Ашылув 16:6 - Инжил

⁶ Олар Сага багысланганлардынъ эм де пайхамбарлардынъ канларын тоьккени уьшин, Сен оларга канды ишпеге бердинъ: олар ога тийисли», – дегенин эситтим.

Ашылув 16:6 Iomraidhean Croise

Матай 7:2

Баскаларды кайдай терислик пен терислесенъиз, сондай ман сиз де терисленерсиз. Кайдай оьлшем мен оьлшесенъиз, сондай ман сиз де оьлшенерсиз.

Лука 12:48

А ким билмегенлей язаланмага тийисли затларды эткен болса, сол аз согылар. Кимге коьп берилсе, соннан коьп те соралады. Кимге номай сеним тапшырылса, сонынъ яваплыгы да коьп болар.

Ювытлар 10:29

Солай, ким Алладынъ Улын аяклары ман таптап, оьзининъ Аллага багысланувына амал болган антласувдынъ канын маьнесизге санаса эм Алладынъ шапагатлы Рухын корлатса, сизге коьре, оннан да авыр язага тийисли болмаякпа?

Ашылув 11:18

Миллетлер ашувландылар, ама Сенинъ де ашувынъ басларына туьсти. Оьлилерге оьким шыгармага, кулларынъ болган пайхамбарларды, Сага багысланганларды, кишкейи-уьйкени болсын, атынъды сыйлаганларды савгаламага, а ерди йоятаганларды йок этпеге заман келди», – деп, тавысландылар.

Ашылув 13:10

Ким есирге туьсеек болса, сол есирге туьсеек; ким кылыш пан оьлтирилеек болса, сол кылыш пан оьлеек. Бу аьлде Аллага багысланганларга тоьзимли болып иманда турмага керек.

Ашылув 13:15

Ога, биринши йырткыштынъ сынтасына ян эндирип, сынтасты соьйлетпеге, сынтаска сежде кылмаганнынъ аьр бирин оьлтиртпеге куьш берилди.

Ашылув 18:20

А сен, коьк, суьйин! Эм сиз, Аллага багысланганлар, элшилер эм пайхамбарлар, суьйининъиз! Алла, сосы шахарга оьким кесип, оьшинъизди алды.

Ашылув 18:24

Бабылда пайхамбарлардынъ,

Ашылув 19:2

Неге десе Онынъ оькимлери тувра эм акыйкат: каьхпелиги мен ерди йойган уллы каьхпеге Ол оьким шыгарды эм кулларынынъ каны уьшин оьш алды».