Урымшылар 11:6 - Инжил

⁶ Ама Алла оларды Оьз шапагаты ман сайлаган болса, сонда олардынъ эткен бир затына карамайды. Солай болмаса, шапагат энди шапагат болмас эди.

Урымшылар 11:6 Iomraidhean Croise

Лука 6:13

Эртеси куьн, Оьзининъ сокталарын шакырып, олардынъ арасыннан он экисин сайлап алды да оларга элши деген атты берди.

1 Коринтшилер 15:10

Ама буьгуьн ким болсам да, Алладынъ шапагаты аркалы болдым. Онынъ мага коьрсеткен шапагаты босына кетпеди; мен баьрисиннен де артык иследим. Элбетте, мен тувыл, Алладынъ шапагаты мени мен бирге иследи.

Галатияшылар 2:21

Алла шапагатын кери какпайман. Неге десе, эгер Таурат йорыгы ман акланув болатаган болса, сол заманда Масих босына оьлген.

Галатияшылар 5:4

Йорык пан акланмага суьйгенлер, Масихтен айырылдынъыз, Алладынъ шапагатыннан куры калдынъыз.

2 Тимотей 1:9

Алла биз эткен ислеримизге коьре болмай, Оьзининъ ниети эм шапагаты ман бизди куткарды эм Ога багысланган яшавга шакырды. Сол шапагат заманлар басланаяктан алдын бизге Масих Иса аркалы берилген эди,

Паулдан титке хат 3:5

бизди, эткен ийгиликлеримиз уьшин болмай, Оьзининъ рагимлиги мен янъыдан тувып тазаланувымыз бан эм Куткарувшымыз Иса Масих аркалы уьстимизге мол тоьгилген Кие Рухтынъ янъыртувы ман куткарды.