Урымшылар 12:13 - Инжил

¹³ имандасларынъыз муктажлыкта калганда, бар болганынъыз бан боьлисинъиз; конакбайшылык коьрсетип билинъиз.

Урымшылар 12:13 Iomraidhean Croise

Матай 25:35

Неге десе Мен аш болганымда, Мага ас бердинъиз; сувсаган заманымда, сув бердинъиз; йолавшы болганымда, Мени конакка алдынъыз;

Ислер 10:4

Корнелий, ога коьзин тигип, коркканыннан: «Не зат, бийим?» – деп сорады. Маьлек явапка: «Дуваларынъ эм садакаларынъ Раббийге белгили болган, Ол сени эсине алды.

Ислер 4:35

эм элшилердинъ алдына салатаган эдилер. Сол акшалар аьр биревдинъ керегине коьре боьлинетаган эди.

Урымшылар 12:8

Ким коьнъил коьтеруьвши болса, коьтерсин. Ким садака беруьвши болса, юмартлык пан берсин. Ким басшылык эте болса, сол кайратлык пан басшыласын. Ким баскаларга танъ болса, шатланып этсин.

1 Коринтшилер 16:15

Сизге бир тилегим бар, кардашлар: Степанастынъ уьйдегилерин билесинъиз. Олар Ахаяда биринши болып Масихке ынандылар эм оьзлерин имандасларына кызмет кылмага савлай бердилер.

2 Коринтшилер 9:1

Ерусалимдеги имандасларымызга ярдамласканымыз акында сизге язбага керекли тувыл.

2 Коринтшилер 9:12

Суьйткенде сиз кылатаган бу кызмет имандасларынъыздынъ кытлыгын енъиллетип калмай, коьп аьдемлерге Аллага шуькир айттыраяк.

Галатияшылар 6:10

Сонынъ уьшин, мырсатымыз болса, баьрисине де, боьтен де иманлыларга, ийгилик этеек.

1 Тимотей 3:2

Соны ман, ямагаттынъ етекшиси айыпсыз яшавлы, бир кере уьйленген, эси дурыс, туьз акыллы, эдаплы, конакшыл, уьйретпеге аьли болган,

Паулдан титке хат 1:8

Керисинше, конакшыл, яхшылыкты суьювши, туьз акыллы, аьдил, сыйлы, оьзин ыслап билуьвши,

Паулдан титке хат 3:14

Бизикилер, яшавлары пайдасыз болмасын деп, оьзлерин ийгиликлер этпеге багысласынлар. Соьйтип, олар баскалардынъ керек затларын канагатлап билерлер.

Пилимон 1:7

Кардашым, суьювинъ мени бек кувандырды эм юбантты, неге десе Аллага багысланганлар сен аркалы коьнъиллендилер.

Ювытлар 13:16

Яхшылык этип, баскалар ман боьлиспеге де мутпанъыз, неге десе Алла сондай курман этуьвди де макул коьреди.

Ювытлар 13:2

Конакбайлык этуьвинъизди мутпанъыз; неге десе оны этип бир кесеклер, оьзлери де билмей кетип, маьлеклерге конакбайлык эткенлер.

Ювытлар 6:10

Алла залым тувыл, сизинъ эткен исинъизди эм Оьзининъ аты уьшин, имандасларынъызга алдын да, соьле де ярдам этип, коьрсеткен суьювинъизди мутпас.

1 Петер 4:9

Бир биринъизге ынжынмай конакбайлык коьрсетинъиз,

1 Яхъя 3:17

Эгер ким болса да бирев дуныя байлыкка ие болып, ама кардашын кытлыкта коьрип, ога юрегин ашпаса, сол биревде Алладынъ суьйими калай яшар?

3 Яхъя 1:5

Суьйикли досым, сен оларды алдын танымаган болсанъ да (иман) кардашларынъа этетаган аьр затынъда алаллыкты коьрсетесинъ.