1 थिस्लोनी 4:8 - नोयरी नोवलू नियम

⁸ त्यापोत जो याहा तुच्छ ने मान्तलू तो मांहाहा नाहा पण परमेश्वरोओ तुच्छ ने मान्तलू जो आपाआ पवित्र आत्माआ तुमामे आपोहो.

1 थिस्लोनी 4:8 Iomraidhean Croise

लूका 10:16

“जे तुमाअच स्विकारेहे, तो माहु मानत्लू; अने जो तुमामे तुच्छ मोनोहो, तो माहु तुच्छ मोनोहो; अने जो माहु तुच्छ मोनोहो, तो माआ मोकलीनाराहा तुच्छ मोनोहो”.

युहन्ना 12:48

जो माहु तुच्छ मोनोहो अने माआ गोठी ग्रहण कोईत नाहा तियाहा दोषी ठेरविनारू ताहा एकुच होय. अर्थात जे वचन आय कोयु होय, तोज फासाडीई दिहोम तियाहा दोषी ठेरवीही.

प्रेरितो काम 13:41

ऐ निंदा कोअनारावाही, पाला अने आश्चर्य को अने निबरीत जा, काहाके आय तुमाआ दिहोमे एक काम कोअत्लू एहलो काम का केधी कोडु तुमाही तियाआ चर्चा कोअयेते केधी तुमु विश्वास कोअनारू नाहा.

रोमि 5:5

अने आशेनी लजीत उवनारा नाहा काहाके पवित्र आत्माआ जी आमाहा आप्या गोल्यो होय तियाआ व्दारे परमेश्वरोओ प्रेम आमा मोनुमे मेकल्या गेल होय.

1 कुरिन्थि 2:10

पोन परमेश्वराने तियाहा आपाआ आत्माआ त्यापोरत आमा उपो प्रगट कोल्यु काहाके आत्माआ आखे गोठी पारखुन लेहो एवडोज नाहा ताहा परमेश्वरोओ नीकाईसरोल्या गोठी पण पारखिल्यु लेहो.

1 कुरिन्थि 7:40

पोन जीही होय जर तेहलीज रोहुताहा माआ विचारोम फासी धन्य होय; अने आय होमजीत्लू का परमेश्वरोओ आत्माआ मामेह पण होय.

2 कुरिन्थि 1:22

जीआ आमाहा ठासु पण कोईत आप्यू होय आत्माहा आमा मोनामे आप्लु होय.

गलाती 4:6

अने तुमु जे पुत्र होय त्यापोत परमेश्वराने पोऱ्याआ आत्माहा जोओ ओबा, अने ओ ओबा एहलो कोत आवाज देत्लू.

1 पतरस 1:12

त्यापोरोत ओ प्रगट कोअल्यो गोये का ते आपाहा नाहा पोन तुमाआ सेवा कोअता ए गोठी कोयु रोत ओते, ज्याआ सुवार्ता ओमे तुमामे तियाआ व्दारे जोडयेहे जिये पवित्र आत्माआ व्दारे, जो होरगापोरोत मोकोल्या गोल्यो, तुमामे सुवार्ता होम्लाडी; अने आव गोठी कोअता स्वर्गदूत बी लक्ष आपित पालीलो लोभ कोअता.

2 पतरस 1:21

काहाके कोडली बी भविष्यवाणी मांहाहा इच्छावाही केधी नाहा उवी, पोन भक्त पवित्र आत्माआ व्दारे उभीरोत देवा कईही गोगले.

1 यूहन्ना 3:24

जो तियाआ आज्ञा मोनोहो, तो तीयाम अने तो तीयाम बोणीत रोहो अने त्याआरी, म्हणजे तियाअ आत्मा आरी जो तिये आमाहा आप्यू होय, आमाहा मालुम होय का तो आमापो बोणीत रोहे.

यहूदा 1:8

तिया रीतीवाही अने स्वप्नदर्शी बी आपाआ-आपाआ डीला अशुद्ध कोअता, अने अधिकारोहो बी तुच्छ मानतेहे, अने उचो पद वालाहा हाजो वाईट कोतेहे.