1 पतरस 3:4 - नोयरी नोवलू नियम

⁴ पोन तुमाआ निकालो अने गुप्त मांहो कोअता, सौम्य अने मोनाआ शांतीई अविनाशी सजविलो हारकीज रोअलो, काहाके देवाआ दृष्टी मेहे तियाआ बहुमुल्य होय.

1 पतरस 3:4 Iomraidhean Croise

मत्ती 11:29

माआ जुवालो आपापो विसित ल्या अने मापोरोत हिकिलो काहाके आय नम्र अने मोनाकोईत गरीब होय अने तुमाहा तुमा मोनामे आराम जोडे.

मत्ती 21:5

सियोनाहा पोरीहा कोआ पाला ताआ राजा तापो आवीत होय तो नम्र होय अने तो गोदडीइ गोदडापिलापो नाहा पण रक्ताआ बोसापो बोहयु होय.

मत्ती 23:26

ओ आन्दला परुसी पालील्यो ताठ अने वाटीत आव्यु मायरोत गाह ज्यायाकोलो ते बारथेरोत पण साफ ओतगोयु जानारू.

मत्ती 5:5

“धन्य होय जे नम्र होय, काहाके ते पृथ्वीई अधिकारी ओवे.”

लूका 11:40

ऐ मुर्खाआ, जीआ बारथे भाग बनविल्यो होय नाहाकोत तिये विसमे भाग बनविल्यो नाहा नाहाकोत

लूका 16:15

आवे तिये तियाहा कोयु, तुमु एहलो होय जे मांहा आगाडी धोर्मी देखाडणारु का तुमु जाखो हाजो होय परंतु परमेश्वर तुमाआ मनाहे ओलखीत्लू मांहे ज्याहा-ज्याहा जाखो किमती होमजीतेहे ते परमेश्वरा कोअता ते तुच्छ होय.

रोमि 1:23

अने अविनाशी परमेश्वरोओ गौरवाला नाश उवानारो मांहु अने सिडे चतुष्पाद, अने होरकीज किडा प्रतिमेच्या रुपशी अदला बदल कोअयी.

रोमि 2:29

पोन तू यहुदी तो होय जो मोनामेहे, अने सुंता अने आत्माम रोत होय नाहा का लेखिलो एहलो का प्रशंसा माहामोरोत नाहा पोन परमेश्वारापोरोत ओये.

रोमि 6:6

आमाहा मालुम होय का आमाआ जुनो मांहु तियाआ आरी ख्रिस्तापो सोडवियू गोल्यो, काहाके पापाआ डील व्यर्थ ओतगोयु जानारू अने आमाहा आगाडी कोता पापाआ दासत्व कोहू कायना.

रोमि 7:22

काहाके का आय मायतो माहुहू ताहा परमेश्वरोओ नियमशास्त्रातून जाखो प्रसन्न रोतलू.

2 कुरिन्थि 10:1

आय तोज पौलुस जो तुमा आगाडी नम्र होय पण फासओ तुमाही हिमंत कोअत्लू का तुमामे ख्रिस्ताची नम्रता अने समस्यामुळ समजाडत्लो.

2 कुरिन्थि 4:16

त्यापोत आमाहा हिमंत सोडीत नाहा म्हणजे आमाआ बारथे माहुमे नाश उवनारा जात्लू तेबी पोन आमाआ मायतो माहुमे हर एक तेदीही नवो उवनारा जात्लू.

गलाती 5:23

नम्रता अने सौम्यता होय; एहलो-एहलो कामा विरूध नियमशास्त्र नाहा.

इफिसी 4:2

म्हणजे पुरो नम्रतेने अने सौम्यतेणे, अने धीर तोईत प्रेमोवाही एक दिहराआ सहन कोईलो;

कुलुस्सी 3:12

काहाके तुमु परमेश्वरोओ पवित्र अने प्रिय निवडील्ये गोये होय याकोअता सहानुभूती दया नम्रपणा, कोमलता अने धीरज तोईत रो,

कुलुस्सी 3:3

काहाके तुमु आखाआ जुनो व्यक्तिमत्व मोअये होय अने तुमाआ जीवोन ख्रिस्ता आरी परमेश्वरा मेहे लीकाल्यो होय.

1 थिस्लोनी 4:11

अने जीही आमू तुमामे आज्ञा आप्यी होय तेहलूज ठावकू पणे रोंहु अने आप आपाआ काम कोअला अने आप आपाआ आताई कामाविलो प्रयत्न कोआ,

2 थिस्लोनी 3:12

एहलाहा आमू प्रभू येशु ख्रिस्तामेहे आज्ञा आपोहो अने समजाडत्लो का ठावकू पणे काम कोईत आपाज रोहू खायलो रोअलो.

1 तीमुथियुस 2:2

राजा कोअता अने उच्च पदोवाला कोअता का आमाहा विसाक अने शांती लेतजा आखी भक्ती अने गंभीरतेने जीवोन जीविल जोवे.

2 तीमुथियुस 2:25

तो विरोध कोआनाराहा नम्रतेने सोमजाडनारू रोंहु जोवे कोडाआ मालुम का परमेश्वर तियाहा मोन फिरविला कोअता मोन आपही का ते पण सत्याहा ओलखीत लेही,

तीतुस 3:2

कोडाहबी बदनाम नाहा कोहू, झगड़ालू मा ओविही; पोन सौम्य स्वभावाचा होय, अने आखे मांहाहा आरी वोडा नम्रतेने रोअलो.

याकूब 1:21

यकोअता आखे मलीनता अने उंच बळून आवल्यु दृष्ट भाव सेटे कोईत, तियाअ वचनाआ सौम्यतेणे ग्रहण कोईत ल्या हृदयात ओअत्लू अने जे तुमाआ जीविलो तारण कोहू शकतो.

1 पतरस 1:23

कोयु तुमु नाश उवानारो नाहा पोन अविनाशी बीज सी, देवाआ जीवोन अने कायम टिक्नारो वचनाआ व्दारे नवो जोल्मो जोडल्यो होय.

1 पतरस 3:15

पोन ख्रिस्ताहा प्रभू होमजीत आपाआ-आपाआ मोनामे पवित्र सोमजा जो कोडु तुमामे तुमाआ आशाआ विषयाम कोयो फ़ुस्ल्याआ, तियाहा उत्तर आपलो कोअता कायम तियार रो पोन नम्र अने बिकोरी;