Марк 16:1 - Инжил

¹ Шабат куьни оьткеннен сонъ магдалашы Марьем, Якуптынъ анасы Марьем эм Салиме Исадынъ суьегин майламага аьруьв ийисли майлар аькелдилер.

Марк 16:1 Iomraidhean Croise

Марк 14:3

Иса Бетхинийде авыр тери маразлы болган Шимоннынъ уьйинде сыпырадынъ янында янтайган заманда, бир хатын ак мермер савыт пан бек баалы, таза нардтан этилген аьруьв ийисли май алып келди, савытын сындырып, майды Онынъ басыннан аягына куйды.

Марк 14:8

Хатын колыннан келгенин этти: ол Меним кевдемди, оьлеектен алдын майлап, коьмуьвге аьзирледи.

Марк 15:40

Сол ерде эректен карап турган хатынлар да бар эдилер. Олардынъ арасында магдалашы Марьем, кишкей Якуп пан Юсуптынъ анасы Марьем, Салиме де бар эдилер.

Марк 15:42

Энди кеш болды, сол куьн аьзирлик куьн, баскаша айтканда, шабат алдындагы куьн эди.

Марк 15:47

Магдалашы Марьем эм Юсуптынъ анасы Марьем болсалар Исады кайда салганларын карап турдылар.

Марк 16:2

Юмадынъ биринши куьнинде танъ ман, куьн саьвлелери шыккан заманда, олар кабырдынъ касына еттилер.

Марк 16:8

Хатынлар кабырдан шыгып, ювырып кеттилер. Оларды калтырав эм сейирсинуьв бийлеген эди, ама биревге де бир зат да айтпадылар, неге десе корка эдилер. [

Лука 23:54

Ол куьн юма эди, шабат куьни етип келе эди.

Лука 23:56

Кайтып келип, ийисли-кокыслы майлар эм бальзамлар аьзирледилер де шабат куьнин Алладынъ парызына коьре тыншаювда озгардылар.

Лука 24:1

Юмадынъ биринши ок куьнинде, танъ манъында, хатынлар аьзирлеген ийисли майларды алып, кабырга келдилер.

Яхья 19:25

Иса керилген каштынъ янында анасы, анасынынъ синълиси, Клеопадынъ хатыны Марьем эм магдалашы Марьем тура эдилер.

Яхья 19:31

Сол куьн юма куьн болганлыктан, ювыт басшылары илеслерди шабат куьнде кашта калдырмас уьшин – ол шабат куьни айлак маьнели куьн болган себепли – Пилаттан, сыйракларын сындырып, илеслерин тасламага тиледилер.