Марк 6:2 - Инжил

² Шабат куьн етти. Иса синагогка барып, аьдемлерди окытып баслады. Оны тынълайтаганлардынъ коьбиси сейирсинип: «Ол бу затларды кайдан уьйренген? Ога сосындай акыл кайдан берилген? Ол сондай куьдиретли ислерди калай этеди?

Марк 6:2 Iomraidhean Croise

Матай 4:23

Иса буьтин Галилеяды айланды, синагогларда окытты, Алла Патшалыгынынъ акында Ийги Хабарды айтып юрди эм аьдемлерди туьрли авырувлардан эм сакатлыклардан сав этти.

Матай 7:28

Иса муны айтып кутылган заманда, халк Онынъ окувына сейирсинди.

Марк 1:39

Иса, буьтин Галилеяда синагогларында уваз айтып, йинлерди кувып, юрди.

Марк 10:1

Оннан йол алып, Иса Юдея ерлерине эм Йорданнынъ аргы ягына кетти. Ога яне халк йыйылды. Ол, аьдетинше, оларды тагы да уьйретип баслады.

Лука 2:47

Оны тынълавшылардынъ баьриси де Онынъ акыллылыгына, берген явапларына сейирсинетаган эдилер.

Лука 4:15

Ол аьдемлерди синагогларда уьйретти эм баьриси де Оны данъклайтаган эдилер.

Яхья 6:42

«Аьше, Ол Юсуптынъ улы Иса тувылма? Биз Онынъ атасын да, анасын да таныймыз. Ол, „Мен коьктен келгенмен“ деп, кайтип айтпага болады?» – дейтаган эдилер олар.

Яхья 7:15

Ювыт басшылары сейирсиндилер, сорастырдылар: «Бу аьдем окымаганлай, Кие Язувларды калай биледи экен?»