1 पतरस 4:2 - नोयरी नोवलू नियम

² काहाके का मांहुहू आपाआ उरील्योओ देहा मेरये जीवोन मांहाहा वासना प्रमाणोओ नाहा ताहा परमेश्वरोओ इच्छेवाइहि नुसार वागीलो.

1 पतरस 4:2 Iomraidhean Croise

मत्ती 12:50

काहाके जो कोडु माआ बाह्हाआ जो होर्गाम होय तो तियाआ इच्छापूर्ण कोअत्लू तोज माआ पाही माआ बोईही अने याह्ही होय.

मत्ती 20:4

तो तियाहा कोयु, तुमुबीही द्राक्षा मोलाम जा, जे योग्यते आय तुमाहा आपही; अने ते गोये.

मत्ती 21:31

आव बेनुरोत कोडु आपाआ बाह्हाहा इच्छा पुरो कोअयी? तिये कोयु दिहरा येशु तियाहा कोयु तुमामे खोरोज कोत्लू का तुमाआ पेल्लु जकातदार अने वेश्या परमेश्वरोओ राज्याम प्रवेश कोअनारू.

मत्ती 7:21

हर एक जोओ जो माहु ओ प्रभू, ओ प्रभू कोत्लू, तिया होर्ग्याआ राज्याम प्रवेश उवे नाहा, पण जो माआ होर्गाआ बाह्हाआ इच्छेवाही चालीलो तोज होर्ग्याआ राज्याम प्रवेश उवे.

मरकुस 3:35

जो कोडु देवाच्या इच्छेवही वागीलो तोज माआ पाही, तेज माआ बोईही अने तेज माआ याह्ही.

मरकुस 7:21

काहाके मायरोत म्हणजे मांहुंहु मोनम रोत वाईट विचार निकले,

युहन्ना 1:13

ते नाहा रक्ताआ, नाहा डीलोओ इच्छावाहि नाहा मांहाहा इच्छावाहि परंतु परमेश्वरा त्यापोरोत उत्पन्न उवे होय.

युहन्ना 7:17

जर कोडु तियाआ इच्चेप सालीला इच्छा कोअत्लू, ताहा तो आव हिकवोणीही होमजीत जानारू का ओ परमेश्वारापोरोत होय किंवा मापोरोत कोयु होय.

रोमि 12:2

या संसारो सारखे बोनहू नाहा, परंतु आपाआ मोनोमेहे नोवो कोयलो जी जीव रुपांतर ओवुहू आपा, ज्याआपोरोत तुमु परमेश्वरोओ उत्तम, अने ग्रहणीय अने सिद्ध इच्छा महामुंदू होमजीत लेत रो.

रोमि 14:7

काहाके आपामेहे कोडु स्वतः कोअता जगत नाहा अने कोडु स्वतः कोअता मोईत नाहा.

रोमि 6:11

ऐहलेच तुमु पोन आपाआ स्वतःहा पापो कोअता ताहा मरा, परंतु देवोकोते ख्रिस्त येशुमेहे जिवंत सोमजा.

रोमि 6:2

कदाचित नाहा आमाहा जांहा पापो कोअता मोअये ओते तेहलाम आगाडी तीयाम केहलो जीवोन घालवणार?

रोमि 7:4

तेहलूज माआ पाहीही तुमु पण ख्रिस्त देह्च्या झर नियमशास्त्रासाआ मोल्या बोणाडीत गोये, का तियाअ दिहरा जो मोअलाम रोत जीवतो ओवयुहु आमाहा परमेश्वरा कोअता फोल लेतावुहु जुवे.

2 कुरिन्थि 5:15

अने ते यावाही आखे आरी मोल्यु का जो जिवंत होय ते आगाडी आपाहा जिवंत उवूंहू नाहा पण त्याकोअता जो त्यांकोअता मोल्यु अने फासी जिवंत ओवयू.

इफिसी 2:3

यामे आमू बी आखे च्या आखे पहीले आपाआ डीलोओ वासानामे चालते ओते, अने डील अने मोनाआ इच्छा पुरो कोईत ओते अने दिहरे माहुहूस स्वभावाहि क्रोधाचे पोऱ्ये ओते.

इफिसी 4:17

याकोअता आय ओ कोत्लू अने प्रभूमे आग्रह कोअत्लू का जेहलो अन्यजाति मांहे आपाआ मोनोमेहे भ्रष्टतेत सालत्ले तुमु ओमोरोत फासी एहलो नाहा चालीलो.

इफिसी 5:17

आव कारनोवाही निर्बुद्धी न होय पोन लक्ष्य आपित समजीलो का प्रभूऊ इच्छा नाहाकोत होय

इफिसी 6:6

माहुहुं प्रसन्न कोअनाराआ सारखो ऐ देखाडीला कोता सेवा कोहू नाहा पोन ख्रिस्ताच्या दासोओ एकहरको मोनाकोईत परमेश्वरोओ इच्चेप चाल्यो,

कुलुस्सी 1:9

याकोअता का ज्या दिहेरोत याविषयी होमल्यु होय आम्हुबी तुमा कोअता प्रार्थना कोइला कोअता अने ओ विनंती कोइला कोअता सोडये नाहा प्रभूऊ ज्ञान, आखे प्रकाराआ सोमझे पोने जो आत्माआ आपोहो, तुमामे जोडयो ओवो अने तुमु बुद्धी बी जोडयो को,

कुलुस्सी 3:3

काहाके तुमु आखाआ जुनो व्यक्तिमत्व मोअये होय अने तुमाआ जीवोन ख्रिस्ता आरी परमेश्वरा मेहे लीकाल्यो होय.

कुलुस्सी 4:12

इपफ्रास आ पोन तुमामे नमस्कार तो तुमामेऱ्या एक होय अने ख्रिस्त येशुउ सेवक होय तो कायम तुमा कोअता त्रस लेत तुमाआ काजेज हमेशा प्रार्थना कोईत होय का तुमु आध्यात्मिक रुपोमे पुरो बोणीत विकास कोईत रो पुरु विश्वास पुर्वोज परमेश्वरोओ इच्छेनुसार कोईत रो.

1 थिस्लोनी 5:18

आखी गोठीमे धन्यवाद आपा काहाके तुमा कोअता ख्रिस्तामेह परमेश्वरोओ एज इच्छा होय.

इब्रानि 13:21

तुमामे हर एक हाजा गोठीमे पुरो उविलो होय याकोअता तुमु तियाआ इच्छा पुरो कोईलो अने जे किबी तियाहा गोमतो येशु ख्रिस्ताच्या त्यापोरत आमा माय निर्माण कोईलो तीयाआज गौरव कायम उवनारा रोअला आवे आमेन.

याकूब 1:18

तिये आपाआ ए इच्छावाही आमाहा सत्त्याआ वचनाआ द्वारा पोयदा कोअयू, अने आपु तिया सृष्टी ओवली वस्तू मेहे एक प्रकारो पेल्लो फल होय.

1 पतरस 1:14

आज्ञाकारी पोऱ्याहोस, आपाआ आज्ञा नाव स्थेमेहे आपाआ पूर्वीई वासना नुसार वागू वर्तुक नाहा.

1 पतरस 2:1

याकोअता आखा प्रकाराआ बैरभाव अने छल अने कपट अने डाह अने निंदा सेटे कोईत,

1 यूहन्ना 2:17

जगोआ अने तियाआ अभिलाषा बेनु नाहा एहली ओत जातेहे पोन जो परमेश्वरोओ इच्चेप चालीलो तो कायम बोणीत रोही.