Ашылув 20:12 - Инжил

¹² Оьлилердинъ уллыларын-кишкейлерин де коьрдим. Олар тактынъ алдында тура эдилер. Сонъ китаплар ашылды. «Яшав китабы» деп аталган баска бир китап та ашылды. Оьлилерге, китапларда язылганындай, ислерине коьре оьким шыгарыла эди.

Ашылув 20:12 Iomraidhean Croise

Матай 11:22

Ама, сизге айтаман: кыямет куьн сизден эсе Тир мен Сидонга енъил болаяк.

Матай 16:27

Неге десе Аьдем Улы атасынынъ данъкы ман, Оьзининъ маьлеклери мен бирге келеек: сол заманда аьр кимге ислерине коьре тийислисин береек.

Лука 10:20

Ама йинлердинъ сизге бойсынатаганларына куванганнан эсе де, сизинъ атынъыз коькте язылганы уьшин шатланынъыз», – деди.

Ислер 24:15

Аллага сенип, туврашыллардынъ да, туврашыл болмаганлардынъ да тирилееклерине ынанаман. Олар да солай болаягын кабыл этедилер.

Урымшылар 2:6

Алла аьр кимге эткен исине тийислисин береек:

1 Коринтшилер 4:5

Сонынъ уьшин, белгиленген заманнан алдын эш биревге де оьким шыгарманъыз. Раббийдинъ келуьвин сакланъыз. Ол каранъалыкта ябылганды ашар эм аьдемлердинъ сырлы ниетлерин тыска шыгарар. Сол заманда аьр ким Алладан мактавын алар.

2 Коринтшилер 5:10

Неге десе бизим баьримизге Масихтинъ оькимине шыкпага керек болаяк. Сонда аьр биримиз ердеги шаркымызда эткен ийгиликлеримизге яде яманлыкларымызга коьре тийислисин алаякпыз.

Пилипшилер 4:3

Сеннен де, меним сенимли Сизигим, тилеймен: бу хатынларга ярдамлас. Неге десе Эводия да, Синтихе де мени мен атлары яшав китабында болган Клемент эм калган йолдасларым ман бирге Ийги Хабар уьшин янымда айырылгысыз куьрескенлер.

Ашылув 11:18

Миллетлер ашувландылар, ама Сенинъ де ашувынъ басларына туьсти. Оьлилерге оьким шыгармага, кулларынъ болган пайхамбарларды, Сага багысланганларды, кишкейи-уьйкени болсын, атынъды сыйлаганларды савгаламага, а ерди йоятаганларды йок этпеге заман келди», – деп, тавысландылар.

Ашылув 13:8

Ер уьстинде яшайтаган, дуныя яратылганнан бери курман этилген Козыдынъ яшав китабында атлары язылмаган аьдемлердинъ баьриси йырткышка бас ийип тураяклар.

Ашылув 17:8

Сен коьрген йырткыш бир заманларда бар эди, ама энди йок. Ол туьпсиз опкыннан коьтерилеек эм йойылувына бараяк. Ер юзинде яшайтаганлар, дуныя яратылганнан бери атлары яшав китабына язылмаганлар, йырткышты коьрселер сейир этееклер. Неге десе ол бир заманларда бар эди, энди йок, ама янъыдан болаяк.

Ашылув 19:5

Тактан тагы да бир сес: «Алламыздынъ баьри куллары – Кишкейиннен уьйкенине дейим Оны сыйлаганлар, Оны данъкланъыз!» – деди.

Ашылув 2:23

Балаларын да оьлимге еткерермен. Баьри ямагатлар Меним юреклерди эм коьнъиллерди сынавшы болганымды билерлер. Аьр биринъизге исинъизге коьре тийислисин берермен.

Ашылув 20:11

Оннан сонъ мен уьйкен ак такты эм онда Олтырганды коьрдим. Онынъ каравыннан ер эм коьк каштылар, йойылып кеттилер.

Ашылув 20:13

Денъиз оьзиндеги оьлилерди кайтарды, оьлим эм ахырет те оьзлериндеги оьлилерди кайтардылар. Баьрисине де эткен затларына коьре оьким шыгарылды.

Ашылув 20:15

Аты яшав китабына язылмаганлардынъ баьриси де отлы коьлге тасландылар.

Ашылув 21:27

Эш бир арам зат, шийкендирген иске эм оьтирикке берилген эш бирев де сосы шахарга кирмеек, тек аты Козыдынъ яшав китабына язылганлар кирееклер.

Ашылув 22:12

«Мине, мен тезден келеекпен, – (дейди Иса,) – Меним береек савгаларым янымда. Аьр кимге эткен затларына коьре тийислисин береекпен.

Ашылув 3:5

Ким енъеди, сол ак кийим киер; онынъ атын яшав китабыннан кетирмеспен; атын Атамнынъ эм Онынъ маьлеклерининъ алдында да ашык айтарман.