Лука 11:2 - Инжил

² «Булай айтып, дува этинъиз, – деди оларга Иса: „Атамыз, атынъ сыйлансын. Патшалыгынъ курылсын. Коьктегиндей, ерде де буйырыгынъ толтырылсын.

Лука 11:2 Iomraidhean Croise

Матай 10:32

Ким аьдемлер алдында Мени ашык кабыл этсе, соны Мен де коьктеги Атамнынъ алдында кабыл этермен.

Матай 3:2

«Тевбе этинъиз! – дейтаган эди ол, – Алла Патшалыгы ювыкта!»

Матай 5:16

Сизинъ ярыгынъыз да аьдемлерге ярык берсин, соьйтип олар яхшы ислеринъизди коьрип, Коьктеги Атанъызга мактав салсынлар.

Лука 11:1

Иса бир кере йолда дува этпеге токталды. Дувадан сонъ сокталарынынъ бири Оннан тиледи: «Раббий, Яхъя оьзининъ сокталарын уьйреткендей, бизди де дува этпеге уьйреттага».

Урымшылар 1:7

Урымда яшайтаган эм Аллага багысланмага шакырылган баьри суьйгенлерине Атамыз Алладан эм Раббий Иса Масихтен шапагат эм тынышлык болсын!

Урымшылар 8:15

Сиз алган Рух тагы да сизди коркувда яшамага кыстаган ыргатлыктынъ рухы тувыл. Йок, сизди Алладынъ уллары эткен Рухты алгансынъыз! Ол бизди: «Абба! Ата!» – деп ялбарып тилемеге коьнъиллендиреди.

1 Коринтшилер 1:3

Атамыз Алладан эм Раббий Иса Масихтен шапагат эм тынышлык болсын.

2 Коринтшилер 1:2

Сизге Атамыз Алладан эм Раббий Иса Масихтен шапагат эм тынышлык болсын.

Галатияшылар 1:4

Атамыз Алладынъ ыхтыяры ман Масих, аьлиги аьйлежи заманнан бизди куткараяк болып, куьналарымыз уьшин Оьзининъ янын берген.

Эфесшилер 1:2

Атамыз Алладан эм Раббийимиз Иса Масихтен сизге шапагат эм тынышлык болсын.

Пилипшилер 1:2

Атамыз Алладан эм Раббий Масих Исадан сизге шапагат эм тынышлык болсын.

Колосшылар 1:2

Колоста яшайтаган, Масих Исага багысланган сенимли кардашларымызга Атамыз Алладан [эм Раббий Иса Масихтен] шапагат эм тынышлык болсын!

1 Салоникшилер 1:1

Паулдан, Силваннан эм Тимотейден, Атамыз Аллага эм Раббий Иса Масихке байыр болган Салониктеги иман ямагатына салам! Сизге шапагат эм тынышлык болсын!

2 Салоникшилер 2:16

Атамыз Алла бизди суьйди эм Оьзининъ шапагаты ман оьлшемсиз йигитликти, ийги уьмитти савгалады. Раббий Иса Масих Оьзи эм Атамыз Алла сизди юреклендирип, туьрли ийги ислер, соьзлер мен иманынъызды беркитсин.

Ашылув 11:15

Етинши маьлек зурнасын ойнатты. Коькте: «Дуныя патшалыгы Раббийимиздинъ эм Масихининъ патшалыгы болды. Ол оьмир оьмирлерге патшалык суьреек», – деген коьтеринки тавыслар эситилдилер.

Ашылув 15:4

Я Раббий! Ким Сени сыйламаяк эм атынъды данъкламаяк? Неге десе тек бир Сен – сыйлысынъ. Баьри миллетлер келип Сенинъ алдынъда сежде кылаяклар, неге десе туьзлик пен оьким шыгаратаганынъды коьрсеттинъ», – дедилер.

Ашылув 19:6

Тагы да уьйкен ямагаттынъ давысына, шорылдап аккан сувлардынъ эм куьшли коьк гуьрилдевдинъ тавысына усаган сестинъ: «Аллелуя! Неге десе буьтин дуныяды туткан Раббий Алламыз Патшалык этеди!

Ашылув 20:4

Оннан сонъ такларды коьрдим. Такларда олтырганларга оьким шыгармага эркинлик берилген эди. Исага эткен шаатлыклары эм Алладынъ соьзи уьшин басы кесилгенлердинъ янларын да коьрдим. Олар – йырткышка да, онынъ сынтасына да сежде кылмаган эм не манълайына, не колына онынъ тамгасын салып кабыл этпеген аьдемлер.