Лука 9:2 - Инжил

² Сонъ оларды Алла Патшалыгын халкка билдирмеге эм маразлыларды сав этпеге йиберди.

Лука 9:2 Iomraidhean Croise

Матай 10:5

Иса бу он эки соктасын сосындай буйырув ман йиберди: «Ювыт болмаганлардынъ ерлерине барманъыз, самарияшы шахарлардынъ бирине де кирменъиз.

Матай 13:19

Алладынъ Патшалыгы акында соьзди эситетаган, ама оны анъламайтаган аьр биревге ибилис келеди, сол аьдемнинъ юрегине шашылганды урлайды. Йол бойына шашылган урлык эне соны анълатады.

Матай 24:14

Эм де Алла Патшалыгынынъ бу Ийги Хабары буьтин дуныяда баьри миллетлерге шаатлыкка билдирилеек. Сол заман оьмирдинъ ахыры болаяк.

Матай 3:2

«Тевбе этинъиз! – дейтаган эди ол, – Алла Патшалыгы ювыкта!»

Марк 16:15

Иса оларга булай деди: «Барынъыз, дуныядынъ уьстинде буьтин аьдемлерге Ийги Хабарды яйынъыз.

Марк 6:12

Эм элшилери аьдемлерге тевбеге туьсуьвдинъ увазын айтпага йолга шыктылар.

Лука 10:1

Оннан сонъ Иса, Оьзининъ сокталарыннан тагы да баска етписин сайлап айырды эм Оьзи бармага керек болган баьри шахарларга эм ерлерге йиберди.

Лука 10:11

„Шахарынъыздынъ аягымызга ябыскан топырагын да сизге кагып калдырамыз. Тек билинъиз, сизге Алла Патшалыгы ювыклаган“.

Лука 10:9

Онда болган маразлыларды сав этинъиз, оларга: „Алла Патшалыгы сизге ювыклаган“, – деп билдиринъиз.

Лука 16:16

Таураттынъ эм пайхамбарлардынъ заманы Яхъяга дейим болган эди. Оннан сонъ, болса, Алла Патшалыгынынъ акында Ийги Хабар увазланып бериледи. Ога аьр ким де куьш салувы ман киреди.

Лука 9:11

Ама халк муны анълаганда Онынъ артыннан иерди. Иса олар ман Алла Патшалыгы акында соьйледи, маразларыннан эмленмеге кереги болганларды сав этти.