Biblia Todo Logo
Bìoball air-loidhne

- Sanasan -




1 यूहन्ना 4:9 - नोयरी नोवलू नियम

9 जे प्रेम परमेश्वरआ आमापो मेकोहो, ओ याआ प्रगट उवे का परमेश्वराने आपाहा होमले एखलूच एक पोऱ्या जगोमेह मोकल्यु होय का तो तियाआ त्यापोरत जीवोन जोडीत.

Faic an caibideil Dèan lethbhreac




1 यूहन्ना 4:9
27 Iomraidhean Croise  

ओमे एकुच जोओ रोत गोल्यो, तो तियाआ प्रिय पोऱ्या ओतु; आखरी तिये पण तिया जागे ओ विचार कोईत मोक्ल्यीत का ते माआ पोऱ्याहा आदर कोआ.


प्रभूआ आत्माआ मामेहे वास कोईत होय तिये माहु अभिषेक कोल्यु होय त्याकोता का आय गोरब्योहो सुवार्ता कोईली तिये माहु तोईत मेकलेल्याआ सुटीत अने आंदलाहा फासी पालता आवे घोषणा कोईली, दाबल्यो जात होय तियाहा सोडवीत मोकलित.


सूर आवत्लू तो-तो फक्त चोरी, खून अने नाश कोइला कोअता आवत्लू परंतु आय याकोअता आवयू होय का मांहोहो जाअखो जीवोन जोडे.


येशु तियाहा कोयु, मार्ग अने सत्य अने जीवोन आयुज होय; माआ वासित बाह्हा जागे कोडूच जानारू नाहा.


काहाके देवूही जुगोपो एहलो प्रेम कोल्यु का तिये आपाआ एखलूच एक पुत्र आप्यू, यकोअता का जो कोडु तियापो विश्वास मेकोहो तिया नाश ओवुहू कायना ताहा तियाहा सार्वकालिक जीवोन जोडीत.


जो तियापो विश्वास मेकोहो, तिया न्यायनिवाडा नाहा उवनारा, पण जो तियापो विश्वास नाहाकोईत, तो सुकीत जोडत्लू; याकोअता का तिये देवाआ एखलूच एक पुत्राच्या नावापो विश्वास नाहाकोईत.


का आखे मांहे जेहलो बाह्हाआ सन्मान कोअता तेहलूज पोऱ्याआ पण सन्मान कोअला जोवे जो पोऱ्याआ सन्मान कोईत नाहा तो बाह्हाआ जीआ तियाहा मोक्ल्यीत होय तियाहा सन्मान कोईत नाहा.


येशु तियाहा उत्तर आप्लु, “परमेश्वरोओ काम ओ होय का तुमु तियापो ज्याहा तिये मोक्ल्यीत होय विश्वास को”


जीवनोओ भाकर जी होर्गामरोत उतरी आय होय जर कोडु आव रोटामरोत खाही तो सार्वकालिक जिवंत रोही; अने जी भाकर आय जुगाआ जीवना कोअता आपी ते माआ माहा होय.


जेहलो जिवंत बाह्हू मला मोक्ल्यीत होय अने आय बाह्हा वाही जिवंत होय तेहलूज तो पण जो माहु खाही माआ वोजोसे जिवंत रोही.


अने जीआ माहु मोक्ल्यीत होय तो माआरी होय, तिये माहु एखुल्योज सोडये नाहा काहाके कायम आय तोज कोअत्लू जे तियाहा गोमतो.


येशु तियाहा उत्तर आप्लु, जर परमेश्वर तुमाआ बाह्हू ओतलू ताहा तुमु मापो प्रेम कोल्यु ओते काहाके आय परमेश्वारापोरोत आवयू होय अने ओमे आय इंही होय आय इंही स्वताहून आवयू नाहा परंतु तिये माहु मोक्ल्यीत होय.


येशुनी उत्तर आप्लु, “नाहा तिये पाप कोल्यु ओते नाहा तियाआ याह्ही-वडिलांनी पोन ऐ याकोअता उवे का देवोओ काम तीयाम प्रगट उवे.


जीयाई आपाआ पोऱ्याहा राखीत न मेक्ल्ये तो आमाहा आखे किबी काहा नाहा आपी?


काहाके स्वर्गदूत मेहे तोओ कोडाआ कोयु, “तू माआ पुत्र होय, आज आय ताहु जोल्मो आप्यू होय?” अने फासाडी ओ, “आय तिया बाह्हू ओविही, अने तोओ माआ सुउ ओवे?”


आमू प्रेम याआ होमज्ये का तिये आमा कोअता आपाआ जीव आपित आप्यू; अने आमाहा पोन पायहो कोअता जीव आप्लु जोवे.


प्रेम यामेहे नाहा का आमू परमेश्वरोओ प्रेम कोयु पोन यामे होय का तियाहा आमापो प्रेम होय अने आमा पापाआ प्रायश्चितला लेत आपाआ पोऱ्याहा मोक्लोयो.


जे प्रेम परमेश्वर आमापो मेकोहो, तियाहा आमू ओलखीत लेधलो अने आमाहा तियाआ विश्वास होय, अने जो प्रेमा माय रोतलू तो परमेश्वरा माय रोतलू अने परमेश्वर तीयाम रोतलू.


अने ए साक्ष ती होय का परमेश्वराने आमाहा सार्वकालिक जीवोन आप्लु होय, अने ओ जीवोन तियाआ पोऱ्या मेह माय होय.


आय तुमामे जे परमेश्वरोओ पोऱ्या नावापो विश्वास कोअता, याकोअता लेखिलो होय का तुमामे मालुम रोहू का सार्वकालिक जीवोन तुमाआ होय.


Lean sinn:

Sanasan


Sanasan