Лука 7:6 - Инжил

⁶ Иса олар ман барды. Уьйге етпеге бираз калганда, алдыларына юзбасшы досларын йиберип, Ога: «Кыйналма, Бийим, Сен меним уьйиме кирмеге мен тийисли тувылман.

Лука 7:6 Iomraidhean Croise

Матай 20:28

Сондай болып Аьдем Улы да Оьзине куллык эттирер уьшин тувыл, Оьзи куллык этпеге, курман болып коьплерди куткарып, Оьзининъ янын бермеге келген».

Матай 3:11

Мен сизди сувда шомылдырып тазалайман, ама Сол, меннен сонъ келеек, меннен куьшли. Мен Онынъ шарыкларын аькетпеге де тийисли тувылман. Ол сизди Кие Рух эм от пан тазалаяк.

Марк 5:24

Иса оны ман барды. Олардынъ артыннан коьплер де иердилер. Уьймелеклесип барганлардынъ ишинде он эки йылдан бери кан тасувдан кыйналатаган хатын бар эди.

Лука 5:8

Оны коьргенде Шимон Петер, Исадынъ аягына йыгылып: «Раббий, меннен кет, неге десе мен куьналы кисимен», – деди.

Лука 7:4

Аксакаллар Исага келип: «Бу аьдем ярдам этуьвинъе тийисли.

Лука 7:5

Ол халкымызды суьеди, биз уьшин синагог та салдырган», – деп, ялбарып тиледилер.

Лука 7:7

Сонынъ уьшин мен Сага баралмаганым да, неге десе оьзимди ога тийисли тувылдай коьрдим. Тек бир соьз айтсанъ, ыргатым сав болар.

Лука 8:49

Иса соьйтип соьйлей турганнынъ арасында, синагог басшысынынъ уьйиннен бирев келип, басшыга: «Кызынъ оьлди, энди Устазды кыйнама», – деди.

Ислер 10:38

Алла Назаретши Исады калай Масих деп сайлап, Кие Рух эм куьдирет пен куьшлендиргенин билесиз. Ол ийгилик этип, ибилис бийлегенлердинъ баьрисин савартып, айланды, неге десе Алла Оны ман бирге эди.

Якуп 4:10

Алладынъ алдында сабырланынъыз, эм Ол сизди коьтерер.

Якуп 4:6

Алла бизге оннан да уьйкен шапагат коьрсетеди. Соны уьшин Кие Язув: «Алла коькиреклилерге карсы, А сабырларга шапагатын коьрсетеди», – деп айтады.