Марк 12:15 - Инжил

¹⁵ Ама Иса олардынъ экиюзли экенлерин биле турып: «Неге сынайсыз Мени? Мага бир динар аькелинъиз, коьрейим», – деди.

Марк 12:15 Iomraidhean Croise

Матай 20:2

Ол исшилер мен, бир куьнге бирер динар тоьлемеге деп, ярасып, оларды оьзининъ юзим бавына йиберди.

Матай 22:18

Иса болса олардынъ яман ниетлерин билип: «Неге сынайсыз Мени, экиюзлилер?

Марк 10:2

Парисейлер келип, Оны сынамага суьйип: «Байынынъ пишесине талак салмага эркинлиги бар ма?» – деп сорадылар.

Марк 12:14

Олар келип Ога: «Устаз! Сен туьз соьзли болып, ким де болсын онынъ ойлаганына эс бермегенинъди билемиз. Неге десе кимге де болсын сога ярамага куьреспейсинъ, ама Алладынъ йолына туьз уьйретесинъ. Кесарга ясак тоьлемеге тийислиме яде тувылма? Биз ога ясак береекпе яде бермеекпе?» – деп сорадылар.

Марк 12:16

Олар аькелдилер. Сонда Иса: «Мунда кимнинъ суьврети эм кимнинъ аты язылган?» – деди. «Кесардыкы», – деп явапладылар.

Лука 20:23

Иса болса олардынъ аьйлежигенлерин анълап айтты:

Яхья 21:17

Уьшинши кайта Иса: «Юнус улы Шимон! Мени яратасынъма?» – деди. Петер: «Мени яратасынъма?» – деп уьшинши кере соравына мыдахланып, айтты: «Раббий! Сен баьри затты билесинъ. Сени ярататаганымды да билесинъ». Иса: «Койларымды бак.

Яхья 8:6

Муны Исады сынап, шуьшлемеге бир сылтав излеп сорадылар. Тек Иса энъкейди де бармагы ман ерде бир затты язып баслады.

Ислер 5:9

Петер: «Сиз кайтип Раббийдинъ Рухын сынамага токтастынъыз? Эсик алдындагы абытларды эситесинъме? Бу байынъды коьмип кайтаятырганлар, олар сени де шыгараяклар», – деди.

1 Коринтшилер 10:9

Солардынъ бир кесегиндей, Масихти сынамаяк. Солай эткенлерди йыланлар оьлтирдилер.

Ювытлар 4:13

Яратылган эш бир затты да Алладан ясырып болмайды, баьриси де Онынъ коьзининь алдында яланъаш эм ашык. Аллага явап береекпиз.

Ашылув 2:23

Балаларын да оьлимге еткерермен. Баьри ямагатлар Меним юреклерди эм коьнъиллерди сынавшы болганымды билерлер. Аьр биринъизге исинъизге коьре тийислисин берермен.