जाहा काळा पुरो ओवयू तियाअ परमेश्वराने आपाआ पोऱ्याहा मोक्ल्यीत जो बुई त्यापोरोत जन्मूला अने नियमशास्त्राआ होपित उत्पन्न ओवयू,

इफिसी 1:9

काहाके का तिये आपली इच्छा भेद तिया हाजा संकल्पा नुसार आमाहा कोयु, तिये तियाहा आपाहा स्वतःहा ठाणून लेधलो ओते.

इफिसी 6:19

अने माकोअता बी का तू माहु गोगीलावेले एहलो प्रबळ वचन आप्लु जावा का तुमामे हिमंत आरी सुसमाचारो भेद कोहू गोयो

कुलुस्सी 1:23

ओ तोयोज ओवुहू गोयो जाहा तुमु विश्वासा पायु ख्रिस्ताम अटल बोणीत रो अने सुवार्ताआ मदतीवाही आशा आप्यी जाति रोईली एहेज परित्याग कोहू नाहा जे तुमु होमल्यु होय याआ जुगोओ निसे होय हर एक जनावराहा तिया उपदेश आप्यू होय अने आय पौलुस तियाच सेवक बोल्यू होय.

कुलुस्सी 1:27

परमेश्वर आपाआ भक्त जोह ओ प्रकट कोहू इच्छित ओतू का ओ पुरो खोरो केते वैभव पुरो होय त्याजागे आ राजपुरो खोरो अन्य जाती होय अने आ गूढ पुरो खोरो ओ होय का ख्रिस्त तुमापोओ रोतलू अने परमेश्वरोओ गौरव जोडयो कोइला कोअता तो एक आमाआं आशा होय.

कुलुस्सी 1:6

सुवार्ता आखे जगात सफळ उवनारा होये सफळ उवनारा होय का जेहलो तुमाआ माय ओ तीया देखुहु सफळता उवनारा होय जाहा तुमु परमेश्वरोओ कृपा विषयी होमल्यु ओते अने खोरोज तियाहा होमजे ओते.

कुलुस्सी 2:2

याकोअता का तियाआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आखो धन जो खोरो ज्ञानाने जोडयो ओते तियाहा मिलुजोवे तेहलूज परमेश्वरोओ गूढ पुरो खोरो तियाहा जोडयो उवे तो गूढ पुरो खोरो स्वतः ख्रिस्त होय.

2 थिस्लोनी 1:10

ऐ तिया तेदीही उवे जाहा तो आपाआ पवित्र माहुंमे गौरव मिलविला कोअता अने आखे विश्वास करणारा मेहे आश्चर्याआ काहाके उविला कोअता आविलो काहाके तुमु आमा साक्षीपो विश्वास कोअयु.

2 थिस्लोनी 2:7

काहाके अधर्म गूढ ओमे बी काम कोईत जात होय, पोन ओमे एक उब राखनारू होय जोपोरोत तो सेटे उवनारा नाहा तो थोबिलो रोही.

1 तीमुथियुस 3:9

पोन विश्वासाआ रहस्याहा शुद्ध विवेकाने हाजूहोय मेकुहू जोवे.

इब्रानि 1:3

तो तियाआ गौरवो तेज अने तिया तत्वाचा प्रतिरूप होय, अने आखे सामानोओ आपाआ सामर्थ्याआ वचनाने सामालीत होय तो पापोहो तोवीत उसा जागापो महामहीम हाजावोगे जात बोहयु होय,

इब्रानि 12:2

अने विश्वास निर्माण कोअनारू अने पुरो कोअनाऱ्या येशु जागे पालीत रोअलो जीआ तियाअ आनंद जो त्याआगाडी तोअलु ओतु, लाजीई किबी चिंता न कोईत क्रूसचा दुख सहन कोअयु अने सिहासन पोओ परमेश्वरोओ हुदिवोल जात बोहयुहू.

इब्रानि 7:7

यामे शंका नाहा का हानू वोडो त्यापोरोत आशीर्वाद मिललू.

इब्रानि 8:1

ओमे जी गोठी आमू कोअताहा तियामेहे रोत वोडी गोठ ऐ होय का आमाआ एहलू महायाजक होय जो होर्गा पोओ महामहिमोओ सिहांसनोओ हुदिवोल जात बोहयुहू.

1 पतरस 1:12

त्यापोरोत ओ प्रगट कोअल्यो गोये का ते आपाहा नाहा पोन तुमाआ सेवा कोअता ए गोठी कोयु रोत ओते, ज्याआ सुवार्ता ओमे तुमामे तियाआ व्दारे जोडयेहे जिये पवित्र आत्माआ व्दारे, जो होरगापोरोत मोकोल्या गोल्यो, तुमामे सुवार्ता होम्लाडी; अने आव गोठी कोअता स्वर्गदूत बी लक्ष आपित पालीलो लोभ कोअता.

1 पतरस 1:20

तियाआ ज्ञान ताहा जुगाआ उत्पतिच्या पहीले पोरोत होमज्ये ओते पोन ओमे आव शेवटच्या युगामेहे तुमाआ याकोअता प्रगट ओयो.

1 पतरस 1:21

तियाआ व्दारे तुमु देवापो विश्वास कोअता, जिये तियाहा मोल्यामरोत जिवंत कोयु अने गौरव आप्लु का तुमाआ विश्वास अने आशा देवा को होय.

1 पतरस 3:18

याकोअता ख्रिस्ताने पोन, म्हणजे अधर्मी याकोअता नितीमानाने, पापाआ कार्नावाही एक टायमोआ दु:ख सहन कोयु, यकोअता का आमाहा देवाजागे पुगाडे, तो देह रुपात जीवे मारीलो गोल्यो, पोन आत्माआ रुपोमे जीवतो कोअयु गोल्यो.

1 पतरस 3:22

तो होर्गापोरोत जात देवाआ हाजाडी जागे बोहयु अने स्वर्गदूत अने अधिपती अने सत्ताधीश तियाआ आधीन मेकल्ये.

1 यूहन्ना 1:2

ओ जीवोन प्रगट उवे, अने आमू तियाहा पालील्यो, अने तियाआ साक्ष आपोहो, अने तुमामे तिया अनंत जीवनाआ सुवार्ता कोअता जे बाह्हारी ओतु अने आमापो प्रगट ओवयू

1 यूहन्ना 3:5

तुमाहा मालुम होय का ते याकोअता प्रगट ओवयू का पाप हरिन कोईली; अने तियाआ स्वभावोमे पाप नाहा.

1 यूहन्ना 3:8

जो कोडु पाप कोअत्लू तो शैतान त्यापोरोत होय, कोडु सौतान पेलरोत पाप कोईत आवयू होय परमेश्वरोओ पोऱ्या याकोअता प्रगट ओवयू का सौताणा काम नाश कोइला कोअता.

प्रकाशितवाक्य 17:5

तिया माथ्यापो ओ नाव लेखिलो ओते, “वोडी बाबेल पृथ्वीई वेश्या अने अशुद्ध याह्ही.”

प्रकाशितवाक्य 17:7

ओमे तिया स्वर्गदूतांवाही माहु कोयु तू काहा चकित ओवयू? आय तियाअ बुई अने तियाअ पशु, ज्यापो ती बोही होय अने तियाआ सात मुंडको अने दहा हिगों होय, ताहु भेद देखाडत्लू.

प्रकाशितवाक्य 7:9

याआ फासाडी आय जग पाल्यू, प्रत्येक जाती-जाती अने कुल अने भाषा अने मधु एक एहली गोर्दी जीही कोडु गोनिलो शकत ओतु, पाडो कापडे रीगडल्यो अने आपाआ आथोमेहे खजुराओ डाली मागल्यो सिहासना आगाडी अने कोकऱ्याच्या आगाडी उबी होय,