Ашылув 18:3 - Инжил

³ Онынъ каьхпелигининъ кутырган шагырыннан буьтин миллетлер эсиргенлер; ер юзининъ патшалары оны ман каьхпеликте болдылар, ер юзининъ саьвдегерлери де онынъ эсапсыз моллыгыннан байыдылар», – деди.

Ашылув 18:3 Iomraidhean Croise

Лука 7:25

Йок! Сиз неди коьрмеге баргансыз? Юмсак кийимди кийген аьдемди ме? Тек ярасык кийинетаганлар эм мол яшайтаганлар патша сарайларында боладылар.

1 Тимотей 5:11

Яс тул хатынларды олардынъ санына язба, неге десе тен талаплары оьзлерин Масихке багыславдан куьшли болганда, олар тагы да байга бармага суьедилер.

Ашылув 14:8

Онынъ артыннан баска маьлек те: «Йойылды! Уллы шахар Бабыл йойылды! Ол оьзининъ каьхпелигининъ кутырган шагыры ман баьри халкларды эсирткен эди», – деп айта эди.

Ашылув 17:2

Оны ман каьхпеликте дуныя патшалары болганлар, онынъ каьхпелик шагырыннан ер юзинде яшаганлар да эсиргенлер», – деди.

Ашылув 18:19

Топырак пан басларын себип, кайгырып, йылап: «Уллы шахар – кайгы сага, кайгы! Денъизде кемелери болганлардынъ баьриси де сеннен, баалы затларынънан байыганлар. Эм мине сен бир саьаттинъ ишинде куьл болдынъ!» – деп кышкыраяклар.

Ашылув 18:23

Сенде энди шырактынъ ярыгы янмаяк, Келин мен киевдинъ давыслары энди эситилмеек. Саьвдегерлеринъ дуныядынъ уллы аьдемлери эдилер. Саьарлигинъ мен баьри миллетлер йолдан тайдылар.

Ашылув 18:7

Не кадер ол оьзин коьтерип, байлыкта яшаган болса, сиз де ога сол кадер азап эм кайгы ман кайтарынъыз. Неге десе ол: „Патша болып олтыраман, кайгыргандай, тул хатын тувылман“, – деп айтады.

Ашылув 18:9

Бабыл ман каьхпеликте болып, байлыкта яшаган ер патшалары, янган шахардынъ уьстиннен шыккан туьтинди коьрип, коькиреклерине согып-согып, йылаяклар.