1 थिस्लोनी 2:8 - नोयरी नोवलू नियम

⁸ अने तेहलूज आमाहा तुमाआ इच्छा कोईत ओते एवडोज नाहा ताहा परमेश्वरोओ सुवर्तेवर आपाआ जीव तुमामे आपुहू तीयार ओते त्यापोत ए तुमु आमाहा प्रिय ओतगोयु ओते.

1 थिस्लोनी 2:8 Iomraidhean Croise

लूका 7:2

तीइही कोडू होमला सुबेदाराआ एक दास जो तिया गोमनारू ओतु, बिमारीम मोअनारू ओतु.

रोमि 1:1

पौलासा आ वोगेरोत जो येशु ख्रिस्ताआ दास होय अने प्रेषित उविलाआ कोअता हादडल्यु गोल्यु होय अने परमेश्वरआ त्या सुसमाचाराआ कोअता अलग कोअल्यु होय

रोमि 10:1

ऐ पाही, माआ मोनाआ इच्छा अने तियाआ कोअता परमेश्वराहा माआ प्रार्थना होय का वे तियाहा उद्धार जोड़े.

रोमि 15:29

अने आय ओलखीत्लू का जांहा आय तुमाही आवे तेहलाम ख्रिस्ताचे पुरो आशीर्वाद आरी आवे.

2 कुरिन्थि 12:15

आय तुमाआ आत्मा कोइत जास्तीज आनंदावाही खोर्चू कोअनारू पण स्वतःपण खोर्चू ओत जानारू की जेवडे जाखो आय तुमापो प्रेम कोअत्लू तेवडोग कोम तुमु मापो प्रेम कोअनारू?

2 कुरिन्थि 6:1

आमू जे परमेश्वरोओ मदत कोइलो होय ओ पण साम्जाविलो का तियाआ कृपा जी तुमापो उवी तियाहा व्यर्थ मा जांहु देवा.

गलाती 4:19

ऐ माआ पोऱ्या जोपोरोत तुमामे ख्रिस्ताचे रूप बोनावोओ नाहा तोपोरोत आय तुमा कोअता फासी प्रसुती वेदना होसे तारास खेटेहे.

फिलिप्पी 1:8

परमेश्वर माआ साक्षीदार होय का आय तुमा कोअता लालसा कोअत्लु.

फिलिप्पी 2:17

तुमाआ विश्वास एक बलिदान अने सेवा होसे होय जर माआ रक्त तुमाआ जोरोपे द्राक्षरस ओतीत आप्यू तेबी तो माहु पोटल्यो होय तुमाआ प्रसंन्नते मेहे माआ पोन सहभाग होय.

फिलिप्पी 2:20

काहाके दिहरु एहेलू माहहू नाहा का ज्याआ मनो मा सारखो होय अने जो तुमाआ हाजाकोअता खोरो मोनाकोईत चिंताम होय.

फिलिप्पी 4:1

याआ कोअता ऐ माआ प्रिय पाहि ज्यामेहे माआ जिव लागाडित रोतलू, जो माहू खुशीई अने मुकुट होय ऐ प्रिय पाही प्रभु में एहल्यास प्रकारे स्थिर रोवा.

कुलुस्सी 1:28

आमाहा जो ज्ञान जोडयो उवे होय तियाआ योग्य वाप्रिलो कोईत आमू प्रत्येकाहा निर्दोष अने शिक्षण प्रदान कोईत रोतो याकोअता का आमू तियाहा ख्रिस्तामेहे तियाहा एक पुरोओत माहहू बोणाडीत परमेश्वरोओ आगाडी उभे कोहू शकतो माअहुहू त्याज शिक्षण आपोहो तेहलूज आपाआ आखे ओक्कल हर एक माअहुहू तीयाआज शिक्षण आपित रोतो याकोअता का हर एक माअहुहू ख्रिस्तामध्ये बोणीत परमेश्वरोओ आगाडी उवो कोलो गोये.

कुलुस्सी 1:7

आमाहा प्रिय होबती सेवक इपफ्रास त्यापोरोत जे आमा कोअता ख्रिस्त येशु माय विश्वासु सेवक होय तुमु सुवार्ताआ हीनु लेधलो होय

कुलुस्सी 4:12

इपफ्रास आ पोन तुमामे नमस्कार तो तुमामेऱ्या एक होय अने ख्रिस्त येशुउ सेवक होय तो कायम तुमा कोअता त्रस लेत तुमाआ काजेज हमेशा प्रार्थना कोईत होय का तुमु आध्यात्मिक रुपोमे पुरो बोणीत विकास कोईत रो पुरु विश्वास पुर्वोज परमेश्वरोओ इच्छेनुसार कोईत रो.

फिलोमोन 1:1

पौला वोलरोत जो मसीह येशुउ कैदी होय अने पाही तीमुथियुस वोलरोत आमाआ प्रिय हेगांति फिलेमोन,

इब्रानि 13:17

आपाआ अधिकाऱ्याआ आज्ञा माना अने तियाआ अधीन रो काहाके ते त्यासारखो तुमाआ जीवोअ रक्षणाकाजे जागतू रोत्ले ज्याहा हिशोब आपा लागे तियाआ ओ काम आनंदावाही कोईलो कण्हत-कण्हत कोहू कायना काहाके आव परीस्थीतीम किबी फायदु नाहा.

1 यूहन्ना 3:16

आमू प्रेम याआ होमज्ये का तिये आमा कोअता आपाआ जीव आपित आप्यू; अने आमाहा पोन पायहो कोअता जीव आप्लु जोवे.