โรม 8:36 - พระคริสตธรรมคัมภีร ภาคพันธสัญญาใหม

³⁶ ต๋าม​ตี้​พระคัมภีร์​มี​เขียน​ไว้​ว่า “ย้อน​หัน​แก่​พระองค์ หมู่​เฮา​จึง​อยู่​ใน​อันตราย​เถิง​ต๋าย​ตลอด​เวลา เผียบ​เหมือน​แกะ​ตี้​จะ​ถูก​ปา​ไป​ฆ่า”

โรม 8:36 Iomraidhean Croise

ยอห์น 16:2

เขา​จะ​ไล่​หมู่​ต้าน​ออก​จาก​สมาชิก​ธรรมศาลา​ของ​จาว​ยิว แล้ว​จะ​มี​วัน​นึ่ง​ตี้​กู้​คน​ตี้​ฆ่า​หมู่​ต้าน​จะ​กึ๊ด​ว่า ตี้​เยียะ​จาอั้น​เป๋น​ก๋าน​ฮับใจ๊​พระเจ้า

กิจก๋าน 20:24

แต่​ข้าพเจ้า​บ่ได้​ถือ​ว่า​จีวิต​ของ​ข้าพเจ้า​มี​ก้า​นัก​สำหรับ​ตั๋วเก่า นอกจาก​ขอ​เยียะ​หน้าตี้​ตี้​ฮับ​มอบหมาย​จาก​พระเยซู​องค์​พระ​ผู้​เป๋น​เจ้า คือ​บอก​ข่าวดี​เรื่อง​พระคุณ​ของ​พระเจ้า​หื้อ​คน​อื่น​ฟัง​หื้อ​สำเร็จ​ก็​ปอ​แล้ว

กิจก๋าน 8:32

ข้อความ​ใน​พระคัมภีร์​ตี้​ขันที​ก่ำลัง​อ่าน​อยู่​นั้น​มี​ว่า​จาอี้ “ต้าน​ถูก​ปา​ไป​เหมือน​กับ​แกะ​ตี้​ถูก​ปา​เอา​ไป​ฆ่า ต้าน​เหมือน​กับ​ลูก​แกะ​ตี้​ดัก​ปาก​ต่อ​หน้า​คน​ตัด​ขน ต้าน​บ่อ้า​ปาก​อู้​อะหยัง​เลย​เหมือน​กับ​ลูก​แกะ​นั้น

1 โครินธ์ 15:30

แล้ว​เป๋น​หยัง​เฮา​เถิง​ยอม​เสี่ยง​ต๋าย​อยู่​ตลอด​เวลา

1 โครินธ์ 15:31

ปี้น้อง​ตังหลาย ข้าพเจ้า​เสี่ยง​ต๋าย​อยู่​กู้​วัน สิ่ง​นี้​ข้าพเจ้า​ยืนยัน​ได้ ปอๆ กับ​ตี้​ข้าพเจ้า​มี​ความ​ภูมิใจ๋​ใน​ตั๋ว​หมู่​ต้าน​ใน​นาม​พระเยซู​คริสต์​องค์​พระผู้เป๋นเจ้า​ของ​เฮา

1 โครินธ์ 4:9

ย้อน​ข้าพเจ้า​กึ๊ด​ว่า พระเจ้า​จัด​หมู่​เฮา​ผู้​เป๋น​อัครทูต​ไว้​เป๋น​ลำดับ​สุดต๊าย เหมือน​อย่าง​ผู้​ตี้​ถูก​ตัดสิน​ลง​โต้ษ​เถิง​ต๋าย เฮา​ก๋าย​เป๋น​เป้า​สายต๋า​ตี้​หมู่​ทูตสวรรค์​กับ​คน​ตึง​ใคว่​โลก​ปัก​ต๋า​ผ่อ

2 โครินธ์ 1:9

แต๊ๆ เฮา​กึ๊ด​ว่า​ถูก​ตัดสิน​หื้อ​เถิง​ตี้​ต๋าย​แล้ว แต่​ตี้​เป๋น​จาอี้​ก็​เปื้อ​ว่า​เฮา​จะ​ได้​เปิ้ง​พระเจ้า ผู้​ตี้​เยียะ​หื้อ​คน​ต๋าย​เป๋น​ขึ้น​มา​ใหม่ บ่ใจ้​เปิ้ง​ตั๋ว​เก่า

2 โครินธ์ 11:23

หมู่​เขา​เป๋น​คน​ฮับใจ๊​ของ​พระคริสต์​กา ข้าพเจ้า​ก็​เป๋น​นัก​เหลือ​นั้น​แหม (​ข้าพเจ้า​อู้​อย่าง​คน​เป๋น​ผีบ้า​) ข้าพเจ้า​ฮำ​เยียะ​ก๋าน​นัก​เหลือ​หมู่​เขา ติด​คอก​นัก​เหลือ​หมู่​เขา ถูก​เฆี่ยน​นัก​เหลือ​หมู่​เขา หวิด​ต๋าย​หลาย​เตื้อ

2 โครินธ์ 6:9

มี​คน​ฮู้จัก​กั๋น​ใคว่ เขา​ก็​หา​ว่า​บ่มี​ใผ​ฮู้จัก เขา​หา​ว่า​ใก้​จะ​ต๋าย แต่​ผ่อ​ลอ​เฮา​ยัง​มี​จีวิต​อยู่ เฮา​ถูก​ลงโต้ษ​แต่​ก็​ยัง​บ่ต๋าย

ฟีลิปปี 3:10

ข้าพเจ้า​ต้องก๋าน​ฮู้จัก​พระคริสต์ กับ​ต้องก๋าน​มี​ประสบก๋ารณ์​ใน​ฤทธิ์​อำนาจ​ของ​พระเจ้า​ตี้​เยียะ​หื้อ​พระเยซู​เป๋น​ขึ้น​จาก​ความ​ต๋าย ข้าพเจ้า​ต้องก๋าน​มี​ส่วนฮ่วม​ใน​ความ​ตุ๊ก​ของ​พระองค์ กับ​ใค่​ยอม​ต๋าย​เปื้อ​พระองค์​เหมือน​ตี้​พระองค์​ต๋าย​เปื้อ​ข้าพเจ้า