Урымшылар 3:3 - Инжил

³ Аьше, ювытлардынъ бир кесеклери Ога алал болмасалар ша? Олардынъ сенимсизликлери Алладынъ да сенимсиз болганын коьрсетерме?

Урымшылар 3:3 Iomraidhean Croise

Матай 24:35

Коьк пен ер йогалып кетерлер, тек Меним соьзлерим йогалмаслар».

Яхья 1:16

Онынъ шетсиз кыйырсыз ийгилигиннен баьримиз де артлы артыннан шапагатын аламыз.

Урымшылар 10:16

Ама Ийги Хабарды баьриси де кабыл этпедилер. Ешая пайхамбар айткандай: «Я Раббий, меннен эситкенине ким ынанды экен?»

Урымшылар 11:29

Неге десе Онынъ савгалары эм шакырувы артына алынмас.

Урымшылар 9:6

Ама Алла Оьзининъ соьзин толтырмады деп, айтпайман. Исраилшилердинъ баьриси де шынты Исраил тувыллар.

2 Коринтшилер 3:18

Бизден буьркеншик алынып тасланганга коьре баьримиз Раббийдинъ данъкын бияладай коьрсетемиз. Биз барган сайын оьсетаган данък пан туьрленемиз, Раббийге коьптен коьбирек усаймыз. Бу зат Раббийдинъ Рухы аркалы болады.

2 Салоникшилер 1:3

Кардашлар, сиз уьшин аьр заманда да Аллага шуькир этпеге керекпиз. Бу – дурыс зат, неге десе иманынъыз оьлшемсиз оьседи эм аьр биринъиздинъ бир биринъизге суьйиминъиз коьбирек бола барады. Сол себепли, биз оьзимиз сизинъ иманынъыз эм тоьзимлигинъиз бен сондай кыйынлыкларды эм кувгынлыкларды басынъыздан кеширетаганынъыз уьшин, сизи мен Алладынъ ямагатларында мактанамыз.

2 Тимотей 2:13

Сенимсиз болсак та, Ол сенимли болып калады: Масих Оьзи Оьзиннен басын алалмайды!»

Ювытлар 4:2

Биз де, тап солардай, Ийги Хабарды алганмыз, тек олар эситкен соьзди иманы ман кабыл этпегенлери уьшин сол соьзден пайда алмаганлар.