โรม 9:23 - พระคริสตธรรมคัมภีร ภาคพันธสัญญาใหม

²³ เปื้อ​พระเจ้า​จะ​เปิดเผย​ความ​ยิ่งใหญ่​ของ​พระองค์ ต่อ​ผู้​ตี้​พระองค์​เมตต๋า​แล้ว เป๋น​ผู้​ตี้​พระองค์​ได้​เกียม​ไว้​หื้อ​มี​ส่วน​ใน​ความ​ยิ่งใหญ่​ของ​พระองค์

โรม 9:23 Iomraidhean Croise

ลูก๋า 1:17

เขา​จะ​นำ​หน้า​พระองค์​โดย​อำนาจ​ตี้​มา​จาก​พระวิญญาณ​เหมือน​ตี้​เอลียาห์​เกย​มี เยียะ​หื้อ​ป้อ​คืนดี​กับ​ลูก กับ​คน​หลึ่ง​เปี่ยน​เป๋น​คน​มี​ปั๋ญญา​ของ​คน​ตี้​ถูกต้อง​ต๋าม​ธรรม เปื้อ​เกียม​คน​ใน​จ้าด​นึ่ง​ไว้​หื้อ​พร้อม​สำหรับ​ก๋าน​มา​ของ​องค์​พระผู้เป๋นเจ้า”

กิจก๋าน 9:15

แต่​องค์​พระ​ผู้​เป๋น​เจ้า​บอก​อานาเนีย​ว่า “ไป​เต๊อะ ย้อน​เฮา​เลือก​ป้อจาย​คน​นี้​เป๋น​เครื่องมือ​ตี้​จะ​นำ​เรื่องราว​ของ​เฮา​ไป​บอก​กับ​คน​ต่างจ้าด​กับ​หมู่​กษัตริย์​กับ​คน​จาว​อิสราเอล​ตวย

โรม 2:4

กาว่า​ต้าน​ดู​หมิ่น​ดู​แควน​ความ​กรุณา ความ​อดใจ๋ กับ​ความ​อดทน​อัน​ยิ่งใหญ่​ของ​พระองค์ ต้าน​บ่ฮู้​กา ว่า​ความ​กรุณา​ของ​พระองค์​นั้น​ก็​เปื้อ​หื้อ​โอกาส​ต้าน​กลับใจ๋​จาก​บาป

โรม 8:29

ย้อน​ว่า​คน​ตี้​พระเจ้า​เลือก​ไว้​แล้ว พระองค์​ได้​ก๋ำหนด​ไว้​ล่วงหน้า​หื้อ​เป๋น​เหมือน​พระบุตร​ของ​พระองค์ เปื้อ​หื้อ​พระบุตร​นั้น​เป๋น​ลูก​คน​เก๊า​ใน​หมู่​ปี้น้อง​ผู้เจื้อ​ตังหลาย

โรม 8:30

หมู่​คน​ตี้​พระเจ้า​ได้​ก๋ำหนด​ไว้​แล้ว​นั้น พระองค์​ฮ้อง​หื้อ​มา​หา​พระองค์ หมู่​คน​ตี้​พระองค์​ฮ้อง​มา​หา พระองค์​เยียะ​หื้อ​หมู่​เขา​เป๋น​คน​ถูกต้อง​ต๋าม​ธรรม หมู่​คน​ตี้​ถูกต้อง​ต๋าม​ธรรม​นั้น พระองค์​ก็​หื้อ​มี​เกียรติ​ตวย

เอเฟซัส 1:18

ขอ​พระองค์​จ้วย​เปิดต๋า​เปิดใจ๋​ของ​หมู่​ต้าน เปื้อ​หมู่​ต้าน​จะ​ได้​ฮู้​ว่า พระองค์​ฮ้อง​หื้อ​หมู่​ต้าน​มา​มี​ความ​หวัง​อะหยัง กับ​ฮู้​ว่า​ปอน​ตี้​พระองค์​สัญญา​ว่า​จะ​หื้อ​กับ​คน​ของ​พระองค์​นั้น​ดีเลิศ​มอก​ใด

เอเฟซัส 2:10

เฮา​เป๋น​ผล​งาน​ของ​พระเจ้า​ตี้​พระองค์​สร้าง​ขึ้น​ผ่าน​ตาง​พระเยซู​คริสต์ เปื้อ​หื้อ​เฮา​เยียะ​สิ่ง​ดีๆ ตี้​พระองค์​เกียม​ไว้​หื้อ​เฮา​เยียะ​ก่อน​แล้ว

เอเฟซัส 2:7

ตี้​พระเจ้า​เยียะ​จาอี้ ก็​เปื้อ​หื้อ​ยุค​ต่อๆ ไป จะ​ได้​หัน​พระคุณ​อัน​เหลือ​ล้น​ของ​พระองค์ โดย​ความ​เมตต๋า​ของ​พระองค์​ผ่าน​ตาง​พระเยซู​คริสต์

เอเฟซัส 3:16

ข้าพเจ้า​อธิษฐาน​ขอ​พระเจ้า​ตี้​จะ​หื้อ​ฤทธิ์​อำนาจ​ตึงหมด​กับ​หมู่​ต้าน จาก​ปอน​อัน​ยิ่งใหญ่​ของ​พระองค์​ใน​สวรรค์​ผ่าน​ตาง​พระวิญญาณ เปื้อ​ต้าน​จะ​ได้​มี​จิตใจ๋​ตี้​เข้มแข็ง

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

โคโลสี 1:12

และ​ต้าน​ก็​จะ​ขอบพระคุณ​พระบิดา ผู้​ตี้​เยียะ​หื้อ​ต้าน​ตังหลาย​สมควร​จะ​ฮับ​ส่วน​แบ่ง​ตี้​พระเจ้า​เก็บ​ไว้​หื้อ​คน​ของ​พระองค์ ใน​แผ่นดิน​แห่ง​ความ​เป่งแจ้ง

โคโลสี 1:27

พระเจ้า​ต้องก๋าน​หื้อ​คน​ของ​พระองค์​ฮู้​ว่า ข้อล้ำเลิ็ก​ตี้​ยิ่งใหญ่​กับ​ดีเลิศ​นี้​ก็​เปิดเผย​หื้อ​คน​ต่างจ้าด​ตวย คือ​พระคริสต์​อยู่​ใน​เฮา เยียะ​หื้อ​เฮา​มี​ความ​หวัง​ตี้​จะ​ได้ฮับ​เกียรติ​ใน​สวรรค์

1 เธสะโลนิก๋า 5:9

ย้อน​ว่า​พระเจ้า​บ่ได้​เลือก​หมู่​เฮา​มา​ลงโต้ษ แต่​เลือก​มา​ฮับ​ความ​รอด​ป๊น​บาป​โต้ษ ตี้​ผ่าน​ตาง​พระเยซู​คริสต์​ของ​เฮา

2 ทิโมธี 2:21

ถ้า​คน​ใด​ซ่วย​ล้าง​ตั๋ว​เก่า​จาก​สิ่ง​บ่ดี​หมู่​นี้​แล้ว คน​นั้น​ก็​เป๋น​เหมือน​ของใจ๊​ตี้​ใจ๊​สำหรับ​โอกาส​พิเศษ ตี้​ล้าง​หื้อ​บริสุทธิ์​แล้ว ก็​เป๋น​ประโยชน์​สำหรับ​เจ้าของ แล้ว​ก็​พร้อม​สำหรับ​ก๋าน​ดี​กู้​อย่าง