1 यूहन्ना 4:10 - नोयरी नोवलू नियम

¹⁰ प्रेम यामेहे नाहा का आमू परमेश्वरोओ प्रेम कोयु पोन यामे होय का तियाहा आमापो प्रेम होय अने आमा पापाआ प्रायश्चितला लेत आपाआ पोऱ्याहा मोक्लोयो.

1 यूहन्ना 4:10 Iomraidhean Croise

युहन्ना 13:34

आय तुमामे नवो आज्ञा आपोहो का तुमु एकमेकाआरी प्रेम को जेहलो आय तुमामे प्रेम कोल्यु होय तेहलूज तुमुबीही एकमेकाआरी प्रेम को.

युहन्ना 15:16

तुमु माहु निवडील्ये नाहा ताहा आय तुमु निवडील्ये होये आने ठेरव्यो का तुमु जात फोल घेऊन आव अने तुमाआ फोल टीकित रोंहु जोवे का तुमु माआ नावामेहे जे किबी माआ बाह्हाप रोत मागहू तो तुमामे आपे.

युहन्ना 3:16

काहाके देवूही जुगोपो एहलो प्रेम कोल्यु का तिये आपाआ एखलूच एक पुत्र आप्यू, यकोअता का जो कोडु तियापो विश्वास मेकोहो तिया नाश ओवुहू कायना ताहा तियाहा सार्वकालिक जीवोन जोडीत.

युहन्ना 6:51

जीवनोओ भाकर जी होर्गामरोत उतरी आय होय जर कोडु आव रोटामरोत खाही तो सार्वकालिक जिवंत रोही; अने जी भाकर आय जुगाआ जीवना कोअता आपी ते माआ माहा होय.

इब्रानि 2:17

यामुळे तियाहा जोवे ओते का आखे गोठी आपाआ पायहो होस बोनिलो जोवे याकोअता तो तियाअ गोठीमेहे जे परमेश्वरा बरोबर संबध मेकात्ले एक दयालु अने विश्वास महायाजक सेवक बोनिलो जोवे म्हणजे माहु पापो कोअता पश्चताप कोअनारू.

1 पतरस 2:24

तो स्वता आमा पाप आपाआ डिलोपो लेत वधस्तंभपे सोडवीत गोल्यो, ज्याही आमू पापो कोअता मोईत धार्मिकता याकोअता जिविलो तियाआ माआदे खालोओ तुमु हाजो उवे.

1 पतरस 3:18

याकोअता ख्रिस्ताने पोन, म्हणजे अधर्मी याकोअता नितीमानाने, पापाआ कार्नावाही एक टायमोआ दु:ख सहन कोयु, यकोअता का आमाहा देवाजागे पुगाडे, तो देह रुपात जीवे मारीलो गोल्यो, पोन आत्माआ रुपोमे जीवतो कोअयु गोल्यो.

1 यूहन्ना 2:2

अने तोज आमा पापाआ प्रायश्चित होय, अने फक्त आमाहीजे नाहा ताहा आखे जुगाआ पापाहा पण.

1 यूहन्ना 3:1

पाला बाह्हू आमूउ आरी केहलो प्रेम मेकल्यो होय का आमू परमेश्वरोओ सोए कोवाया अने आमू होय बी या कारणों वाई संसार आमाहा नाहा उल्खीतू काहाके तेए बी तियाआ नाहा उलख्ये.

1 यूहन्ना 4:19

आमू याकोअता प्रेम कोअत्लू, का पेलेला तिये आमापो प्रेम कोल्यु.

1 यूहन्ना 5:11

अने ए साक्ष ती होय का परमेश्वराने आमाहा सार्वकालिक जीवोन आप्लु होय, अने ओ जीवोन तियाआ पोऱ्या मेह माय होय.