Урымшылар 16:7 - Инжил

⁷ Мени мен бирге тутнакта болган ырувдасларым Андроникке эм Юнияга салам. Олар элшилер арасында белгили аьдемлер эм Масихке меннен алдын ынанганлар.

Урымшылар 16:7 Iomraidhean Croise

Яхья 14:20

Сол куьн Мен Атамда, а сиз Менде эм Мен сизде болганымды анъларсыз.

Яхья 15:2

Ол Менде болган емиссиз бутаклардынъ баьрисин кеседи, а емис берген аьр бутакты, тагы да емисли болсын деп, тазалайды.

Яхья 6:56

Денимди ашаган эм канымды ишкен – сол Менде, Мен де ондаман.

Урымшылар 16:10

Масихке алаллыгы тергелген Апеллеске салам. Аристобулдынъ уьйдегилерине салам.

Урымшылар 16:11

Меним ювыгым Иродионга салам. Наркистинъ уьйдегилериннен Раббийге байыр болганларга салам.

Урымшылар 16:21

Меним кызмет досым Тимотей сизге салам береди. Ювыкларым Лукий, Ясон, Сосипатер де салам бередилер.

Урымшылар 16:3

Иса Масихке мени мен бирге кызмет кылган Приска ман (эри) Аквилага салам.

Урымшылар 16:6

Сиз уьшин коьп ислеген Марияга салам.

Урымшылар 16:8

Раббийдинъ йолында барган баалы досым Амплиятка да салам.

Урымшылар 16:9

Мени мен бирге Масихке кызмет кылатаган Урбанга эм баалы досым Стахиске салам.

Урымшылар 8:1

Сога коьре Иса Масихке байыр болганларга энди бир туьрли оьким йок.

Урымшылар 8:11

Эгер дейим Масихти оьлилерден тирилткен Алладынъ Рухы сизде яшайтаган болса, Сол, Масихти оьлилерден тирилткен, ишинъизде яшайтаган Оьзининъ Рухы ман сизинъ оьлеек шаркынъызга яшав береек.

1 Коринтшилер 1:30

Неге десе Алла аркалы сиз Иса Масих пен бирликте турасынъыз. Масих бизим уьшин Алладан келген акыллылык болды. Масих аркалы Алла бизди аклады, Оьзине байыр этти эм эркинликке еткерди.

2 Коринтшилер 11:23

Олар Ибрагимнинъ тувдыклары ма? Мен де онынъ тувдыгыман. Олар Масихтинъ кызметшилери ме? Берлидей айтаман: мен – тагы да бек. Мен коьп те куллык эткенмен, коьп те тутнакларда олтырганман, мени аямай тоьбелегенлер, коьбинше – оьлим аьлде болганман.

2 Коринтшилер 12:2

Масихке байыр бир аьдемди таныйман. Он доьрт йыл артта (билмеймен денинде ме яде денининъ тысында, ол бир Аллага белгили, мен билмеймен) ол уьшинши коькке алынган эди.

2 Коринтшилер 5:17

Соьйтип, бирев Масихке байыр болган болса, янъыдан яратылган болады. Аьвелгисиндеги озып кеткен, соьлегисининъ баьриси де янъы.

2 Коринтшилер 5:21

Неге десе Ол, бизди Масих аркалы аклап, куьнадынъ не болганын билмеген Масихти бизим уьшин куьнага курман этти.

Галатияшылар 1:22

Юдеядынъ иман ямагатларында мен эш биревге де белгили тувыл эдим.

Галатияшылар 2:2

Алла мага соьзин ашып, сонда бармага буйырган эди. Мен ондагы энъ белгили аьдемлер мен тек коьрисип, оларга миллетлер арасында уьйрететаган Ийги Хабарды айттым: куллыгымнынъ аьлиги яде алдынгы заманда босына ма экенин билмеге суьйдим.

Галатияшылар 2:6

Ама белгили деп саналганлар – бир вакытларда олар кайдай болган болсалар да, мага баскалыгы йок: Алла аьдемнинъ тыс сыпатына карамайды. Сол белгили аьдемлер айтканларыма эш бир зат коспадылар.

Галатияшылар 5:6

Неге десе Масих Исада суьннетли де суьннетсиз де болув маьнели тувыл. Тек суьюв аркалы аьрекетлеген иман маьнели.

Галатияшылар 6:15

Сенинъ суьннетинъ барма яде йокпа – ол маьнели тувыл. Маьнелиси – (Алла ман) янъы яратылган болувынъ.

Эфесшилер 2:10

Неге десе биз Алладынъ эткен исимиз. Биз Масих аркалы ийги ислер этер уьшин яратылганмыз. Алла сол ислерди биз оларга берилип яшар уьшин аьзирлеген.

Колосшылар 4:10

Сизге тутнак йолдасым Аристарх эм Барнабадынъ боьлеси Марк салам йибередилер. Сиз онынъ акында буйырык алгансынъыз: келген заманда, тилеймен, хош коьрип алынъыз.

Пилимон 1:23

Мени мен бирге Иса Масих уьшин тутнакта туратаган Эпафрас,

1 Яхъя 4:13

Биз Аллада турганымызды эм Ол бизде болганын, Ол берген Рухыннан билемиз.

1 Яхъя 5:20

Тагы да билемиз, Алладынъ Улы келген эм Акыйкатты таныр уьшин бизге акыл берген. Биз Акыйкаттамыз, Онынъ Улы Иса Масихтемиз. Ол – акыйкат Алла эм оьмирлик яшав.

Ашылув 1:9

Мен Исадынъ азап шегуьвинде, патшалыгында эм тоьзимлигинде сиз бен бирге катнасувшы (иман) кардашынъыз Яхъяман, Алла соьзин яйып, Иса Масихке шаат болганым уьшин Патмос аралда (есир) болып шыктым.