1 Петер 3:11 - Инжил

¹¹ Яманлыктан тайып, ийгилик этсин, Тынышлык излеп, тынышлыкка ымтылсын.

1 Петер 3:11 Iomraidhean Croise

Матай 5:45

Неге десе Ол, куьнге огырсызды да, огырлыды да ярыкландырмага буйырады. Туврашылларга йиберген ямгырын, солай ок туврашыл болмаганларга да йибереди.

Матай 5:9

Аьдемлерге тынышлык аькелетаганлар – бактылы! Олар, Алладынъ уллары деп, саналаяклар.

Матай 6:13

Бизди азгырувга туьсирме, яманлыктан куткар. [Неге десе патшалык, куьдирет эм мактав оьмирге Сеники. Амин]“.

Марк 14:7

Ярлылар аьр заман да сиз бен бирге болаяклар эм суьйген заманынъызда оларга яхшылык этпеге боласынъыз, а Мен сиз бен аьр заман да болмаякпан.

Лука 1:79

Онынъ рагимлиги мен йогардан тувган Куьн каранъада эм оьлим куьлеткисинде олтырганларды ярыкка шыгараяк, бизим аякларымызды татымлык йолына бураяк».

Лука 6:35

Сиз душпанларынъызды суьйинъиз эм ийгилик этинъиз, борышкага да, артына бир затты та сакламай, беринъиз; сонда сизинъ савганъыз уьйкен, сиз Аллаху-Тааладынъ уллары боларсыз, неге десе Ол икрамсызларга да, огырсызларга да солай ок рагимли.

Лука 6:9

Сонда Иса оларга айтады: «Мен сизден бир затты сорайым: Не этпеге керек шабат куьн? Яманлык па, яде яхшылык па? Янды куткарув ма, яде оны йойтув ма?»

Яхья 17:15

Оларды дуныядан ал деп тувыл, яманнан сакла деп дува этемен.

Урымшылар 12:18

Эгер сизинъ янынъыздан амал болса, баьриси мен тынышлыкта яшанъыз.

Урымшылар 14:17

Неге десе Алладынъ патшалыгы ас-сув ишуьв тувыл, ол – туврашылык, тынышлык эм Кие Рух берген суьйиниш.

Урымшылар 14:19

Солай этип биз тынышлык аькелген эм бир биримизди иман ягыннан куьшлендирген затларга ымтылмага керекпиз.

Урымшылар 5:1

Соьйтип, иманымыз бан акланганымыз уьшин Раббийимиз Иса Масих аркалы Алла ман ярасувлыгымыз бар болды.

Урымшылар 7:19

Ийгиликти, этпеге суьйсем де, этпеймен, а яманлыкты, этпеге суьймесем де, этемен.

Урымшылар 7:21

Соннан бу йорыкты шыгараман: яхшылык этпеге суьйсем де алдымда аьр заман яманлык турады.

Урымшылар 8:6

Тек инсан кылыгынынъ суьйгенин ойласанъ, оьлерсинъ, а Алла Рухынынъ суьйгенин ойласанъ, яшав эм тынышлык табарсынъ.

Галатияшылар 5:22

Рухтынъ емиси болса суьйим, шатлык, тынышлык, тоьзимлик, танълык, юмартлык, сенимлик,

Галатияшылар 6:10

Сонынъ уьшин, мырсатымыз болса, баьрисине де, боьтен де иманлыларга, ийгилик этеек.

Колосшылар 3:15

Масихтинъ тынышлыгы юреклеринъизде оькимши болсын. Алла сизди бир шарк этип, бу тынышлыкка шакырды. Шуькир этуьвшилер болынъыз!

1 Тимотей 6:18

Ийгилик этип, хайырлы ислер мен байымага, байлыклары ман боьлисип, юмарт болмага буйыр.

Ювытлар 12:14

Аьдемлердинъ баьриси мен татымлыкта яшамага эм оьзинъизди Аллага багысламага ымтылынъыз. Эш бирев де, оьзин Аллага багысламай, Раббийди коьралмаяк.

Ювытлар 13:16

Яхшылык этип, баскалар ман боьлиспеге де мутпанъыз, неге десе Алла сондай курман этуьвди де макул коьреди.

Якуп 4:17

Суьйткенде, ким ийгиликти кайтип этпеге керегин биле турып, этпесе, сога – куьна.

1 Петер 3:12

Неге десе Раббий туврашыл аьдемлерге коьз салады, Олардынъ дуваларына кулак асады, Яманлык этуьвшилерге карсы турады».

3 Яхъя 1:11

Суьйикли досым, яманлыкка иерме, яхшылыкка иер. Ким яхшылык этеди, сол – Алладан, а яманлыкты этуьвши – Аллады коьрмеген.