Ашылув 14:7 - Инжил

⁷ Ол коьтеринки тавысы ман: «Аллады сыйлап данъкланъыз! Неге десе Онынъ оьким шыгараяк вакыты етти. Коькти, ерди, денъизди, сув шыккан ерлерди Яратканга сежде этинъиз!» – дейтаган эди.

Ашылув 14:7 Iomraidhean Croise

Матай 25:13

Соны ман сак болынъыз, уйкламанъыз, неге десе (сол заманнынъ) кайсы куьн, кайсы саьатте келеегин билмейсиз».

Лука 17:18

Тек бу тыс кыралшыдан баска Аллады данъкламага кайткан болмадыма экен?» – деп сорады.

Ислер 14:15

«Аьдемлер, не затлар этесинъиз? Биз де – сиздей аьдемлермиз, бу ялган затларды койып, коькти, ерди, денъизди эм олардынъ ишиндегин яраткан Аллага табынынъыз деп, сизге Ийги Хабарды аькелгенмиз.

1 Петер 4:7

Аьр бир заттынъ ахыры ювыклайды. Сонынъ уьшин туьз акыллы, тилек-дува кылар уьшин уявлы болынъыз.

Ашылув 11:13

Сол саьатлей уьйкен ер сенъкилдеви болды. Шахардынъ оннан бири шашылды, ети мынъ аьдеми оьлди; калганларды коркув бийледи эм олар коьктеги Аллады данъкладылар.

Ашылув 11:18

Миллетлер ашувландылар, ама Сенинъ де ашувынъ басларына туьсти. Оьлилерге оьким шыгармага, кулларынъ болган пайхамбарларды, Сага багысланганларды, кишкейи-уьйкени болсын, атынъды сыйлаганларды савгаламага, а ерди йоятаганларды йок этпеге заман келди», – деп, тавысландылар.

Ашылув 15:4

Я Раббий! Ким Сени сыйламаяк эм атынъды данъкламаяк? Неге десе тек бир Сен – сыйлысынъ. Баьри миллетлер келип Сенинъ алдынъда сежде кылаяклар, неге десе туьзлик пен оьким шыгаратаганынъды коьрсеттинъ», – дедилер.

Ашылув 16:9

Куьшли иссилик аьдемлерди куьйдирди, ама олар тевбеге туьспедилер, бу баьлелер уьстинде куваты болган Аллады данъкламай, Онынъ атын яманладылар.

Ашылув 18:10

Онынъ азабына эректен коркып карап: «Уллы шахар Бабыл – кайгы сага, кайгы, куьдиретли шахар! Бир саьаттинъ ишинде сага оьким кесилди», – деп айтаяклар.

Ашылув 18:17

Бир саьаттинъ ишинде байлыгынъ куьл болды!» – деп айтаяклар.

Ашылув 18:19

Топырак пан басларын себип, кайгырып, йылап: «Уллы шахар – кайгы сага, кайгы! Денъизде кемелери болганлардынъ баьриси де сеннен, баалы затларынънан байыганлар. Эм мине сен бир саьаттинъ ишинде куьл болдынъ!» – деп кышкыраяклар.

Ашылув 19:5

Тактан тагы да бир сес: «Алламыздынъ баьри куллары – Кишкейиннен уьйкенине дейим Оны сыйлаганлар, Оны данъкланъыз!» – деди.

Ашылув 4:11

«Я Раббий Алламыз, данълав да, оьрметлев те, куьдирет те алмага тийисли Сенсинъ. Аьр не затты да Сен яраткансынъ, аьр не зат та Сенинъ ыхтыярынъ ман яратылып бар болды», – деп айта эдилер.

Ашылув 4:9

Януварлар оьмирлер бойы яшайтаган тагында Олтырувшыга данъклав, оьрметлев, шуькир беретаган вакытта,

Ашылув 8:10

Уьшинши маьлек зурнасын ойнатты. Коьктен, ялынлы от шырактай, янып турган уьйкен юлдыз йылгалардынъ уьштен бирине, сув булакларына туьсти.