Ашылув 18:10 - Инжил

¹⁰ Онынъ азабына эректен коркып карап: «Уллы шахар Бабыл – кайгы сага, кайгы, куьдиретли шахар! Бир саьаттинъ ишинде сага оьким кесилди», – деп айтаяклар.

Ашылув 18:10 Iomraidhean Croise

Ашылув 11:8

Олардынъ илеслери, символ ман айтканда, Содом эм Мысыр деп аталган уллы шахардынъ уьйкен йолына тасланаяк. Онда олардынъ Раббийи де кашка керилген.

Ашылув 14:8

Онынъ артыннан баска маьлек те: «Йойылды! Уллы шахар Бабыл йойылды! Ол оьзининъ каьхпелигининъ кутырган шагыры ман баьри халкларды эсирткен эди», – деп айта эди.

Ашылув 16:19

Уьйкен шахар да уьшке боьлинди, миллетлердинъ шахарлары да ойылдылар. Уллы Бабыл да Алла алдында эске алынды эм ога кызган ашувынынъ шагыр аягы берилди.

Ашылув 17:12

Сен коьрген он муьйиз – баска он патша. Олар энди де патшалыкларын алмаганлар, ама патшалык этпеге аькимликлерин йырткыш пан бирге бир саьатке алаяклар.

Ашылув 18:18

Кеме басшылары, кеме йолавшылары, денъизшилер эм денъизде ислегенлер – баьриси де эректен янган шахардынъ уьстиннен шыккан туьтинге карап: «Кайсы шахар сосы уллы шахар ман тенълесер?» – деп бакырысаяклар.

Ашылув 18:19

Топырак пан басларын себип, кайгырып, йылап: «Уллы шахар – кайгы сага, кайгы! Денъизде кемелери болганлардынъ баьриси де сеннен, баалы затларынънан байыганлар. Эм мине сен бир саьаттинъ ишинде куьл болдынъ!» – деп кышкыраяклар.

Ашылув 18:21

Сол заманда куьшли бир маьлек, туьйирмен тастай уьйкен тасты алып, денъизге атты эм: «Сосындай аявсызлык пан уллы шахар Бабыл корланаяк эм оннан сонъ табылмаяк.

Ашылув 18:8

Сога коьре басына туьсеек баьлелер – оьлим, кайгы, ашлык – бир куьннинъ ишинде келеек; от пан яндырылаяк, неге десе ога оьким шыгарган Раббийдинъ куьши уьйкен».