ทิตัส 1:3 - พระคริสตธรรมคัมภีร ภาคพันธสัญญาใหม

³ กับ​เมื่อ​เถิง​เวลา​ตี้​พระเจ้า​ผู้​จ้วย​หื้อ​รอด​ป๊น​บาป​โต้ษ​ของ​เฮา​ก๋ำหนด​ไว้ พระองค์​ก็​เปิดเผย​ถ้อยกำ​นี้​แล้ว โดย​สั่ง​หื้อ​ข้าพเจ้า​ไป​บอก​หื้อ​คน​อื่น​ฮู้

ทิตัส 1:3 Iomraidhean Croise

มาระโก 1:15

“เถิง​เวลา​แล้ว แผ่นดิน​ของ​พระเจ้า​ใก้​เข้า​มา​แผว​แล้ว หื้อ​กลับใจ๋​จาก​บาป​เหีย กับ​เจื้อ​ใน​ข่าวดี​ของ​พระเจ้า​นี้​ตวย”

มาระโก 13:10

แต่​ก่อน​เถิง​วัน​เสี้ยง​สุด​ของ​โลก คน​ตังหลาย​จะ​ต้อง​บอก​ข่าวดี​หื้อ​กู้​จ้าด​กู้​เผ่า​เหีย​ก่อน

มาระโก 16:15

พระองค์​อู้​กับ​หมู่​สาวก​ของ​พระองค์​ว่า “ต้าน​ตังหลาย​จง​ออก​ไป​บอก​ข่าวดี​หื้อ​คน​ตังหลาย​ฟัง​จ๋น​ใคว่​โลก

ลูก๋า 1:47

จิตใจ๋​ข้าเจ้า​จื้นจมยินดี​ใน​พระเจ้า ผู้จ้วย​หื้อ​รอด​ป๊น​บาป​โต้ษ​ของ​ข้าเจ้า

กิจก๋าน 10:36

ต้าน​ก็​ฮู้​ถ้อยกำ​ตี้​พระเจ้า​มอบ​หื้อ​กับ​จาว​อิสราเอล คือ​ถ้อยกำ​ตี้​บอก​เถิง​ข่าวดี​เกี่ยวกับ​สันติสุข​ผ่าน​ตาง​พระเยซู​คริสต์​ผู้​เป๋น​องค์​พระ​ผู้​เป๋น​เจ้า​ของ​คน​ตังหลาย

กิจก๋าน 17:26

จาก​มนุษย์​คน​นึ่ง พระองค์​สร้าง​มนุษย์​กู้​จ้าด​สืบ​สายเลือด​เดียว​กั๋น​หื้อ​ไป​อยู่​ใคว่​โลก​ต๋าม​เขตแดน​กับ​เวลา​ตี้​พระองค์​ก๋ำหนด​ไว้​ล่วงหน้า​สำหรับ​หมู่​เขา

โรม 15:19

คือ​โดย​ฤทธิ์​อำนาจ​ของ​หมายสำคัญ​กับ​ก๋าน​อัศจ๋รรย์​ต่างๆ ตึง​ฤทธิ์​อำนาจ​ของ​พระวิญญาณ​บริสุทธิ์ ข้าพเจ้า​ก็​ได้​บอก​ข่าวดี​เรื่อง​พระเยซู​คริสต์​กู้ๆ ตี้ ตั้งเก๊า​ตี้​กรุง​เยรูซาเล็ม​ไป​จ๋น​แผว​เมือง​อิลลีริคุม

โรม 16:25

จง​ถวาย​เกียรติ​แก่​พระเจ้า​ผู้​ตี้​สามารถ​เยียะ​หื้อ​หมู่​ต้าน​ตั้ง​มั่น​ใน​ความ​เจื้อ​ต๋าม​ข่าวดี​เรื่อง​พระเยซู​คริสต์​ตี้​ข้าพเจ้า​ได้​บอก​แล้ว​นั้น กับ​ต๋าม​ก๋าน​เปิดเผย​ความ​จริง​อัน​ล้ำเลิ็ก เซิ่ง​ได้​ปิด​ไว้​เมิน​มา​แล้ว​ตั้งแต่​สมัย​โบราณ

โรม 16:26

แต่​บ่าเดี่ยว​นี้​พระเจ้า​เปิด​เผย​หื้อ​ฮู้​ผ่าน​ตาง​ผู้​เป๋น​ปาก​เป๋น​เสียง​แตน​พระเจ้า​ตี้​ได้​เขียน​ไว้​ต๋าม​กำสั่ง​ของ​พระเจ้า​ผู้​เป๋น​อยู่​ตลอด เปื้อ​คน​ใน​กู้ๆ จ้าด​จะ​ได้​เจื้อ​วางใจ๋​กับ​เจื้อฟัง​พระองค์

โรม 5:6

ผ่อ​ลอ ต๋อน​ตี้​หมู่​เฮา​จ้วย​ตั๋ว​เก่า​หื้อ​รอด​ป๊น​บาป​โต้ษ​บ่ได้ พระคริสต์​ต๋าย​เปื้อ​หมู่​เฮา​ตี้​เป๋น​คน​บ่ดี ต๋าม​เวลา​ตี้​พระเจ้า​ก๋ำหนด​ไว้​แล้ว

1 โครินธ์ 9:17

ถ้า​ข้าพเจ้า​เต๋มใจ๋​ตี้​จะ​บอก​ข่าวดี ข้าพเจ้า​ก็​จะ​ได้ฮับ​รางวัล แต่​ถ้า​บ่เต๋มใจ๋ ข้าพเจ้า​ก็​เยียะ​ไป​ต๋าม​หน้าตี้​ตี้​ได้ฮับ​มอบหมาย​หื้อ​เต้าอั้น

กาลาเทีย 4:4

แต่​เมื่อ​เถิง​เวลา​ตี้​เหมาะสม​แล้ว พระเจ้า​ก็​ได้​ส่ง​พระบุตร​ของ​พระองค์​ลง​มา​เกิด​กับ​แม่ญิง​คน​นึ่ง เซิ่ง​พระองค์​เกิด​อยู่​ใต้​อำนาจ​ของ​บท​บัญญัติ

เอเฟซัส 1:10

แผนก๋าน​นั้น​ก็​คือ เมื่อ​เถิง​เวลา​ตี้​เหมาะสม​ใน​สายต๋า​ของ​พระองค์ พระองค์​จะ​ต้อม​กู้​สิ่ง​กู้​อย่าง ตึง​ตี้​อยู่​ใน​สวรรค์ กับ​ใน​โลก เข้า​ตวย​กั๋น​แล้ว​หื้อ​พระคริสต์​ปกครอง

เอเฟซัส 2:17

จาอั้น​พระองค์​เลย​มา​บอก​ข่าวดี​เรื่อง​สันติสุข​นี้ หื้อ​หมู่​ตี้​อยู่​ไก๋​พระเจ้า​กับ​หมู่​จาว​ยิว​ตี้​อยู่​ใก้​พระเจ้า​แล้ว

ฟีลิปปี 1:13

ย้อนจาอั้น​หมู่​ทหาร​ตี้​ฮักษา​วัง​ของ​จักรพรรดิ​กับ​คน​อื่นๆ ฮู้​หมด​แล้ว​ว่า​ตี้​ข้าพเจ้า​ถูก​ขัง​คอก​นั้น ก็​ย้อน​ว่า​ข้าพเจ้า​ฮับใจ๊​พระคริสต์

โคโลสี 1:23

แต่​ต้าน​ต้อง​ยึดมั่น​ใน​ความ​เจื้อ​ต่อไป บ่ดี​เลิก​หวัง​ใน​ข่าวดี​ตี้​ต้าน​ได้ยิน​มา​แล้ว ตี้​คน​ได้​บอก​ไป​ใคว่​โลก ข้าพเจ้า​เปาโล​ก็​เป๋น​ผู้​ฮับใจ๊​บอก​ข่าวดี​นี้

โคโลสี 1:6

ตี้​มี​คน​มา​บอก​หมู่​ต้าน​แล้ว ข่าวดี​นั้น​ก่ำลัง​เกิด​ผล​กับ​ขยาย​ไป​ใคว่​โลก อย่าง​เดียว​กั๋น​กับ​ตี้​ก่ำลัง​เกิด​กับ​หมู่​ต้าน นับ​ตั้งแต่​ตี้​ต้าน​ได้​ฟัง​กับ​เข้าใจ๋​แต๊ๆ เกี่ยวกับ​พระคุณ​ของ​พระเจ้า

1 เธสะโลนิก๋า 2:4

แต่​ว่า​พระเจ้า​หัน​ดี​ตี้​จะ​มอบ​ก๋าน​บอก​ข่าวดี​ไว้​กับ​หมู่​เฮา เฮา​จึง​บอก​ข่าวดี​นั้น​บ่ใจ้​เป๋น​ตี้​ปอใจ๋​ของ​มนุษย์ แต่​เปื้อ​เป๋น​ตี้​ปอใจ๋​ของ​พระเจ้า​ผู้​กวด​สอบ​จิตใจ๋​เฮา

1 ทิโมธี 1:1

จดหมาย​ฉบับ​นี้​จาก​ข้าพเจ้า​เปาโล​ผู้​เป๋น​อัครทูต​ของ​พระเยซู​คริสต์ ต๋าม​กำสั่ง​ของ​พระเจ้า​ของ​เฮา​ผู้​เป๋น​ผู้จ้วย​หื้อ​รอด​ป๊น​บาป​โต้ษ กับ​ต๋าม​กำสั่ง​ของ​พระเยซู​คริสต์​ผู้​หื้อ​เฮา​มี​ความ​หวัง

1 ทิโมธี 1:11

หลัก​กำสอน​นี้​มี​ใน​ข่าวดี​ตี้​พระเจ้า​มอบ​หื้อ​ข้าพเจ้า​นำ​ไป​บอก เป๋น​ข่าวดี​ตี้​มา​จาก​พระเจ้า​ผู้​ยิ่งใหญ่ กับ​สมควร​ได้ฮับ​ก๋าน​นมัสก๋าน

1 ทิโมธี 2:3

เยียะ​จาอี้​เป๋น​สิ่ง​ตี้​ดี เป๋น​ตี้​ปอใจ๋​ของ​พระเจ้า​ผู้​จ้วย​หื้อ​รอด​ป๊น​บาป​โต้ษ​ของ​เฮา

1 ทิโมธี 4:10

ย้อนจาอั้น​หมู่​เฮา​จึง​อดทน​เยียะ​ก๋าน​หนัก ก็​ย้อน​ว่า​เฮา​มี​ความ​หวัง​ใน​พระเจ้า​ผู้​มี​จีวิต​อยู่ ตี้​เป๋น​พระ​ผู้จ้วย​ของ​คน​ตังหลาย​หื้อ​รอด​ป๊น​บาป​โต้ษ โดย​เฉพาะ​คน​ตี้​เป๋น​ผู้เจื้อ

2 ทิโมธี 4:17

แต่​องค์​พระผู้เป๋นเจ้า​อยู่​ตวย​ข้าพเจ้า หื้อ​ข้าพเจ้า​มี​ก๋ำลัง​เข้มแข็ง เปื้อ​ข้าพเจ้า​จะ​บอก​ถ้อยกำ​ของ​พระองค์​อย่าง​ครบ​บริบูรณ์ แล้ว​คน​ต่างจ้าด​ตึงหมด​จะ​ได้​ฟัง กับ​พระเจ้า​ได้​จ้วย​ข้าพเจ้า​หื้อ​รอด​จาก​ปาก​สิงโต

ทิตัส 2:10

กับ​ห้าม​ลัก​เข้าของ แต่​แสดง​หื้อ​เจ้านาย​หัน​ว่า​เขา​ไว้​ใจ๋​ได้ เปื้อ​ว่า​กู้​สิ่ง​ตี้​หมู่​เขา​เยียะ​จะ​เยียะ​หื้อ​กำสอน​ของ​พระเจ้า​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา เป๋น​ตี้​น่า​เหลื้อม​ใส​ศรัทธา

ทิตัส 2:13

เฮา​ควร​เยียะ​จาอี้​ใน​ต๋อน​ตี้​เฮา​รอ​ความ​หวัง​อัน​น่า​ยินดี ความ​หวัง​นี้​คือ​ก๋าน​ป๋ากฏ​ของ​รัศมี​ของ​พระเจ้า​ผู้​ยิ่งใหญ่​กับ​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา คือ​พระเยซู​คริสต์

วิวรณ์ 14:16

แล้ว​ผู้​ตี้​นั่ง​บน​เมฆ​จึง​ใจ๊​เคียว​เกี่ยว​ลง​บน​แผ่นดิน​โลก พืชผล​บน​โลก​ก็​ถูก​เก็บ​เกี่ยว