โรม 8:13 - พระคริสตธรรมคัมภีร ภาคพันธสัญญาใหม

¹³ ถ้า​ต้าน​ใจ๊​จีวิต​ตวย​ต๋าม​สันดาน​บาป ต้าน​จะ​ต้อง​ต๋าย แต่​ถ้า​ต้าน​ใจ๊​จีวิต​ตวย​ต๋าม​พระวิญญาณ ต้าน​ก็​ได้​ทำลาย​ก๋านงาน​ของ​สันดาน​บาป แล้ว​ต้าน​จะ​มี​จีวิต​ตลอด​ไป

โรม 8:13 Iomraidhean Croise

โรม 6:21

แล้ว​หมู่​ต้าน​ได้​ประโยชน์​อะหยัง​จาก​ก๋าน​เยียะ​สิ่ง​หมู่​นั้น ตี้​ต๋อน​นี้​เยียะ​หื้อ​หมู่​ต้าน​ฮู้สึก​อาย ผล​ของ​ก๋าน​เยียะ​สิ่ง​หมู่​นั้น​ก็​คือ​ความ​ต๋าย

โรม 6:23

ย้อน​ว่า​ก๋าน​เยียะ​บาป​นำ​ไป​สู่​ความ​ต๋าย แต่​สิ่ง​ตี้​พระเจ้า​โผด​หื้อ​บ่ดาย​คือ​จีวิต​นิรันดร์​โดย​ผ่าน​ตาง​พระเยซู​องค์​พระผู้เป๋นเจ้า​ของ​เฮา

โรม 7:5

ตะก่อน​ต๋อน​หมู่​เฮา​ใจ๊​จีวิต​ต๋าม​สันดาน​บาป บท​บัญญัติ​ก็​กระตุ้น​ตั๋ณหา​ตี้​อยู่​ใน​ตั๋ว​หื้อ​เยียะ​สิ่ง​บ่ดี เซิ่ง​จะ​นำ​หมู่​เฮา​ไป​เถิง​ความ​ต๋าย

โรม 8:12

ย้อน​จาอั้น​ปี้น้อง​ตังหลาย​เหย เฮา​ตังหลาย​บ่มี​ความ​จ๋ำเป๋น​จะ​ต้อง​เยียะ​ตวย​ต๋าม​ความ​ต้องก๋าน​ของ​สันดาน​บาป​เลย

1 โครินธ์ 9:27

แต่​ข้าพเจ้า​ยอมฮับ​ความ​ตุ๊กยาก​เปื้อ​เฝิ็ก​ตั๋ว​หื้อ​เข้มแข็ง​จ๋น​ควบคุม​มัน​ได้ ย้อน​ว่า​เมื่อ​ข้าพเจ้า​ออก​ไป​บอก​ข่าวดี​หื้อ​คน​อื่น​แล้ว ข้าพเจ้า​จะ​ได้​บ่ถูก​ตัด​สิทธิ์​ใน​ก๋าน​เข้า​แข่งขัน

กาลาเทีย 5:24

คน​ของ​พระเยซู​คริสต์​ได้​เอา​สันดาน​บาป​ตึง​ตั๋ณหา​ของ​มัน เขิง​ไว้​กับ​พระองค์​บน​ไม้​ก๋าง​เขน​​แล้ว

กาลาเทีย 6:8

คน​ใด​ตี้​หว่าน​เปื้อ​ตั๋ณหา​ของ​สันดาน​บาป ก็​จะ​เก็บ​เกี่ยว​ความ​ฉิบหาย คน​ใด​ตี้​หว่าน​เปื้อ​ความ​ต้องก๋าน​ของ​พระวิญญาณ ก็​จะ​เก็บ​เกี่ยว​จีวิต​นิรันดร์

เอเฟซัส 4:22

กำสอน​นั้น​ก็​คือ จีวิต​เก่า​ตี้​ถูก​จุ​ล่าย​โดย​กิเลส​ตั๋ณหา​ตี้​เยียะ​หื้อ​หมู่​เฮา​ต้อง​ฉิบหาย​นั้น หื้อ​เอา​ขว้าง​เหีย

เอเฟซัส 4:30

ห้าม​เยียะ​หื้อ​พระวิญญาณ​บริสุทธิ์​ของ​พระเจ้า​เสียใจ๋ ย้อน​ว่า​พระเจ้า​ได้​หื้อ​พระวิญญาณ​นั้น​จ๊ำ​ก๋า​เฮา​ไว้ เปื้อ​ว่า​เฮา​จะ​บ่ถูก​ตัดสิน​ลงโต้ษ ใน​วัน​ตี้​จะ​ได้ฮับ​ก๋าน​ไถ่​ใน​วัน​สุดต๊าย​นั้น

เอเฟซัส 5:18

ห้าม​กิ๋น​เหล้า​องุ่น​จ๋น​เมา ย้อน​มัน​จะ​เยียะ​หื้อ​หมู่​ต้าน​คุม​สติ​ตั๋ว​เก่า​บ่ได้ แต่​หื้อ​พระวิญญาณ​อยู่​กับ​หมู่​ต้าน​เต๋ม​ตี้

ทิตัส 2:12

โดย​พระคุณ​นี้​พระเจ้า​สอน​หื้อ​เฮา​เลิก​ใจ๊​จีวิต​ตี้​บ่นับถือ​พระเจ้า กับ​ตัด​กิเลส​ตั๋ณหา​ของ​โลก​นี้​เหีย แล้ว​สอน​หื้อ​เฮา​เป๋น​คน​มี​สติ​บังคับ​ตั๋ว​เก่า​ได้ เป๋น​คน​ยุติธรรม กับ​เป๋น​คน​ตี้​ยำเก๋ง​พระเจ้า​ใน​ยุค​นี้

1 เปโตร 1:22

เมื่อ​หมู่​ต้าน​ได้​เจื้อ​ฟัง​ความ​จริง​นั้น หมู่​ต้าน​ก็​ได้​ซ่วย​ล้าง​ตั๋ว​เก่า​หื้อ​บริสุทธิ์​แล้ว ก็​เลย​มี​ความ​ฮัก​หื้อ​กับ​ปี้น้อง​ผู้เจื้อ​อย่าง​จริงใจ๋ ย้อน​จาอั้น​หื้อ​ฮัก​กั๋น​จาก​ใจ๋​แต๊ๆ เน่อ

1 เปโตร 2:11

เปื้อนๆ ตี้​ฮัก​เหย ข้าพเจ้า​ขอ​วิงวอน​หมู่​ต้าน​ตี้​เป๋น​เหมือน​คน​ต่างถิ่น​กับ​เป๋น​คน​ต่างด้าว​ของ​โลก​นี้ หื้อ​ต้าน​หนี​จาก​กิเลส​ตั๋ณหา​ของ​เนื้อหนัง​ตี้​ต่อ​สู้​กั๋น​กับ​จิต​วิญญาณ​ของ​ต้าน​หื้อ​ได้