1 यूहन्ना 1:3 - नोयरी नोवलू नियम

³ जे किबी आमू पालील्यो अने होमलित होय तिया सुवार्ता तुमामे पोन आपोहो, यकोअता का तुमु पण आमा आरी सहभागी ओवो; अने आमाआं ए सहभागीता बाह्हा सोबत अने तियाआ पुत्र येशु ख्रिस्ताच्या आरी होय

1 यूहन्ना 1:3 Iomraidhean Croise

युहन्ना 17:11

आय ओमे अने जाखा वेल जगात नाहा परंतु ते जगात होय ओमे आय तापो आवीत होय ओ पवित्र बाह्हू आपाआ तियाअ नावोओ शक्तीवांही तियाआ राखिलो कोजे तू माहु आप्लु होय याकोअता का जेहलो तू अने आय एक होय ते पण एक उवे.

युहन्ना 17:21

ते आखे एक उवे, जेहे बाह्हू मामेहे होय, अने आय तामे होय, तेहेज तेए बी आपाम रोय, याकोअता का जगोवाही विश्वास कोईओलो का माहु तू मोकल्यीत होय.

युहन्ना 17:25

ओ धोर्मी ओबा, जग ताहु उलखित्लू नाहा परंतु आय ताहु ओलख होय अने माआ शिष्य ओलखीत का तू माहु मोक्ल्यीत होय.

युहन्ना 17:3

अनंत जीवोन ओ होय का ते ताआ एकमात्र खोरो परमेश्वर अने येशु ख्रिस्ताहा ज्याहा तू मोकल्यीत होय ओलखेहे.

युहन्ना 19:35

जीआ ओ पालील्यो तिये ओ साक्ष आप्यी होय अने तियाआ साक्ष खोरी होय अने तियाहा मालुम होय का तो खोरोज कोत्लू का तुमु पण विश्वास मेकिलो.

प्रेरितो काम 13:32

आमू तिया प्रतिज्ञाच्या विषया माय जी आगला आरी कोअयी गोयी ओती तेज सुवार्ता होमलाड्यू,

प्रेरितो काम 13:41

ऐ निंदा कोअनारावाही, पाला अने आश्चर्य को अने निबरीत जा, काहाके आय तुमाआ दिहोमे एक काम कोअत्लू एहलो काम का केधी कोडु तुमाही तियाआ चर्चा कोअयेते केधी तुमु विश्वास कोअनारू नाहा.

प्रेरितो काम 2:42

अने ते प्रेषितापोरोत शिक्षाम लेई, अने संगति मेकिलो अने रुटू तोडूहु, अने प्रार्थना कोइला कोअता तीयार रोत.

प्रेरितो काम 20:27

काहाके का परमेश्वरोओ आखे मनोरथाला तुमामे पुरो रीतीवाही कोहू डगमग्यु नाहा.

प्रेरितो काम 4:20

आमाहा जे किबी पालील्यो होय अने जे किबी होमल्यु होय ते कोओला आमाहा थोब नाहा शेकता.

रोमि 15:27

तियाहा हाजो ताहा वाटेम, परंतु ते त्याआं कर्जदार होय, काहाके का अन्य जाती केधी आध्यात्मिक गोठीमेहे सहभागी ओयताहा तियाहा पण उचित होय का शारीरिक गोठीमेहे तियाआ सेवा को.

1 कुरिन्थि 1:30

पोन तुमु येशु ख्रिस्तस्तात त्याज कारनोवाही स्थिर होय तोज परमेश्वरोओ वरदानाआ रुपात आमाआं बुद्धी बोणीत गोये होय त्याज त्यापोरत आमाहा निर्दोष ठरविल्यो होय म्हणजे परमेश्वरोओ वोलरोत उवे अने पवित्रता अने छुटकारु मिले,

1 कुरिन्थि 1:9

परमेश्वर खोरो अल्पविश्वसी विश्वास होय, जीआ तुमामे आपाआ पुत्र आमाआ प्रभू येशु ख्रिस्ताच्या सहभागीता मेहे हाद्युह्यू.

1 कुरिन्थि 15:1

ऐ पाही ओमे आय तुमाहा तोज सुसमाचार कोत्लू जो पेल्लू बी आय होमलाडीत देदुहु जीही स्थिर बी होय.

2 कुरिन्थि 13:14

प्रभु येशु ख्रिस्ता अनुग्रह अने परमेश्वरा अने प्रेम अने पवित्र आत्माआ सहभागिता तुमु आखा आरी ओती रोय.

इफिसी 3:6

म्हणजे ओ का ख्रिस्त येशुमेहे सुवार्ताआ व्दारे अन्यजाति मांहे मीरामेहे साक्षी, अने एकुच डीलोओ अने वचनाने सहभागी होय.

फिलिप्पी 1:7

तुमु आखाज माकोअता एहेलू विचार ठीक होय काहाके तुमु आखे माआ मोनामे होय अने फक्त तियाआ वेले नाहा का आय जेलूम ओतू पोन तेहलाज मेहे बी ज्या वेळेस आय सुवार्ता राखिलो कोईत रोतो, तुमु आखे यामे विशेष अधिकारी रुपोमे माआ कृपा वाईहि सहभागी उवे होय.

फिलिप्पी 2:1

ओमे जर मसीह मेहे कीबी प्रोत्साहन अने प्रेम मेहे धाडस अने आत्माआ सहभागीता अने काही करुना अने दया होय,

फिलिप्पी 3:10

आय ख्रिस्ताहा ओलखुहू इच्छितो अने तिया शक्तीचा अनुभव कोअला होय ज्याआपोरोत तियाआ पुनरुस्थान उवे ओते आय तियाआ क्लेशा मेहे पण सहभागी ओवुहू इच्छितो अने तियाआ रुपोहो मेलवूहु इच्छितो ज्याहा तिये आपाआ मोईत जुळाविते ओते

कुलुस्सी 1:13

परमेश्वराने अंधारा मेहे शक्तीही देखू आमाहा तारण कोयु अने आपाआ प्रिय पोऱ्या याआ राज्याम आमाआ प्रवेश कोईत आप्यू,

1 थिस्लोनी 1:10

अने तियाआ पोऱ्याहा होर्गामरोत आविलाआ वाट जुवता रोवा ज्याहा तिये मोल्यामरोत जिवंत कोल्यु, काहाके येशुउ जो आमाहा आवनाराआ संकटा मेहे सोडवित्लो.

1 तीमुथियुस 6:2

ज्याआ मालक विश्वासणारे होय तियाहा ते पाही होमजीत तुच्छ मानु कायना पोन तियाआ फासी सेवा कोईली काहाके त्यांपोरोत फायदा कोअनारे विश्वासी अने प्रेम होय आव गोठीई हिकवन आपित रो अने होमजाडीत रो.

इब्रानि 2:12

तो कोत्लू आयताआ नाव आमा पायहोहो कोनारू सभा माय आयताआ भजन गानारू.

इब्रानि 3:1

याआ कोअता ऐ पवित्र पाही तुमु जे होर्गाआ हादिलामेहे भागी होय तियाआ प्रेरित अने महायाजक येशु पोओं ज्याहा आमू अंगीकार कोअतले होय द्यान कोआ.

इब्रानि 3:14

काहाके आमू ख्रिस्ताचे सहभागी उवे होय जर आमाहा पेल्लाठीच भरोसापो शेवटपोरोत मजबुते स्थिर रोल्या.

1 पतरस 5:1

तुमा मेहे जो डायु होय, आय तियाआ हार्कू डायु अने मसीहाआ दुःख हा साक्षी अने प्रगट ओवनारी गौरव मेहे सहभागी ओत तियाहा सोम्जाडत्लू होय.

2 पतरस 1:16

काहाके जाहा आमू तुमामे आपाआ प्रभू येशु ख्रिस्ताआ सामर्थावाही अने आगीमेहे सुवार्ता आप्लु ओते ताहा ते तियापो रोते बोनाडल्ये गोठीही अनुसरून नाहा ओते परंतु आमुज तियाहा आरि आरिज पालील्यो ओते.

1 यूहन्ना 1:1

तियाआ जिविनाआ वचनाआ विषयोमेहे जो पेल्लू ओतु ज्याहा आमू होमले अने ज्याहा आमू आपाआ डोआवाही देख्या होय पोन ज्याहा आमू द्यान देत पाल्याहा अने आथोवाही सापलित पाल्याहा

1 यूहन्ना 1:5

जो समाचर आमाहा तियाआ होमल्या एकाहा अने तुमामे कोतेह, ते आ होय का देव प्रकाश होय अने तीयाम किबी आंदारो नाहा.

1 यूहन्ना 1:7

पोन जर एहलो ते उजवोडाम होय, तेहलूज आम्हुबी उजवोडाम सालीलो, ताहा एक दिहराआरी सहभागी मेकात्ले, अने तियाआ पुत्र येशुउ रक्त आमू आखाहा पापम रोत शुद्ध कोअत्लू.